آپ کے پسندیدہ اشعار!

[غ۔ن۔غ]

زمیں چُھٹی تو بھٹک جاؤگے خلاؤں میں
تم اُڑتے اُڑتے کہیں آسماں نہ چھو لینا

عرفان صدیقی

 

[غ۔ن۔غ]

اُڑے تو پھر نہ ملیں گے رفاقتوں کے پرند
شکایتوں سے بھری ٹہنیاں نہ چھو لینا

عرفان صدیقی

 

[غ۔ن۔غ]

پتھر تھے کہ گوہر تھے، اب اس بات کا کیا ذکر
اک موج بہرحال بہا لے گئی ہم کو

عرفان صدیقی

 

[غ۔ن۔غ]

میں جب بھی نکلا میرے پاؤں چھید ڈالے گا
جو خار زار مرے چار سو ابھی تک ہے

فرحت عباس شاہ

 

[غ۔ن۔غ]

کوئی گمان مجھے تم سے دور کیسے کرے
کہ اعتبار مرے چار سو ابھی تک ہے

فرحت عباس شاہ

 

[غ۔ن۔غ]

سارا فساد بڑھتی ہوئی خواہشوں کا ہے
دل سے بڑا جہان میں امجد عدُو ہے کون

امجد اسلام امجد

 

[غ۔ن۔غ]

کچھ آج شام ہی سے ہے دل بھی بجھا بجھا
کچھ شہر کے چراغ بھی مدھم ہیں دوستو

احمد فراز

 

[صائمہ شاہ]

ٹوٹ جاتے ہیں سب الفاظ و معانی کے طلسم
بےزبانی میں عجب قوتِ گویائی ہے

شاعر لکھنوی

 

[قیصرانی]

اِس شہرِ دِل کو تُو بھی ، جو دیکھے تو اب کہے !
کیا جانئے کہ بستی یہ کب کی خراب ہے

میر تقی میر

شاہ صاحب، اگر برا نہ مانیں تو ایک عرض کروں؟
بستی کو اگر نیرنگ خیال والی بستی بنا دیا جائے تو بھی شعر کا معنی من و عن وہی رہتا ہے
اگر برا مانیں تو مندرجہ بالا فقرہ Void سمجھا جائے

 

[طارق شاہ]

حُسن اگر پردۂ خورشید میں ضُو بار نہ ہو
رات تو رات ہے ، دن میں بھی اندھیرا ہو جائے

سیماب اکبرآبادی

 

[طارق شاہ]

نغمۂ ساز سے کیا اُس کی طبیعت بہلے
دل کی آواز سُنے جس کو زمانہ ہو جائے

سیماب اکبرآبادی

 

[طارق شاہ]

سحر نہ آئی ، کئی بار نیند سے جاگے !
سو رات رات کی یہ زندگی گُزار چلے

سمپورن سنگھ گُلزار

 

[طارق شاہ]

مُجھے بھی اذنِ فُغاں مِل سکے تو مُرغِ اسِیر
تِرے قفس سے ، بدل دُوں میں آشیاں اپنا

ظہیر عثمانی

 

[طارق شاہ]

سکوتِ شمع پہ صدقے ہزار نُطق ظہیر !
کہ کہہ سکی تو ، سرِ بزم سوزِ جاں اپنا

ظہیر عثمانی

 

[طارق شاہ]

ظفر! ہم حریفانِ دیروحرم ہیں
ہمارے ہر اِرشاد کو عام کرنا

سراج الدین ظفر

 

[طارق شاہ]

تِری گلی میں نِکلنے کو پھر ہے دِل بیتاب
ابھی ابھی اِسے ، بے تاب لے کے آیا ہُوں

احمد نوید

 

[طارق شاہ]

جہانِ کہنہ ، مِری زد سے بچ نہیں سکتا
نیا زمانہ ہُوں ، سیلاب لے کے آیا ہُوں

احمد نوید

 

[طارق شاہ]

وہی محفل ہے ، وہی رونقِ محفل ليکن
کتنے بدلے ہوئے آداب نظر آتے ہيں

جاں نثار اختر

 

[طارق شاہ]

کيا تماشا ہے کہ غُنچے تو ہيں پژمُردہ و زرد
خار آسودہ و شاداب نظر آتے ہيں

جاں نثار اختر

 

[طارق شاہ]

مرنے کا پتہ دے ، مِرے جینے کا پتہ دے !
اے بے خبری کُچھ مِرے ہونے کا پتہ دے

سرمد صہبائی