آج کا شعر

[شمشاد]

اُجڑے ہُوئے لوگوں سے گریزاں نہ ہُوا کر
حالات کی قبروں کے یہ کتبے بھی پڑھا کر

کیا جانیے کیوں تیز ہَوا سوچ میں گم ہے
خوابیدہ پرندوں کو درختوں سے اُڑا کر
(محسن نقوی)

 

[محمد وارث]

دلوں کو فکرِ دو عالم سے کر دیا آزاد
ترے جنوں کا خدا سلسلہ دراز کرے

(حسرت موہانی)

 

[شمشاد]

بولتی آنکھیں چپ دریا میں ڈوب گئیں
شہر کے سارے تہمت گر خاموش ہوئے
ابھی گیا ہے کوئی مگر یوں لگتا ہے
جیسے صدیاں بیتیں گھر خاموش ہوئے

 

[زونی]

ہم کہ رُوٹھی ہوئی رُت کو بھی منا لیتے تھے
ہم نے دیکھا ہی نہ تھا موسمِ ہجراں جاناں
یوں ہی موسم کی ادا دیکھ کے یاد آیا
کس قدر جلد بدل جاتے ہیں اِنساں جاناں

 

[شمشاد]

یہ نہ بھٹکا دے ہم کو منزل سے
راستہ ہم نے چل کے دیکھا ہے

ڈوب جائیں نہ ان کی آنکھوں میں
ہم نے کتنا سنبھل کے دیکھا ہے

 

[فرخ منظور]

دیکھیں ہے کون کون، ضرورت نہیں رہی
کوئے ستم میں سب کو خفا کر چکے ہیں ہم
اب اپنا اختیار ہے چاہے جہاں چلیں
رہبر سے اپنی راہ جدا کرچکے ہیں‌ ہم

(فیض)

 

[شمشاد]

دنیا جسے کہتے ہیں وہ جادو کا کھلونا ہے
مل جائے تو مٹی ہے، کھو جائے تو سونا ہے

 

[فرخ منظور]

راہ آسان ہو گئی ہوگی
جان پہچان ہو گئی ہوگی
تیری زلفوں کو چھیڑتی تھی صبا
خود پریشان ہوگئی ہوگی

(سیف الدین سیف)

 

[شمشاد]

کیسے بھر آئیں سرِ شام کسی کی آنکھیں
کیسے تھرائی چراغوں کی ضیاء یاد نہیں

 

[فرخ منظور]

آپ کی یاد آتی رہی رات بھر
چشمِ نم مسکراتی رہی رات بھر
(مخدوم محئ الدین)

 

[شمشاد]

تیرے غم میں پھٹ گئے سینے راہوں کے
کیا بتلاؤں پیڑوں کا جو حال ہوا

رام نے شبنم موتی چننے چھوڑ دئیے
جب سے تری زلفوں سے مالا مال ہوا
(رام ریاض)

 

[فرخ منظور]

زنگی کے حسین ترکش میں
کتنے بے رحم تیر ہوتے ہیں
تیری محفل میں بیٹھنے والے
کتنے روشن ضمیر ہوتے ہیں
(عدم)

 

[شمشاد]

سوچ رہے ہیں صبح تلک اِک بار بھی آنکھ نہیں جھپکی
اب توتیرے ہجر میں ہم نے پہلی رات گزاری ہے
(نوشی گیلانی)

 

[محمد وارث]

لحد میں کیوں نہ جاؤں منہ چُھپائے
بھری محفل سے اٹھوایا گیا ہوں

(شاد عظیم آبادی)

 

[شمشاد]

خیال وخواب کے منظر سجانا چاہتا ہے
یہ دل کا اِک تازہ بہانہ چاہتا ہے
(نوشی گیلانی)

 

[فرخ منظور]

حد بنانا چاہتا تھا لا انتہا میں اے منیر
گھر بنا کر ذہن کی آشفتگی کچھ کم ہوئی
(منیر نیازی)

 

[شمشاد]

ہجر کی شب میں قید کرے یا صُبحِ وصاَل میں رکھے
اچھّامولا! یری مرضی تُو جس حَال میں رکھے

 

[فرخ منظور]

ہماری آنکھوں میں‌ آؤ، تو ہم دکھائیں‌ تمہیں
ادا تمہاری جو تم بھی کہو، کہ ہاں! کچھ ہے
(نامعلوم)

 

[محمد وارث]

غریب و سادہ و رنگیں ہے داستانِ حرم
نہایت اس کی حسین ابتدا ہے اسماعیل

(اقبال)

 

[فرخ منظور]

فضائے شہر عقیدوں کی دھند میں ہے اسیر
نکل کے گھر سے اب اہلِ نظر نہ جائیں کہیں
(عبیداللہ علیم)