آپ کے پسندیدہ اشعار!

[طارق شاہ]

دیوانہ دیکھتا ہُوں میں ، دُنیا کا خلق کو
آتش پری کا رکھتی ہے یہ بیسوا مزاج

خواجہ حیدر علی آتش

 

[محمد خلیل الرحمٰن]

بہت خوبصورت شعر عطا کیا ہے طارق شاہ بھائی۔ لفظ بیسوا پر ایک اور شعر لکھنے کا دل چاہ رہا ہے۔

عشق کا کام بیسوا جانیں
ہم بہو بیٹیاں یہ کیا جانیں

 

[سید فصیح احمد]

ہم کو تو دل کی چاہ نے مجبُور کردیا
پھیرے مگر بُتوں کی طرف سے خُدا مزاج

خواجہ حیدر علی آتش

واااہ !! ، سلامتی ہو طارق بھائی ۔

 

[سید فصیح احمد]

یہ میرا دامنِ صد چاک، یہ ردائے بہار
یہاں شراب کے چھینٹے، وہاں گلاب کے پھول

مجید ۱مجد

 

[طارق شاہ]

میری جانب سے مخاطب خاص کر وہ چشمِ ناز
اب تو کرنی ہی پڑے گی دل کی قربانی مجھے

حسرت موہانی

 

[طارق شاہ]

تبدیل روزِ وصل سے فرقت کی شب ہُوئی
آئی ہُوئی بلا ٹلی ، صدقہ اُتاریے

خواجہ حیدر علی آتش

 

[طارق شاہ]

غمِ دُوری نے کشاکش تو بہت کی لیکن !
یاد اُن کی دلِ حسرت سے بُھلائی نہ گئی

حسرت موہانی

 

[طارق شاہ]

ترے کرم پہ ہے موقوف کامرانیِ شوق
یہ نا تمام ، الہیٰ تمام ہو جائے

عطا ہو سوز وہ یا رب جنونِ حسرت کو
کہ جس سے پختہ یہ سودائے خام ہو جائے

حسرت موہانی

 

[طارق شاہ]

مقسوم کا جو ہے سو وہ پُہنچے گا آپ سے
پھیلائیے نہ ہاتھ نہ دامن پساریے

حیدر علی آتش

 

[ثامر شعور]

پیمبروں سے زمینیں وفا نہیں کرتیں
ہم ایسے کون خدا تھے، کہ اپنے گھررہتے

افتخار عارف

 

[طارق شاہ]

میرے یوں تجھ سے ہُوئے پیار پہ ہر بار اُلجھے
بچ کے نِکلا بھی جو اپنوں سے تو اغیار اُلجھے

زیست میری تھی تماشہ سا تِرے پیار میں اِک
گر نہ اپنے ، نہ کوئی غیر ، تو پھر یار اُلجھے

شفیق خلش

 

[عبدالقیوم چوہدری]

کسی کا عشق، کسی کا خیال تھے ہم بھی
گئے دنوں میں بہت باکمال تھے ہم بھی

 

[شمشاد]

شِدتِ غم میں بھی زندہ ہوں تو حیرت کیسی
کچھ دیے تُند ہواؤں میں بھی لڑ جاتے ہیں

وہ بھی کیا لوگ ہیں محسن جو وفا کی خاطر!
خود تراشیدہ اُصولوں پہ بھی اَڑ جاتے ہیں
(محسن نقوی)

 

[ثامر شعور]

تو گیا وقت نہیں ہے کہ بھلا دوں تجھ کو
تو مرا حال ہے اور بیت رہا ہے دل پر

مشتاق عاجز

 

[طارق شاہ]

مہرباں ہو کے بُلالو مجھے ، چاہو جس وقت
میں گیا وقت نہیں ہوں ، کہ پھرآ بھی نہ سکوں

ضعف میں طعنۂ اغیار کا شکوہ کیا ہے !
بات کچھ سر تو نہیں ہے کہ اُٹھا بھی نہ سکوں

زہر ملتا ہی نہیں مجھ کو سِتمگر ، ورنہ
کیا قسم ہے ترے ملنے کی کہ کھا بھی نہ سکوں

مرزا اسداللہ خاں غالب

 

[طارق شاہ]

فکرِ اشعار میں کاٹی شبِ تاریکِ فراق
رات بھر صبح کے مضموں نے جگایا مجھ کو

خواجہ حیدر علی آتش

 

[طارق شاہ]

شام سے پہلوئے خالی نے اِک آفت ڈھائی
صبح تک طالعِ خفتہ نے جگایا مجھ کو

خواجہ حیدر علی آتش

 

[طارق شاہ]

صنم پرستی کو زاہد روا رکھے نہ رکھے
گِلہ نہیں ہے جو صُوفی شراب خوار نہ ہو

خواجہ حیدر علی آتش

 

[طارق شاہ]

درِ حرم کو ہے تشبیہ طاقِ ابرُو سے
سوادِ کعبۂ مقصُود زُلفِ یار نہ ہو

خواجہ حیدر علی آتش

 

[طارق شاہ]

جامِ ہر ذرّہ ، ہے سرشارِ تمنّا مجھ سے
کِس کا دل ہُوں کہ دوعالم سے لگایا ہے مجھے

اسدالله خاں غالب