آپ کے پسندیدہ اشعار!

[طارق شاہ]

ہر شے قریب آکے کشِش اپنی کھو گئی
وہ بھی علاجِ شوقِ گریزاں نہ کرسکے

ساحر لدھیانوی

 

[طارق شاہ]

سعئِ تجدیدِ دوستی ناصر !
آج کیا بارہا ہمیں سے ہُوئی

ناصر کاظمی

 

[طارق شاہ]

اللہ رے فریبِ مشیّت ، کہ آج تک !
دُنیا کے ظلم سہتے رہے خامشی سے ہم

ساحرلدھیانوی

 

[طارق شاہ]

ہم سے پہلے زمینِ شہرِ وفا !
خاک تھی ، کیمیا ہمِیں سے ہُوئی

ناصر کاظمی

 

[طارق شاہ]

وہ درد ہی نہ رہا ، ورنہ اے متاعِ حیات !
مجھے گُماں بھی نہ تھا ، میں تجھے بُھلا دُوں گا

ناصر کاظمی

 

[طارق شاہ]

بستیوں کو دِیے ہیں تُو نے چراغ
دشتِ دل کو بھی کوئی راہی دے

عمر بھر کی نوا گری کا صلہ !
اے خُدا کوئی ہم نوا ہی دے

ناصر کاظمی

 

[طارق شاہ]

بیگانہ صفت جادۂ منزل سے گُزر جا
ہر چیز سزاوارِ نظارہ نہیں ہوتی

فِطرت کی مشیّت بھی بڑی چیز ہے ، لیکن !
فِطرت کبھی بے بس کا سہارا نہیں ہوتی

ساحرلدھیانوی

 

[سید فصیح احمد]

محفل پر مشتاق عاجز صاحب کی شاعری یہاں شیئر ہو چکی ہے
مندرجہ بالا لنک کی آخری پوسٹ کی آخری نظم یا غزل

ارے واہ بیحد ممنون ہوں کہ بھائی نے نا صِرف شاعر ہی نہیں بتلایا بلکہ اتنے ڈھیر سارے نئے جواہرات سے متعرف بھی کرا دیا۔ رب سوہنا خیر کرے محترم، آمین!

 

[صائمہ شاہ]

ہزار بار محبت میں تنگ آیا مگر
ہزار شکر کہ جذبات میں نہیں آیا

سعود عثمانی

 

[صائمہ شاہ]

تجھے تو علم کے دو چار حرف لے بیٹھے
سمجھنے والے یہاں عُمر بھر سمجھتے ہیں

سعود عثمانی

 

[صائمہ شاہ]

اس حرفِ ناشنود سے صحبت بگڑ ہی جاہے
ہر چند لاتے ہیں ہم باتیں بنا بنا کر

جوں شمعِ صبح گاہی اک بار بجھ گئے ہم
اس شعلہ خُو نے ہم کو مارا جلا جلا کر

میر تقی میر

 

[ام اریبہ]

اُڑ گئی یوں وفا زمانے سے
کبھی گویا کسی میں تھی ہی نہیں

داغ دہلوی

 

[ام اریبہ]

پسِ پردہ وہ سانسیں بیچتے ہیں ۔۔۔
بظاہر۔۔۔۔۔۔۔ جو غبارے بیچتے ہیں ۔۔۔۔

 

[ام اریبہ]

ہزاروں طب کے نسخوں____ سے ۔۔۔
نگاہ یار _________ بہتر ہے ۔

 

[طارق شاہ]

اُمید و بیم نے مارا مجھے دو راہے پر
کہاں کے دیر و حرم ، گھر کا راستہ نہ مِلا

یاس یگانہ چنگیزی

 

[طارق شاہ]

میں تُجھ سے کیسے کہوں یارِ مہرباں میرے
کہ تُو عِلاج نہیں ، میری ہر اُداسی کا

احمد فراز

 

[طارق شاہ]

نجانے آج ، کہاں کھو گیا ستارۂ شام
وہ میرا دوست ، میرا ہمسفر اُداسی کا

احمد فراز

 

[طارق شاہ]

کٹھن ہے راہ گُزر ، تھوڑی دُور ساتھ چلو
بہت کڑا ہے سفر ، تھوڑی دُور ساتھ چلو

تمام عمر کہاں کوئی ساتھ ديتا ہے !
يہ جانتا ہُوں مگر تھوڑی دُور ساتھ چلو

احمد فراز

 

[طارق شاہ]

بنی بساطِ غزل جب ڈبو لِئے دِل نے
تمھارے سایۂ رُخسار و لب میں ساغر و جام

فیض احمد فیض

 

[طارق شاہ]

تمھارا دم ہے تو دمساز ہے ہَوائے وطن
اگرچہ تنگ ہیں اوقات ، سخت ہیں ایّام

فیض احمد فیض