آپ کے پسندیدہ اشعار!

[اوشو]

پلٹ کے دیکھا تو کچھ بھی نہ تھا ہوا کے سوا
جو میرے ساتھ تھے جانے کدھر گئے چپ چاپ

 

[اوشو]

یہ بعد میں کھلے گا کہ کس کس کا خوں ہوا
ہر اک بیان ختم ، عدالت تمام شُد

 

[اوشو]

انا کی جنگ ہم جیت تو گئے لیکن
پھر اس کے بعد بہت دیر تک نڈھال رہے

 

[اوشو]

کسی دیوار سے ٹکرایا نہ در سے گزرا
وقت، حیرت ہے خدا جانے کدھر سے گزرا

 

[اوشو]

یہ پہاڑوں کا فیض ہے ورنہ
کون دیتا ہے دوسری آواز

 

[اوشو]

میری حیات میرے ساتھ کیوں بسر نہ ہوئی
سفید بال ہوئے اور مجھے خبر نہ ہوئی

 

[اوشو]

چراغ بجھتے چلے جا رہے ہیں سلسلہ وار
میں خود کو دیکھ رہا ہوں فسانہ ہوتے ہوئے

 

[اوشو]

اب نہیں کوئی بات خطرے کی
اب سبھی کو سبھی سے خطرہ ہے

 

[اوشو]

منزل الگ تراشی، رستہ الگ بنایا
پھر ڈوبنے کو ہم نے دریا الگ بنایا

 

[طارق شاہ]

اب تو چہروں پہ بھی کتبوں کا گماں ہوتا ہے
آنکھیں پتھرائی ہُوئی ہیں ، لبِ گویا کیسا

احمد فراز

 

[طارق شاہ]

شوق اندیشوں سے پاگل ہُوا جاتا ہے فراز !
کاش یہ خانہ خرابی مجھے بے گھر کردے

احمد فراز

 

[طارق شاہ]

قتلِ عاشق کسی معشُوق سے کچھ دُور نہ تھا
پر تِرے عہد سے آگے تو یہ دستُور نہ تھا

خواجہ میر درد

 

[طارق شاہ]

چراغ ہُوں‌ کب سے جل رہا ہُوں، مجھے دُعاؤں میں یاد رکھیے
جو بُجھ گیا تو سحر نُما ہُوں، مجھے دُعاؤں میں یاد رکھیے

وہ بات جو آپ کہہ نہ پائے، مِری غزل میں بیاں‌ ہُوئی ہے
میں آپ کا حرفِ مُدّعا ہُوں، مجھے دُعاؤں میں یاد رکھیے

ڈاکٹر پیرزادہ قاسم

 

[طارق شاہ]

دیکھا ہے اُس کو خلوت وجلوت میں بارہا
وہ آدمی، بہت ہی عجیب و غریب تھا

عبیداللہ علیم

 

[طارق شاہ]

جب تجھ سے ذراغافِل ٹھہرے، ہر یاد نے دل پر دستک دی
جب لب پہ تمھارا نام نہ تھا، ہر دُکھ نے پُکارا اُس دن تھا

احمد فراز

 

[طارق شاہ]

کہیں، کوئی ہے انبارِجہاں سر پراُٹھائے
کہیں، پاؤں تلے سارا جہاں رکھّا ہُوا ہے

ثمینہ راجہ

 

[طارق شاہ]

چراغ بجھتے چلے جا رہے ہیں سلسلہ وار
میں خود کو دیکھ رہا ہوں فسانہ ہوتے ہوئے
جمال احسانی

 

[طارق شاہ]

بُجھے چراغ جلانا اُسی کو آتا ہے
خِزاں میں پُھول کِھلانا اُسی کو آتا ہے

وہ سامنے ہو تو، پھر کچھ نظر نہیں آتا
دل و نگاہ پہ چھانا اُسی کو آتا ہے

متاعِ حُسن کو شرم و حیا کے آنچل میں
چُھپا چُھپا کے دِکھانا اُسی کو آتا ہے

اُسی کے آنے سے شاخوں پہ پھول آتے ہیں
بہار اوڑھ کے آنا ، اُسی کو آتا ہے

وہ گیت ہو کہ غزل ، سب اُسی کی باتیں ہیں
سُخن کو راہ دِکھانا اُسی کو آتا ہے

کوئی بتائے کہاں تک، مہارتیں اُس کی !
ہر ایک کارِ زمانہ اسی کو آتا ہے

باقر زیدی

 

[طارق شاہ]

حیرت مجھے مِلی ہے جو تم کو مِلا ہے حُسن !
دونوں طرف ہیں ایک سی تصویر کے خواص

امیر مینائی

 

[طارق شاہ]

تُو اپنے دل سے غیر کی اُلفت نہ کھو سکا !
میں چاہوں اورکو تو یہ مجھ سے نہ ہو سکا

خواجہ میر درد