آپ کے پسندیدہ اشعار!

[طارق شاہ]

چھوڑیے دَیر و حرم کو یاس ، دِلّی دُور ہے
اِس دوراہے میں غضب کا سامنا ہوجائے گا

میرزا یاس یگانہ

 

[طارق شاہ]

بڑھتے بڑھتے اپنی حد سے بڑھ چلا دستِ حوس
گھٹتے گھٹتے ایک دن دستِ دُعا ہوجائے گا

میرزا یاس یگانہ

 

[طارق شاہ]

رہے وہ جانِ جہاں ، یہ جہاں رہے نہ رہے !
مکیں کی خیر ہو یا رب، مکاں رہے نہ رہے

امیر مینائی

 

[عبدالقیوم چوہدری]

ﺑﺲ ﺗﯿﺮﯼ ﯾﺎﺩ ﮈﮬﻞ ﻧﮩﯿﮟ ﭘﺎﺋﯽ
ﻭﺭﻧﮧ ﮐﺲ ﮐﻮ ﯾﮩﺎﮞ ﺯﻭﺍﻝ ﻧﮩﯿﮟ

 

[عبدالقیوم چوہدری]

ﺍُﻟﭩﯽ ﺳﯿﺪﮬﯽ ﭼﺎﻟﯿﮟ ﭼﻞ ﮐﺮ، ﺁﻧﮑﮫ ﺑﭽﺎ ﮐﮯ ﻣﮩﺮﮦ ﺑﺪﻝ ﮐﮯ
ﺷﺎﻃﺮ ﻗﺴﻤﺖ ﮨﻨﺴﺘﯽ ﺟﺎﺋﮯ ”ﻣﺎﺕ ﮨﻮﺋﯽ ﮨﮯ، ﻣﺎﺕ ﮨﻮﺋﯽ ﮨﮯ

 

[عبدالقیوم چوہدری]

ہم تو فقیرلوگ ہیں ۔۔۔۔ہم دل کی سلطنت
سستی بھی بیچ دیتے ہیں بازار دیکھ کر

 

[صائمہ شاہ]

میں تو اس کافر کا ہو کر رہ گیا اے ہمدمو
تم تلاش آدمی میں دور تک جایا کرو

عزیز حامد مدنی

 

[صائمہ شاہ]

ہزار وقت کے پرتو نظر میں ہوتے ہیں
ہم ایک حلقۂ وحشت اثر میں ہوتے ہیں

کھلا یہ دل پہ کہ تعمیرِ بام و در ہے فریب
بگولے قالبِ دیوار و در میں ہوتے ہیں

عزیز حامد مدنی

 

[صائمہ شاہ]

وہ لوگ، جن سے تری بزم میں تھے ہنگامے
گئے تو کیا تری بزمِ خیال سے بھی گئے؟

عزیز حامد مدنی

 

[عبدالقیوم چوہدری]

اور مجھ سے کیا تیری کوذہ گرہ چاہتی ہے

میں یہاں تک تو چلا آیا ہوں گردش کرتا

 

[طارق شاہ]

اب نظر آ ، کہ تھک رہا ہوں میں
کب سے آئینہ تک رہا ہوں میں

آئینہ سا ، وہ رُو بہ رُو ہے مِرے
اور پلکیں جھپک رہا ہوں میں

آگئی ہے زباں میں لکنتِ عشق
بات کرتے اٹک رہا ہوں میں

وہ گلِ شاخِ یاسمین و سمن
سوچ کر ہی مہک رہا ہوں میں

احمد نوید

 

[طارق شاہ]

زمانے بھر میں کہیں بھی لگی عدالتِ عشق
پُکارے جاؤگے تم ہی خلش سزا کے لئے

شفیق خلش

 

[سید فصیح احمد]

ہوئی ہے جب بھی عدم ان کو دیکھنے کی ہوس
بڑے خلوص سے بے اختیار دیکھا ہے

عدم

 

[سید فصیح احمد]

سر پھوڑنا وہ غالبِ شوریدہ حال کا
یاد آگیا مجھے تری دیوار دیکھ کر

 

[سید فصیح احمد]

اے محتسب نہ پھینک ! مرے محتسب نہ پھینک ۔۔ ،،
ظالم شراب ہے، ارے ظالم شراب ہے ۔۔۔۔۔۔۔ !!

عبدالحمید عدم

 

[سید مزمل حسین]

لبوں پہ کیا وہ مرے دل میں شہد گھولتا ہے
وہ جادو حسن کا ہے، سر پہ چڑھ کے بولتا ہے
سپاہِ عشق کے لشکر سے ہے وفا میری
چلا کے تیر وہ نیزے پہ سر کو تولتا ہے

جو پیاسا دشت ِ محبت میں جان ہارا تھا
فلک کی اوڑھ سے رازِ شکست کھولتا ہے

ھر اک طرف سے امنڈھتے ہوئے اندھیروں میں
ستارہ بن کے چھپی ظلمتیں ٹٹولتا ہے

میں اس کو دل کے خرابے میں ڈھونڈھنے نکلا
وہ دل میں چھپ کے مرے دل کے بھید کھولتا ہے

وہ حسن ساز کی تخلیقِ جاوداں ٹھہرا
میں خاک ٹھہرا مجھے خاک ہی میں رولتا ہے

سکھایا کس نے یہ شعلوں سے کھیلنا مجھ کو
مرے خدا مرے اندر یہ کون بولتا ہے

میں اپنی آگ میں کندن بنا تو ڈرنے لگا
زیاں کے خوف سے درویش منوا ڈولتا ہے
(اقتباس)

 

[سید فصیح احمد]

اے محتسب نہ پھینک ! مرے محتسب نہ پھینک ۔۔ ،،
ظالم شراب ہے، ارے ظالم شراب ہے ۔۔۔ ۔۔۔ ۔ !!

عبدالحمید عدم

نیز : احباب کے لیئے عرض کرتا جاؤں یہ شعر عدم نے بادہ نوشی ترک کرنے سے قبل کہا تھا ،،،، جس کے بعد کچھ ہی عرصہ تک عدم حیات رہے !!

 

[سید فصیح احمد]

دونوں جہان دے کے وہ سمجھے کہ خوش رہا
یاں آ پڑی یہ شرم کہ تکرار کیا کریں

غالب

 

[طارق شاہ]

امرو پرست ہے تو گُلِسْتاں کی سیر کر
ہر نو نہال رشک ہے یاں خُرد سال کا

خواجہ حیدر علی آتش

 

[طارق شاہ]

ہم کو تو دل کی چاہ نے مجبُور کردیا
پھیرے مگر بُتوں کی طرف سے خُدا مزاج

خواجہ حیدر علی آتش