آج کا شعر

[شمشاد]

ہر محاذ پر تنہا خود کو ہم نے پایا تھا
دشمنوں کی ہر جانب سو طرح کی گھاتیں تھیں
(نزہت عباسی)

 

[فرحت کیانی]

دبتی جاتی ہیں مٹی میں بدن کی کشتیاں
دیکھنے میں یہ زمیں کوئی سمندر بھی نہیں

۔۔عدیم ہاشمی

 

[شمشاد]

تیرے ہونٹوں کے پھولوں کی چاہت میں ہم
دار کی خشک ٹہنی پہ وارے گئے

تیرے ہاتوں‌کی شمعوں کی حسرت میں ہم
نیم تاریک راہوں میں مارے گئے
(فیض)

 

[فرحت کیانی]

کاش ایسا ہو کہ اب حرفِ دعا زندہ رہے
میرا تجھ سے اے خدا! اب رابطہ زندہ رہے

 

[شمشاد]

جس بات کا سننا تمہیں منظور نہیں تھا
ہم کو بھی وہی بات سنانی ہی کہاں تھی
(نزہت عباسی)

 

[محمد وارث]

وہ دوستی تو خیر اب نصیبِ دشمناں ہوئی
وہ چھوٹی چھوٹی رنجشوں کا لطف بھی چلا گیا

(ناصر کاظمی)

 

[شمشاد]

آنکھیں کھلی رہیں گی تو منظر بھی آئیں گے
زندہ ہے دل تو اور ستمگر بھی آئیں گے

پہچان لو تمام فقیروں کے خدوخال
کچھ لوگ شب کو بھیس بدل کر بھی آئیں گے
(محسن نقوی)

 

[زونی]

پیدا کہاں ہیں ایسے پراگندہ طبع لوگ
افسوس تم کو میر سے صحبت نہیں رہی

(میر تقی میر)

 

[شمشاد]

کچھ دور ہمارے ساتھ چلو ہم دل کی کہانی کہہ دیں گے
سمجھے جسے نا تم آنکھوں سے وہ بات زبانی کہہ دیں گے

پھولوں کی طرح جب ہونٹوں پر اک شوخ تبسم بکھرے گا
دھیرے سے تمہارے کانوں میں ایک بات پرانی کہہ دیں گے

 

[محمد وارث]

ابھی راہ میں کئی موڑ ہیں، کوئی آئے گا کوئی جائے گا
تمھیں جس نے دل سے بھلا دیا، اسے بھولنے کی دعا کرو

(بشیر بدر)

 

[شمشاد]

دشت ِ افسردہ میں اک پھول کھلا ہے سو کہاں
وہ کسی خواب ِگریزاں میں ملا ہے سو کہاں

ہم تیری بزم سے اٹھے بھی تو خالی دامن
لوگ کہتے ہیں کہ ہر دکھ کا صلہ ہے سو کہاں
(احمد فراز)

 

[محمد وارث]

آتا ہے جو طوفان آنے دے، کشتی کا خدا خود حافظ ہے
مشکل تو نہیں ان موجوں میں خود بہتا ہوا ساحل آ جائے

(بہزاد لکھنوی)

 

[شمشاد]

کر رہا تھا غم جہاں کا حساب
آج تم یاد بے حساب آئے

نہ گئی تیرے غم کی سرداری
دل میں یوں روز انقلاب آئے
(فیض)

 

[زونی]

ہم تو اسیرِ خواب تھے تعبیر جو بھی تھی
دیوار پر لِكھی ہُوئی تحریر جو بھی تھی

ہر فرد لاجواب تھا، ہر نقش بے مثال
مِل جُل كے اپنی قوم كی تصویر جو بھی تھی

 

[شمشاد]

شاید قریب پہنچی صبحِ وصالِ ہمدم
موجِ صبا لیے ہے خوشبوئے خوش کناراں
(فیض)

 

[زونی]

ہم اپنی عُمر كی ڈھلتی ہُوئی اِك سہ پہر میں ہیں
جو مِلنا ہے ہمیں تو مِل، چراغِ شام سے پہلے
نجانے زندگی اور رات میں كیسا تعلق ہے
اُلجھتی كیوں ہے اِتنی گلِ چراغِ شام سے پہلے

 

[شمشاد]

زندگی سے نظر ملاؤ کبھی
ہار کے بعد مسکراؤ کبھی

ترکِ اُلفت کے بعد اُمیدِ وفا
ریت پر چل سکی ہے ناؤ کبھی
(پروین شاکر)

 

[محمد وارث]

مومن آ کیشِ مَحبّت میں، کہ ہے سب جائز
حسرتِ حرمتِ صہبا و مزامیر نہ کھینچ

 

[شمشاد]

مجھ سے ملنے کو سرِ شام کوئی سایا سا
تیرے آنگن سے چلے اور لبِ جو آئے

اس کے لہجے کا اثر تو ہے بڑی بات قتیل
وہ تو آنکھوں سی بھی کرتا ہوا جادو آئے
(قتیل شفائی)

 

[زونی]

ممکن ھے کہ تو جس کو سمجھتا ھے بہاراں
اوروں کی نظر میں وہ موسم ہو خزاں کا
شاید کہ زمیں ھے وہ کسی اور جہاں کی
تو جس کو سمجھتا ھے فلک اپنے جہاں کا

(اقبال)