آج کا شعر

[فرخ منظور]

میں چھیڑنے کو کاش اسے گھور لوں کہیں
پھر شوخ دیدہ بر سرِ صد انتقام ہو
(غالب)

 

[چاند بابو]

میرےہاتھوں کی لکیروں میں یہ عیب چھپاہےمحسن
میں جس شخص کو چھو لوں وہ میرا نہیں رہتا

 

[شمشاد]

چاند گھٹتا ہی گیا جتنا تجھے یاد کیا
درد بڑھتا ہی گیا جتنا تجھے یاد کیا

 

[محمد وارث]

غرض نشاط ہے شغلِ شراب سے جن کی
حلال چیز کو گویا حرام کرتے ہیں

(اقبال)

 

[یونس رضا]

جواز ڈھونڈ رہا تھا نئی محبت کا
وہ کھ رہا تھا میں اس کو بھول جاؤنگی

 

[شمشاد]

تم سے بچھڑکے کام یہ کرنا پڑا ہمیں
پھر آج اپنے آپ سے لڑنا پڑا ہمیں
کچھ مانگنے کے واسطے آیا تھا اک فقیر
کاسے کو آج اشکوں سے بھرنا پڑا ہمیں

 

[شمشاد]

جواز ڈھونڈ رہا تھا نئی محبت کا
وہ کھ رہا تھا میں اس کو بھول جاؤنگی

یونس بھائی دوسرے مصرعے پر پھر سے نظر کرم کریں۔ درمیان میں کہیں اٹک کا پُل تو نہیں آ گیا؟

 

[زونی]

یونس بھائی دوسرے مصرعے پر پھر سے نظر کرم کریں۔ درمیان میں کہیں اٹک کا پُل تو نہیں آ گیا؟

شمشاد بھائی جملہ تقریباً صحیح ھے اگر دو آنکھوں والی ہ کو ایک آنکھ میں بدل دیا جائے،ان ڈائریکٹ بات ہو رہی ھے

 

[شعیب خالق]

یہ اور بات کہ وہ لَب تھے پھول سے نازک
کوئی نہ سہہ سکے ، لہجہ کرخت ایسا تھا
شکیب جلالی​

 

[زونی]

دل دھڑکنے کا سبب یاد آیا
وہ تیری یاد تھی اب یاد آیا
حالِ دل ہم بھی سناتے لیکن
جب وہ رخصت ہوا تب یاد آیا



( ناصر کاظمی)

 

[شعیب خالق]

میں اپنے شہر فن میں اکیلا رہا بہت
اہل سخن کے ساتھ میری دوستی نہ تھی
احمد رئیس​

 

[شمشاد]

شمشاد بھائی جملہ تقریباً صحیح ھے اگر دو آنکھوں والی ہ کو ایک آنکھ میں بدل دیا جائے،ان ڈائریکٹ بات ہو رہی ھے

آپ کا مطلب ہے " وہ کہ رہا تھا میں اس کو بھول جاؤنگی" صحیح ہے۔

اور میرا کہنے کا مطلب تھا کہ مصرعے کے شروع میں تو مذکر مخاطب ہے، یہ مصرعے کے آخر میں مؤنث میں کیسے بدل گیا؟

 

[شمشاد]

طوفان سامنے ہے کنارے کدھر گئے
کشتی میں ہم سفر تھے ہمارے کدھر گئے
آنکھوں میں ظلمتوں کو اتارا تھا کس لئے؟
اب سے پوچھتے ہیں ستارے کدھر گئے

 

[یونس رضا]

قاتل کو کوئی قتل کے آداب سکھائے
دستار کے ہوتے ہوئے سر کاٹ رہا ہے

 

[شعیب خالق]

وفاکروں گا، کسی سوگوار چہرے سے
پرانی قبر پہ کتبہ نیا سجا دوں گا
محسن نقوی​

 

[شمشاد]

ایسا اندھیر نگر تھا کہ اُجالا نہ ہوا
سارا گھر ہم نے جلایا بھی مگر کچھ نہ بنا

 

[شعیب خالق]

کہاں سے آئی یہ خوشبو، یہ گھر کی خوشبو ہے
اس اجنبی کے اندھیرے میں کون آیا ہے
بشیر بدر​

 

[شمشاد]

اشک اپنی آنکھوں سے خُود بھی ہم چُھپالیں گے
تیرے چاہنے والے شور کیا مچائیں گے
صُبح کی ہَوا تجھ کو وہ ملے تو کہہ دینا
شام کی منڈیروں پر ہم دیئے جلائیں گے

 

[فرخ منظور]

میں جسے پیار کا انداز سمجھ بیٹھا ہوں
وہ تبسّم، وہ تکلّم، تری عادت ہی نہ ہو
(ساحر لدھیانوی)

 

[شمشاد]

لبوں پہ بات نہیں آئی اور نہ آئے گی
کہ اپنی ذات کسی پر ہے ہم نے کیوں واری
(نزہت عباسی)