آپ کے پسندیدہ اشعار!

[طارق شاہ]

اُن تک سفر کا میرے اب انجام بھی تو ہو
کچھ تگ و دو یہ باعثِ انعام بھی تو ہو

شفیق خلش

 

[طارق شاہ]

کچھ تو ثبوتِ خُونِ تمنّا کہیں مِلے !
ہے دِل تہی ، تو آنکھ کو بھر جانا چاہیے

یا اپنی خواہشوں کو مُقدّس نہ جانتے
یا خواہشوں کے ساتھ ہی مرجانا چاہیے

احمد فراز

 

[ام اریبہ]

بھٹکتی ہے ہوس دن رات سونے کی دکانوں میں
غریبی کان چھدواتی ہے ۔۔ ۔۔ ۔۔ تنکا ڈال دیتی ہے

 

[طارق شاہ]

تحمّل تا کجا، ٹُوٹا ہے اِک لشکر مصیبت کا
مدد یا رب، قدم اب صبرکی منزل سے اُٹھتا ہے

اکبر الہٰ آبادی

 

[طارق شاہ]

سراپا اِک نگاہِ شرمگیں ہے وہ پری پیکر !
کجا آنکھیں اٹھانا، آپ وہ مشکل سے اُٹھتا ہے

اکبر الہٰ آبادی

 

[طارق شاہ]

ترقّی کی اُدھر گھوڑ ڈور ، اِدھر یہ پیرِ ناطاقت !
وہ آسانی سے کیا دوڑے گا جو مشکل سے اُٹھتا ہے

اکبر الہٰ آبادی

 

[طارق شاہ]

الہیٰ فرقتِ محبُوب میں کیونکر بسر ہوگی
نہ دل اُٹھتا ہے اُلفت سے، نہ صدمہ دل سے اُٹھتا ہے

اکبر الہٰ آبادی

 

[طارق شاہ]

زندگی خواب پریشاں ہے کوئی کیا جانے
موت کی لرزشِ مژگاں ہے کوئی کیا جانے

رامش و رنگ کے ایوان میں لیلائے حیات
صرف اِک رات کی مہماں ہے کوئی کیا جانے

گلشن زیست کے ہر پُھول کی رنگینی میں
دجلۂ خُونِ رگِ جاں ہے کوئی کیا جانے

رنگ و آہنگ سے بجتی ہُوئی یادوں کی برات
رہ روِ جادہِ نسیاں ہے کوئی کیا جانے

جوش ملیح آبادی

 

[طارق شاہ]

آپ ہی، کچھ نہیں بیزار مِرے جینے سے
میں بھی اِس زندگیِ تلخ سے مسرُور نہیں

جوش ملیح آبادی

 

[طارق شاہ]

مُسکراتے ہُوئے آئے ہیں وہ میّت پہ مِری
روح قالب میں پلٹ آئے تو کچھ دُور نہیں

جوش ملیح آبادی

 

[طارق شاہ]

کیا کیا خیال و وہم نگاہوں پہ چھا گئے
جی دھک سا ہوگیا، یہ سُنا جب ، وہ آگئے

جگر مراد آبادی

 

[طارق شاہ]

کسی طرف سے شبِ غم صدا نہیں آتی
پُکارتا ہُوں قضا کو، قضا نہیں آتی

تِرے فراق کے غم نے بچالیا سب سے
مِرے قریب ، کوئی اب بلا نہیں آتی

جگر مُراد آبادی

 

[طارق شاہ]

ہمیشہ نالۂ دل بے اثر ہے، کیا باعث ؟
یہ نخل کیوں نہیں لاتا ثمر نہیں معلوم

امیر مینائی

 

[طارق شاہ]

خضر ہو راہبری ، ہے ثواب اے زاہد !
کہ ہم کو بادہ فروشوں کا گھر نہیں معلوم

امیر مینائی

 

[طارق شاہ]

جہاں میں اب نظر آتا ہے، رات دن اندھیر !
فلک سے کیا ہُوئے شمس و قمر نہیں معلوم

امیر مینائی

 

[طارق شاہ]

مُوا، کہ زندہ رہا نامہ بر، نہیں معلوم
کچھ آج تک ہمیں اُس کی خبر نہیں معلوم

امیر مینائی

 

[طارق شاہ]

میزاں بدست کون لرزتا رہا فراز !
منصف تھا کون، صاحبِ تقصیر کون تھا

احمد فراز

 

[اوشو]

تیری نگاہِ ناز میں ، میرا وجود ، بے وجود
میری نگاہ ناز میں ، تیرے سوا، کوئی نہیں

 

[اوشو]

مانا کہ تیری دید کے قابل نہیں ہوں میں
تو میرا شوق دیکھ ، مرا انتظار دیکھ
اقبال

 

[طارق شاہ]

سُنا ہے میں نے بھی ذکرِ بہشت و حور و طہور
خدا کا شکر ہے نیّت مِری خراب نہیں

حفیظ جالندھری