آپ کے پسندیدہ اشعار!

[طارق شاہ]

۔۔۔۔۔۔۔۔۔۔۔۔۔۔۔۔۔۔۔ تم

ﺟﺐ ﻧﮩﯿﮟ ﺁﺋﮯ ﺗﮭﮯ ﺗﻢ
ﺗﺐ ﺑﮭﯽ ﺗﻮ ﺗﻢ ﺁﺋﮯ ﺗﮭﮯ
ﺁﻧﮑھ ﻣﯿﮟ ﻧُﻮﺭ ﮐﯽ
ﺍﻭﺭ ﺩِﻝ ﻣﯿﮟ ﻟﮩﻮ ﮐﯽ ﺻُﻮﺭﺕ
ﯾﺎﺩ ﮐﯽ ﻃﺮﺡ
ﺩﮬﮍﮐﺘﮯ ہُوئے ﺩِﻝ ﮐﯽ ﺻُﻮﺭﺕ
ﺗﻢ ﻧﮩﯿﮟ ﺁﺋﮯ ﺍﺑﮭﯽ
ﭘﮭﺮ ﺑﮭﯽ ﺗﻮ ﺗﻢ ﺁﺋﮯ ہو
ﺭﺍﺕ ﮐﮯ ﺳِﯿﻨﮯ ﻣﯿﮟ
ﻣﮩﺘﺎﺏ ﮐﮯ ﺧﻨﺠﺮ ﮐﯽ ﻃﺮﺡ
ﺻﺒﺢ ﮐﮯ ہاتھ ﻣﯿﮟ
ﺧﻮﺭﺷﯿﺪ ﮐﮯ ﺳﺎﻏﺮ ﮐﯽ ﻃﺮﺡ
ﺗﻢ ﻧﮩﯿﮟ ﺁؤ ﮔﮯ ﺟﺐ
ﭘﮭﺮ ﺑﮭﯽ ﺗﻮ ﺗﻢ ﺁؤ ﮔﮯ
ﺯُﻟﻒ ﺩﺭ ﺯُﻟﻒ ﺑﮑﮭﺮ ﺟﺎﺋﮯﮔﺎ
ﭘﮭﺮ ﺭﺍﺕ ﮐﺎ ﺭﻧﮓ
ﺷﺐِ ﺗﻨﮩﺎئی ﻣﯿﮟ ﺑﮭﯽ
ﻟُﻄﻒِ ﻣُﻼﻗﺎﺕ ﮐﺎ ﺭﻧﮓ
ﺁؤ ﺁﻧﮯ ﮐﯽ ﮐﺮﯾﮟ ﺑﺎﺕ
ﮐﮧ ﺗﻢ ﺁﺋﮯ ہو
ﺍﺏ ﺗﻢ ﺁﺋﮯ ہو ﺗﻮ ﻣﯿﮟ
ﮐﻮﻥ ﺳﯽ ﺷﮯ نذر ﮐﺮﻭﮞ
ﮐﮧ ﻣﯿﺮﮮ ﭘﺎﺱ ﺳِﻮﺍ
ﻣﮩﺮ ﻭ ﻭﻓﺎ کچھ ﺑﮭﯽ ﻧﮩﯿﮟ
ﺍﯾﮏ ﺩِﻝ، ﺍﯾﮏ ﺗﻤﻨّﺎ ﮐﮯ ﺳِﻮﺍ
کچھ ﺑﮭﯽ ﻧﮩﯿﮟ

ﻋﻠﯽ ﺳﺮﺩﺍﺭ ﺟﻌﻔﺮﯼ

 

[طارق شاہ]

غالب رہے ضو باری بچھی تِیرہ شبی پر
چہرے نہ لگیں یاس کی تصویر سی تارو

شفیق خلش

 

[طارق شاہ]

اے چاند! اُسے میری تسلّی ہی کی خاطر
آجائے وہ تم میں نظر ایسا تو پُکارو

شفیق خلش

 

[سید فصیح احمد]

دلِ پُر داغ کو ارماں، کہ گلے اُن کے لگے
اُن کو یہ ڈر، کہ گلے کا یہ کہِیں ہار نہ ہو


اکبرالٰہ آبادی

کمال ہے صاحب صد کمال ہے !!

 

[طارق شاہ]

بس اِس کے سِوا اور نہیں کوئی شکایت
مِلتا ہے، مگر دِل سے سِتم گر نہیں مِلتا

یاس یگانہ چنگیزی

 

[طارق شاہ]

رستے سے پلٹ جاتی ہے موت آکے شبِ ہجر
اندھیر ہے ، اس کو بھی مِرا گھر نہیں مِلتا

یاس یگانہ چنگیزی

 

[طارق شاہ]

صُلْح جُوئی نے گنہ گار مجھے ٹھہرایا
جُرم ثابت جو کِیا چاہو تو مُشکل ہوجائے

یاس یگانہ چنگیزی

 

[طارق شاہ]

جیسے دوزخ کی ہَوا کھا کے ابھی آیا ہو
کس قدر واعظِ مکاّر ڈراتا ہے مجھے

یاس یگانہ چنگیزی

 

[طارق شاہ]

ذہن سے بھی نہ گئے دل کے وہ ارماں کی طرح
بکھرے دونوں میں رہے زیست کے ساماں کے طرح

شفیق خلش

 

[طارق شاہ]

مارے کب اُن کا مجھے چھوڑ کے جانا ایسا
ہاں کرم اُن کا مِرے سر مگر احساں کی طرح

شفیق خلش

 

[سید فصیح احمد]

بکھرے دونوں میں رہے زیست کے ساماں کے طرح ۔۔۔۔ !!

شفیق خلش

پیارے بھائی کیا ہی خوب اور بامعنی مصرع ہے !!
رب سوہنا خیر کرے ، آمین !

 

[خالد محمود چوہدری]

دل کا یہ حال ہوا تیرے بعد
جیسے ویران سرا ہوتی ہے

رونا آتا ہے ہمیں بھی لیکن
اس میں توہینِ وفا ہوتی ہے
(ناصر کاظمی)

 

[خالد محمود چوہدری]

مرے بس میں یا تو یا رب، وہ ستم شعار ہوتا
یہ نہ تھا تو کاش دل پر مجھے اختیار ہوتا
امیر مینائی

 

[خالد محمود چوہدری]

یہ اور بات کہ خود کو بہت تباہ کیا
مگر یہ دیکھ تیرے ساتھ تو نباہ کیا

 

[خالد محمود چوہدری]

اک بار وہ ملا تھا مجھے بے رخی کے ساتھ
اس دن سے دل کا شہر برابر اداس ہے​

 

[طارق شاہ]

ظُلمت سے ، نُور سے ، یہ الگ کائنات ہے
حیرت سرائے عشق میں دن ہے نہ رات ہے

فراق گورکھپوری

 

[صائمہ شاہ]

دیکھ کیا کر رہے ہیں اہلِ زمیں
آسماں کے ستم کی بات نہ کر

صوفی تبسم

 

[طارق شاہ]

مجھ سےمعنی شِناس پر جادُو
حُسنِ صُورت حرام کیا کرتا

یاس یگانہ چنگیزی

 

[طارق شاہ]

کیا دل مجھے بہشت میں لے جائے گا بَھلا
جس کے سبب یہ جان پہ میری عذاب ہے

میر تقی میر

 

[طارق شاہ]

اِس شہرِ دِل کو تُو بھی ، جو دیکھے تو اب کہے !
کیا جانئے کہ بستی یہ کب کی خراب ہے

میر تقی میر