آج کا شعر

[فرخ منظور]

تم اپنے شکوے کی باتیں نہ کھود کھود کے پوچھو
حذر کرو مرے دل سے کہ اس میں آگ دبی ہے

(غالب)

 

[شمشاد]

چلی یہ کیسی ہوا ، آس کے چراغ بُجھے
اس ایک دل میں ابھی انتظار باقی ہے

 

[فرخ منظور]

جب ہوا شب کو بدلتی ہوئی پہلو آئی
مدتوں اپنے بدن سے تری خوشبو آئی
(نامعلوم)

 

[شمشاد]

مٹا دیا ہے بھلا نقشِ پا کو کیوں اپنے
ہمارے سجدے اسے اور عظمتیں دیتے

کچھ اور رنگ بہاروں کا بھی نکھر جاتا
ہم اپنے خون سے گلشن کو رونقیں دیتے
(نزہت عباسی)

 

[شعیب خالق]

غم حیات سے میں بے نیاز رہتا ہوں
مرا دھیان جب اُس کے حضُور ہوتا ہے
جمیل عظیم آبادی

 

[یونس رضا]

تہمت لگا کے ماں پہ جو دشمن سے داد لے
ایسے سخن فروش کو مر جانا چاہیے

 

[شمشاد]

خود شناسی بھی اک ملال ہی تھی
اپنی ہستی ابھی سوال ہی تھی

یاد اچھا ہوا کہ بھول گئی
جیتے جی جان کا وبال ہی تھی

 

[محمد وارث]

خُودی سے مردِ خُود آگاہ کا جمال و جلال
کہ یہ کتاب ہے، باقی تمام تفسیریں

(اقبال)

 

[شمشاد]

اجنبی شہر کے اجنبی راستے ، میری تنہائی پر مسکراتے رہے
میں بہت دیر تک یونہی چلتا رہا ، تم بہت دیر تک یاد آتے رہے

 

[چاند بابو]

کلام کرتا تھا میں اُس سے دعا کے لہجے میں
مگر و ہ بول پڑا تھا خدا کے لہجے میں

زمین پھر اسی مر کز پہ جلد آ جا ئے
ندائے ”کُن“ میں سنوں ابتدا کے لہجے میں

پرندے لوہے کے‘ کنکر بموں کے پھینکتے ہیں
عذاب ہم پہ ہے کیوں ابرہہ کے لہجے میں

قدم ادھر ہی اٹھے جارہے ہیں جس جانب
سموم بول رہی ہے صبا کے لہجے میں

کشش تو چاند سے کچھ کم نہیں ہے اس میں بھی
مگر و ہ ملتا ہے ا کثر خلا کے لہجے میں

نئی ہوا و ں کی یلغا ر سے نمٹنے کو
میں زہر پینے لگا ہوں دوا کے لہجے میں​

کلام : فریاد آزر

 

[فرخ منظور]

خُودی سے مردِ خُود آگاہ کا جمال و جلال
کہ یہ کتاب ہے، باقی تمام تفسیریں

(اقبال)

یعنی کتاب کی اہمیت، تفسیروں سے زیادہ ہے - لیکن ہمارے ہاں تفسیر کی اہمیت زیادہ ہے کتاب سے -

 

[چاند بابو]

کھلتا کسی پہ کیوں میرے دل کا معاملہ
شعروں کے انتخاب نے رسوا کیا مجھے​

 

[فرخ منظور]

تقدیر کے پابند، نباتات و جمادات
مومن فقط احکامِ الہیٰ کا ہے پابند
(علامہ اقبال)

 

[محمد وارث]

اپنے پہ کر رہا ہوں قیاس اہلِ دھر کا
سمجھا ہوں دل پذیر، متاعِ ہنر کو میں

(غالب)

 

[شمشاد]

سخت حالات کے تیز طوفان میں ،گِھر گیا تھا ہمارا جنونِ وفا
ہم چراغِ تمنا جلاتے رہے ، وہ چراغِ تمنا بجھاتے رہے
(راہی معصوم رضا)

 

[شعیب خالق]

آخر کو آج اپنے لہو پر ہوئی تمام
بازی میان ِقاتل و خنجر لگی ہوئی
فیض احمد فیض

 

[یونس رضا]

کھول کر آنکھیں مرے آئینہ گفتار میں
آنے والے دور کی دھندلی سی اک تصویر دیکھ
​

 

[شعیب خالق]

اکیلا ہی مجھے لڑنا پڑے گا
کہیں سے بھی کمک آنی نہیں ھے​

 

[شمشاد]

خونِ دل پی کر مرا جب غم جواں ہو جائے گا
گردشِ دوراں کے ہاتھوں بے نشاں ہو جائے گا

 

[فرخ منظور]

رکھتا پھروں ہوں خرقہ و سجّادہ رہنِ مے
مدّت ہوئی ہے دعوتِ آب و ہوا کیے
(غالب)