آپ کے پسندیدہ اشعار!

[بےمروت]

دیکھے تو ذرا پی کہ ظفر زہر محبت
سنتے ہے کہ اس زہر میں لذت بھی بہت ہے

 

[طارق شاہ]

میری گھُٹی میں پڑی تھی ہو کے حل، اُردو زباں
جو بھی میں کہتا گیا ، حُسنِ بیاں بَنتا گیا

سرزمینِ ہند پر اقوامِ عالم کے فراق
قافلے بستے گئے، ہندوستاں بنتا گیا

فراق گورکھپوری
Urdu language lies blent with my blood and bones
Everything that I write becomes a model for my age
Caravan upon caravan, representing many a race
Poured into Indian soil, and hindustan was made

firaq gorakhpuri

 

[ثامر شعور]

کس کو یہ فکر ہے کہ قبیلے کو کیا ہوا
سب اس پہ لڑ رہے ہیں کہ سردار کون ہے

معراج فیض آبادی

 

[ثامر شعور]

وہ مانگنے نکلا ہے انصاف خدا خیر کرے
آج کی رات وہ گھر نہیں آنے والا
معراج فیض آبادی

 

[طارق شاہ]

اتفاقاتِ زمانہ بھی عجب ہیں ناصر !
آج وہ دیکھ رہے ہیں، جو سُنا کرتے تھے

ناصر کاظمی

 

[طارق شاہ]

ہم سے پہلے زمینِِ شہرِ وفا
خاک تھی، کِیمیا ہمیں سے ہُوئی

ناصر کاظمی

 

[طارق شاہ]

سعیِ تجدیدِ دوستی ناصر !
آج کیا ، بارہا ہمیں سے ہُوئی

ناصر کاظمی

 

[طارق شاہ]

کیوں پٹکتا ہے سر سنگ سے ، جی جَلا ڈھنگ سے
دل ہی ، بن جائے گا خود صنم ، صبر کر، صبر کر

ناصر کاظمی

 

[عبدالقیوم چوہدری]

اُٹھا سبو کہ رواں ہوں سرور کی لہریں
چھلک پڑیں تو پیالے بھی ساز ہوتے ہیں

عدم خلوص کے بندوں میں ایک خامی ھے
ستم ظریف بڑ ے جلد باز ہوتے ہیں

 

[طارق شاہ]

آرائشِ خیال بھی ہو، دل کشا بھی ہو
وہ درد اب کہاں جسے جی چاہتا بھی ہو

ناصر کاظمی

 

[طارق شاہ]

یہ کیا کہ روز ایک سا غم، ایک سی اُمید
اِس رنجِ بےخُمار کی ، اب اِنتہا بھی ہو

ناصر کاظمی

 

[طارق شاہ]

صدقے میں بھلی ذات کے ، پھر ہجرمیں اُس کی
اے ماہِ منّور! وہی صُورت تو اُبھارو

شفیق خلش

 

[طارق شاہ]

قدموں تلے آجائے گی منزل ، جو خلش تم
لو سر سے کوئی کام ، نہ دیوار پہ مارو

شفیق خلش

 

[طارق شاہ]

دِیا جلایا ، تن سے دُھول اُتاری ہے
یہ سب تم سے ملنے کی تیاری ہے

گزُر رہے ہیں لہو کی دھار سے رات اور دن
رات اور دن کے پیچھے اپنی باری ہے

ہم دونوں کے خواب کہاں مِل سکتے ہیں
تم نے رات اور ہم نے عمر گزُاری ہے

سر پر جو گٹھڑی ہے اُس کا بَوجھ نہیں
گٹھڑی میں جو سپنا ہے ، وہ بھاری ہے

نذیر قیصر

 

[طارق شاہ]

لمس ، مرہم کا کام کرتا ہے
تیرے چُھونے سے زخم بھرتا ہے

میں وہ رستے کی دُھول ہُوں ، جس کو
قافلہ چُوم کر گزُرتا ہے

نیم تیراک ہے ابھی سورج !
ڈوبتا ہے کبھی اُبھرتا ہے

علی زیرک

 

[طارق شاہ]

ہرایک کے ہاتھ ، فقط غفلتیں تھیں ہوش نُما
کہ سب کو ، اپنے سے بیگانہ وار جینا تھا

فراق گورکھپوری

Everyone was self-oblivious, though he looked awake
Everyone led a life shorn of self-concern

firaaq gorakhpuri

 

[طارق شاہ]

غرض کہ کاٹ دیے زندگی کے دن، اے دوست !
وہ تیری یاد میں ہُوں ، یا تجھے بُھلانے میں
فراق گورکھپوری

I have, in short, spent my life, somehow, dear friend
Be it in remembering you, or trying to forget

firaaq gorakhpuri

 

[طارق شاہ]

زمانے کی گردش سے چارا نہیں ہے
زمانہ ہمارا تمہارا نہیں ہے
منشی گورکھ پرساد عبرت
(جناب فراق گورکھپوری صاحب کے والد )

Who can escape the whirl of time
time is neither yours nor mine
Munshi Gorakh Prasad , Ibrat
(Mr. Firaq Gorakhpuri's father )

 

[سید فصیح احمد]

قدموں تلے آجائے گی منزل ، جو خلش تم
لو سر سے کوئی کام ، نہ دیوار پہ مارو

شفیق خلش

آفریں ہے لِکھنے والے اور چُننے والے پر !!
آج کا دِن بھلا گُزرے گا ۔۔۔۔۔۔ بیحد ممنون ہوں پیارے بھائی

 

[طارق شاہ]

زیر و بم سے سازِ خلقت کے جہاں بنتا گیا
یہ زمیں بنتی گئی ، یہ آسماں بنتا گیا

فراق گورکھپوری