آپ کے پسندیدہ اشعار!

[طارق شاہ]

اِک دوسرے کی آہٹوں پر چلتے ہیں سب لوگ
ہے کوئی یہاں ، جو مجھے رستے کا پتہ دے

سرمد صہبائی

 

[طارق شاہ]

ہُوں قید حصارِ رگِ گرداب میں ، سرمد !
کوئی نہیں جو مجھ کو کنارے کا پتہ دے

سرمد صہبائی

 

[نیرنگ خیال]

شاہ صاحب، اگر برا نہ مانیں تو ایک عرض کروں؟
بستی کو اگر نیرنگ خیال والی بستی بنا دیا جائے تو بھی شعر کا معنی من و عن وہی رہتا ہے
اگر برا مانیں تو مندرجہ بالا فقرہ Void سمجھا جائے

یہ میرے والی "بستی" کون سی ہے۔۔۔
Void main ہے یا کوئی اور۔۔۔ اور اس کی ریٹرن ٹائپ کیا ہے۔۔۔

 

[طارق شاہ]

یونہی سا تھا کوئی جس نے مجھے مِٹا ڈالا
نہ کوئی نُور کا پُتلا ، نہ کوئی زہرہ جبیں

فراق گورکھپوری

 

[طارق شاہ]

تھی شہرشہرزمانے میں جس کی رسوائی
فراق ، تھے وہی ناموسِ زندگی کے امیں

فراق گورکھپوری

 

[طارق شاہ]

وصال اُس سے میں چاہوں ، کہاں یہ میرا دل !
یہ رو رہا ہُوں کہ ، کیوں اُس کو میں نے دیکھا تھا

فراق گورکھپوری

 

[طارق شاہ]

گُم ہُوئے ہوش و حواس ایسے محیطِ عشق میں
ڈوبنے والوں کو اب تہ پر گُماں ساحل کا ہے

یاس یگانہ چنگیزی

 

[طارق شاہ]

جس طرح ہوسکے دن زیست کے پورے کرلو
چار دن کے لئے انسان کو حسرت کیسی

اکبر الہٰ آبادی

 

[طارق شاہ]

چُھٹو گے دامِ بَلا سے ، کبھی نہ اے اکبر !
طبیعت اُلجھی ہُوئی یوں اگر انہی سے رہی

اکبر الہٰ آبادی

 

[قیصرانی]

جھانکتے تھے ہم ان کو جس روزن دیوار سے
وائے قسمت ہو اسی روزن میں گھر زنبور کا

یہ یاداشت کے سہارے لکھ رہا ہوں، عین ممکن ہے کہ شعر کی نثر بنا دی ہو

 

[طارق شاہ]

مِرے سہارے، جو ماضی میں میرے کام آئے
اب ایک قصۂ پارینہ بن چکے ہیں سب

 

[طارق شاہ]

آمدِ یاس پہ ، ہو قہر خُدا کا نازل !
رہروِ منزلِ اُلفت کو ڈرا دیتی ہے

اکبر الہٰ آبادی

 

[طارق شاہ]

موردِ کُفر بنا مظہرِ اِیماں ہو کر
دِل مِرا لوٹ ہے کافر پہ مُسلماں ہو کر

فانی بدایونی

 

[طارق شاہ]

تجھ تک اِس بے طاقتی میں کیا پُہنچنا سہل تھا
غش تِرے کُوچے میں ہر ہر گام پر آیا ہمیں

میر تقی میر

 

[طارق شاہ]

پاس آنا یک طرف مطلق نہیں اب اُس کے پاس
کچھ گئے گزرے سے سمجھا وہ پسر آیا مجھے

میر تقی میر

 

[طارق شاہ]

دم بدم اس ڈھب سے رونا ، دیر کر آیا ہمیں
کیا لہو اپنا پیا تب یہ ہنر آیا ہمیں

میر تقی میر

 

[طارق شاہ]

کہاں کے معنی و مطلب ؟ یہ راگ ہے کچھ اور
الاپنے پہ مِرے حال آئے ہیں کیا کیا

یاس یگانہ چنگیزی

 

[طارق شاہ]

کوئی بنتا کوئی بگڑتا ہے
کون بدلے نظامِ کون و فساد

پُھول مُرجھا گئے تو پھل آئے
عینِ فِطرت یہی ہے عینِ مُراد

یاس یگانہ چنگیزی

 

[طارق شاہ]

زیست کے ہیں یہی مزے ، وللہ
چار دن شاد ، چار دن نا شاد

یاس یگانہ چنگیزی

 

[طارق شاہ]

سوزشِ دِل سے مُفت گلتے ہیں
داغ ، جیسے چراغ جلتے ہیں

اِس طرح دِل گیا ، کہ اب تک ہم
بیٹھے روتے ہیں ، ہاتھ ملتے ہیں

میر تقی میر