آپ کے پسندیدہ اشعار!

[طارق شاہ]

حیران ہے زاہد مِری مستانہ ادا سے
سَو راہِ طرِیقت کُھلیں، اِک لغزِشِ پا سے

اِک صُورتِ افتادگئ نقشِ فنا ہُوں
اب راہ سے مطلب، نہ مجھے راہنما سے

میخانہ کی اِک رُوح مجھے کھینچ کے دے دی
کیا کردیا ساقی! نگہِ ہوش رُبا سے

اصغر گونڈوی

 

[ام اریبہ]

میں اک کانچ کی گڑیا ____!
ہوائے دہر کی زد میں کبھی ٹوٹی کبھی بکھری
میں وقت کی آنکھ میں ٹھہرا ہوا بے رنگ سا آنسو

 

[طارق شاہ]

جو ظلم و سِتم تم نے کِئے، سب وہ اُٹھائے
اِک رنج و الم ہم سے نہ اِلزام کے اُٹھّے

بیخود دہلوی

 

[طارق شاہ]

دم بھر مِرے پہلوُ میں اُنھیں چین کہاں ہے
بیٹھے ، کہ بہانے سے کِسی کام کے اُٹھّے

بیخود دہلوی

 

[طارق شاہ]

تھا حاصلِ نظّارہ فقط ایک تحیّر
جلوے کو کہے کون ، کہ اب گُم ہے نظر بھی

اصغرگونڈوی

 

[طارق شاہ]

بزمِ احباب میں حاصل نہ ہُوا چَین مجھے
مطمئن دِل ہے بہت ، جب سے الگ بیٹھا ہُوں

پیر نصیرالدین نصیر

 

[طارق شاہ]

بھلا ہم مِلے بھی تو، کیا مِلے ، وہی دُوریاں وہی فاصلے
نہ کبھی ہمارے قدم بڑھے ، نہ کبھی تمہاری جھجک گئی

بشیر بدر

 

[طارق شاہ]

چُبھتی ہے قلب و جاں میں سِتاروں کی روشنی
اے چاند ! ڈوب جا ، کہ طبیعت اُداس ہے

عبدالحمید عدم

 

[طارق شاہ]

ذکر کرتے ہیں تِرا مجھ سے بَعُنوانِ جَفا
چارہ گر پُھول پُرو لائے ہیں تلواروں میں

احمد ندیم قاسمی

 

[طارق شاہ]

اِک حقیقت سہی فردوس میں حُوروں کا وجُود
حُسنِ اِنساں سے نمٹ لوں تو وہاں تک دیکھوں

احمد ندیم قاسمی

 

[طارق شاہ]

کُچھ عرضِ تمنّا میں ، شکوہ نہ سِتم کا تھا
میں نے تو کہا کیا تھا ، اور آپ نے کیا جانا

میرمہدی مجروح

 

[طارق شاہ]

پڑو نہ عشق میں خورشید ، ہم نہ کہتے تھے
تمہیں بتاؤ کہ ، جی کا زیاں ہُوا کہ نہیں

خورشید رضوی

 

[طارق شاہ]

خود اپنا حال سُناتے حجاب آتا ہے !
ہے بزم میں کوئی دیرینہ آشنا کہ نہیں

خورشید رضوی

 

[سید فصیح احمد]

نہیں معلوم میرے آنے پر
اُس کے کُوچے میں لُو چلی کب تک
جون

 

[سید فصیح احمد]

دشتِ غمِ حیات! مرا حوصلہ تو دیکھ
میں ڈھونڈنے چلا ہوں ترا دوسرا ِسرا

نا معلوم ( تمام اصحاب سے گُزارِش ہے کہ شاعر کا نام ڈھونڈنے میں میری مدد کی جائے )

 

[سید فصیح احمد]

کوئی تعلق ہی نہ رہے
جب کہ سبب بھی باقی ہو
کیا میں اب بھی زندہ ہوں
کیا تم اب بھی باقی ہو ؟

جون

 

[قیصرانی]

دشتِ غمِ حیات! مرا حوصلہ تو دیکھ
میں ڈھونڈنے چلا ہوں ترا دوسرا ِسرا

نا معلوم ( تمام اصحاب سے گُزارِش ہے کہ شاعر کا نام ڈھونڈنے میں میری مدد کی جائے )

محفل پر مشتاق عاجز صاحب کی شاعری یہاں شیئر ہو چکی ہے
مندرجہ بالا لنک کی آخری پوسٹ کی آخری نظم یا غزل

 

[عبدالقیوم چوہدری]

ہزار باندھ لیئے عقل وآگہی کے حصار
تیرا خیال نہ جانے کہاں سے آتا ہے!!

 

[طارق شاہ]

بس اب تو دامنِ دل چھوڑ دو بیکار اُمّیدو!
بہت دُکھ سہہ لِیے میں نے ، بہت دن جی لِیا میں نے

ساحر لدھیانوی

 

[طارق شاہ]

اُنھیں اپنا نہیں سکتا ، مگر اِتنا بھی کیا کم ہے
کہ کُچھ مُدّت حسِیں خوابوں میں کھو کر جی لِیا میں نے

ساحر لدھیانوی