آج کا شعر

[عیشل]

ڈس گیا اُسے بھی شاید ہجر کا ناگ
لہجہ تھکا ہوا،چہرہ بھی زرد تھا

 

[محمد وارث]

ٹھن جائے کس بلا کی، یزدان و اہرمن میں
انساں اگر کسی دن ہٹ جائے درمیاں سے

(احمد ندیم قاسمی)

 

[شمشاد]

نہ چین آتا ہے دن کو نہ شام آتا ہے
تمہارا ذکر زباں پر مدام آتا ہے
دعا کو ہاتھ اٹھے ہیں زباں نہیں ہلتی
نماز عشق میں یہ بھی مقام آتا ہے
(سرور)

 

[محمد وارث]

اٹھتا ہے دل و جاں سے دھواں دونوں طرف ہی
یہ میر کا دیوان یہاں بھی ہے، وہاں بھی ہے

(ندا فاضلی)

 

[شمشاد]

ناپتے ہیں وہاں غم کے مرے پیمانہ کو
آگ دے دے کوئی کم ظرفی میخانہ کو
امتحاں لیتا ہے ایماں کا مرے وہ کافر
چلئے نسبت تو ہے کعبہ سے صنم خانہ کو
(سرور)

 

[محمد وارث]

جان سے عشق اور جہاں سے گریز
دوستوں نے کیا کہاں سے گریز

میں وہاں ہوں جہاں جہاں تم ہو
تم کرو گے کہاں کہاں سے گریز

(فراز)

 

[شمشاد]

تانہ خلل پڑے کہیں آپ کے خواب ناز میں
ہم نہیں چاہتے کمی اپنی شب دراز میں
(مومن)

 

[محمد وارث]

کون روتا ہے کسی اور کی خاطر اے دوست
سب کو اپنی ہی کسی بات پہ رونا آیا

(ساحر لدھیانوی)

 

[فرحت کیانی]

کون روتا ہے کسی اور کی خاطر اے دوست
سب کو اپنی ہی کسی بات پہ رونا آیا

(ساحر لدھیانوی)

:واہ::واہ:

 

[فرحت کیانی]

کسی جگہ پہ بھی فخری سکُوں نہیں ملتا
ہمارے پاؤں میں ہجرت رچی ہوئی ہے بہت

 

[خرم شہزاد خرم]

ہوتی اگر نصیب تیری دید کی خوشی
کس دھوم سے مناتے ہم عید کی خوشی

 

[فرخ منظور]

ہماری آنکھوں میں آؤ، تو ہم دکھائیں تمہیں
ادا تمہاری، جو تم بھی کہو، "کہ ہاں کچھ ہے"

 

[عیشل]

سر میں سودا بھی نہیں دل میں تمنّا بھی نہیں
لیکن اس ترکِ محبت کا بھروسہ بھی نہیں

 

[فرخ منظور]

ہوں میں بھی تماشائی نیرنگِ تمنّا
مطلب نہیں کچھ اس سے کہ مطلب ہی بر آوے

 

[محمد وارث]

یہاں کسی کو بھی کچھ حسبِ آرزو نہ ملا
کسی کو ہم نہ ملے اور ہم کو تُو نہ ملا

پھر آج مے کدۂ دل سے لوٹ آئے ہیں
پھر آج ہم کو ٹھکانے کا ہم سبو نہ ملا

(ظفر اقبال)

 

[فرخ منظور]

پھر اسی بے وفا پہ مرتے ہیں
پھر وہی زندگی ہماری ہے

 

[فرخ منظور]

ہمیں سے رنگ گلستاں ہمیں سے رنگِ بہار
ہمیں کو نظم ِ گلستاں پہ اختیار نہیں

 

[عیشل]

اپنے دھوئیں کو چھوڑ گیا آسمان پر
بجھتے ہوئے دیئے میں غرور انتہا کا تھا

 

[محمد وارث]

جو میں سر بسجدہ ہوا کبھی تو زمیں سے آنے لگی صدا
ترا دل تو ہے صنم آشنا، تجھے کیا ملے گا نماز میں

(اقبال)

 

[فرخ منظور]

گوری سووے سیج پر، مکھ پر ڈارے کیس
چل خسرو گھر آپنے، سانجھ بھئ چوندیس