آپ کے پسندیدہ اشعار!

[نوید رزاق بٹ]

عصائے مرگ تھامے زندگانی
مری سانسوں کا ریوڑ ہانکتی ہے
(نامعلوم)

 

[طارق شاہ]

ہجرت زمینِ کعبہ سے جب مُصطفیٰ نے کی
اُس روز مُصطفیٰ کی مدد ، مُرتضیٰ نے کی

میرانیس

 

[طارق شاہ]

ہُجومِ گریہ زبس رات چشمِ تر میں رہا
نہ ایک قطرۂ خُوں صُبْح تک جگر میں رہا

غلام ہمدانی مصحفی

 

[طارق شاہ]

چلے بھی جا جرسِ غنچہ کی صدا پہ نسیم
کہیں تو قافلۂ نوبہار ٹھہرے گا

غلام ہمدانی مصحفی

 

[طارق شاہ]

پُوچھونہ تیرے ہجرمیں کاٹے ہیں کیسے سب !
کوہِ گراں سے مجھ پہ وہ شام وسحر ہُوئے

شفیق خلش

 

[طارق شاہ]

تذکرہ مِیر کا غالب کی زباں تک آیا
اعترافِ ہُنر احبابِ ہُنر کرتے ہیں

باقرزیدی

 

[طارق شاہ]

ہراِک وجُود کسی حلقۂ اثر میں رہا
کسی پہ دُھوپ کوئی سایۂ شجر میں رہا

باقرزیدی

 

[طارق شاہ]

ہم سے ناخوش نہ ہو خُدا کے لئے
سارا عالم خفا سا لگتا ہے

باقرزیدی

 

[طارق شاہ]

جس طبیعت پہ ہمیں نازِ حق آگاہی تھا
اب وہی شیفتۂ حُسنِ بُتاں ٹھہری ہے

مولانا حسرت موہانی

 

[طارق شاہ]

فصلِ گُل دُھوم سے آئی ہے پر، اے رشکِ بہار
اِک تِرے پاس نہ ہونے سے خِزاں ٹھہری ہے

مولانا حسرت موہانی

 

[طارق شاہ]

آتے آتے یونہی دم بھر کو رُکی ہو گی بہار
جاتے جاتے یونہی پل بھر کو خزاں ٹھہری ہے

فیض احمد فیض

 

[طارق شاہ]

دِل محوِ حیرت نے اب تک نہ جانا
کہ کیاہے تِری آرزو، کیا نہیں ہے

حسرت موہانی

 

[طارق شاہ]

مُہیّا سے ترکِ تمنّا نہیں ہے
دلِ زار ابھی اُن کو سمجھا نہیں ہے

حسرت موہانی

 

[طارق شاہ]

سنگِ اسود نہیں ہے چشمِ بُتاں
بوسہ مومِن طلب کرے کیا مُنہ

مومن خان مومن

 

[طارق شاہ]

میری وحشت کے لئےصحرائے قیس
تنگ تر ہے خانۂ زنجیر سے

مومن خان مومن

 

[طارق شاہ]

اے صنم، مومِن ہُوں آخر کِس طرح
مجھ کو تسکِیں ہو تِری تصوِیر سے

مومن خاں مومن

 

[طارق شاہ]

مجھے ہر لمحہ آئے یاد تیری
کبھی آئی تجھے بھی یاد میری

میرا جی

 

[طارق شاہ]

نہیں سُنتا دلِ ناشاد میری
ہُوئی ہے زندگی برباد میری

میرا جی

 

[طارق شاہ]

اُمید و بیم نے مارا مجھے دوراہے پر
کہاں کے دیروحرم، گھر کا راستا نہ مِلا

میرزا یاس یگانہ

 

[طارق شاہ]

خوشا نصیب، جسے فیضِ عشقِ شورانگیز
بقدر ظرف مِلا ، ظرف سے سوا نہ مِلا

میرزا یاس یگانہ