آپ کے پسندیدہ اشعار!

[طارق شاہ]

گِراں ہیں رات کےآثار، ذہن و دِل کے لِئے​

سُہانے یاد کے لمحے ذرا نِکال کے رکھ​

بہل ہی جائیں گے ایّام ہجرَتوں کے خَلِش​

خیال وخواب اُسی حُسنِ بے مِثال کے رکھ​

​

شفیق خلش​

 

[طارق شاہ]

عاشقوں کی نگہِ ناز کہیں تھکتی ہے!
دیکھتے ہی رہیں اُس کو، وہ اگر دیکھ نہ لیں

جگر مُراد آبادی

 

[طارق شاہ]

کوئی وجہ تسکیں نہیں، غم نہ راحت!
خُدا جانے فانی میں کیا چاہتا ہوں

فانی بدایونی

 

[طارق شاہ]

سِتم جاگتے ہیں، کرَم سو رہے ہیں
محبّت کے جاہ و حشم سو رہے ہیں

مِرے نکتہ سازو! سُخن کے خُداؤ !
پکارو کہ لوح و قلم سو رہے ہیں
ساغر صدیقی

 

[طارق شاہ]

مِری اُجڑی اُجڑی سی آنکھوں میں ساغر!
زمانے کے رنج و اَلم سَو رہے ہیں

ساغر صدیقی

 

[طارق شاہ]

اِک وہ، کہ آرزؤں پہ، جیتے ہیں عُمْر بھر!​

اِک ہم، کہ ہیں ابھی سے پشیمانِ آرزُو​

​

آنکھوں سے جُوئے خُوں ہے روَاں، دل ہے داغ داغ​

دیکھے کوئی، بہارِ گُلِستانِ آرزُو​

​

اختر شیرانی​

​

 

[طارق شاہ]

صحرا ہی غنیمت ہے، جو گھر جاؤگے لوگو
وہ عالمِ وحشت ہے کہ مر جاؤگے لوگو

یادوں کے تعاقب میں اگر جاؤگے لوگو
میری ہی طرح تم بھی بِکھرجاؤگے لوگو

سرشار صدیقی

 

[طارق شاہ]

اِس پر نہ قدم رکھنا کہ یہ راہِ وفا ہے
سرشار نہیں ہو، کہ گزر جاؤگے لوگو

سرشار صدیقی​

 

[طارق شاہ]

کارواں چھُوٹ گیا رات کے سنّاٹے میں​

رہ گئی ساتھ مِرے، حسرتِ منزل تنہا​

​

بیکل اُتساہی​

 

[طارق شاہ]

گو نہیں رہتا کبھی پردے میں رازِ عاشقی
تُم نے چُھپ کر اوربھی اِس کونمایاں کردیا

اِن بُتوں کی صُورتِ زیبا کو اصغر کیا کہوں
پر خُدا نے، وائے ناکامی! مُسلماں کردیا

اصغر گونڈوی

 

[طارق شاہ]

قائل ہیں ہم اے داغ اُس انداز سُخن کے !
ہر شعر میں ہو حافظِ شیراز کا انداز

داغ دہلوی

 

[زھرا]

کل مِلا وقت تو زُلفیں تیری سُلجھاؤں گا
آج اُلجھا ھوں حالات کے سُلجھانے میں
احمد ندیم قاسمی

 

[طارق شاہ]

​

خوش چشم و خوش اطوار و خوش آواز و خوش اندام​

اک خال پہ قربان سمرقند و بخارا​

​

جوش ملیح آبادی​

​

بالا شعر جوش صاحب نے، یقیناََ حافظ شیرازی کے نیچے دئے مشہور زمانہ شعر سے متاثر ہوکر ہی لکھا ہوگا ​

​

اگر آں ترک شیرازی بدست آرد دلِ ما را​

بہ خال ہںدوش بخستم سمرقند و بخارا را ​

​

حافظ شیرازی​

ترجمہ ١ : احتشام حقی​

سنبھال اے ترک شیرازی! پھرے یہ دل نہ یوں مارا​

سمرقند و بخارا خالِ کافر پہ تِرے وارا​

​

ترجمہ ٢ :ڈاکٹر خالد حمید​

اگر منظور دل میرا ہو، اُس تُرک دل آرا کو​

فدائے خال و قد کردوں سمرقند و بخارا کو​

​

​

 

[طارق شاہ]

وجہِ رنگینئ حیات گئی
تم گئے، ساری کائنات گئی

ڈاکٹر مظفر شکوہ (مرحوم)

 

[طارق شاہ]

جاہل کو اگر جہل کا انعام دیا جائے
اس حادثۂ وقت کو کیا نام دیا جائے

میخانہ کی توہین ہے، رِندوں کی ہتک ہے
کم ظرف کے ہاتھوں میں اگر جام دیا جائے

مُحسن بھوپالی

 

[طارق شاہ]

ایک دن مثلِ پتنگِ کاغذی
لے کے دل آ رشتہ آزادگی

ایک دن تجھ کو اڑا دینگے کہیں
مفت میں ناحق کٹا دیں گے کہیں

گورے پنڈے پرنہ کران کے نظر
نظر کھینچ لیتے ہیں یہ، ڈورے ڈال کر

مرزا غالب
(١٠ سال کی عمر میں، پہلی کاوش)

 

[طارق شاہ]

دمِ واپسیں بر سرِ راہ ہے
عزیزو! اب الله ہی الله ہے

مرزا غالب
(روایت ہے کہ بالا شعر غالب کا آخری شعر تھا، واللہ عالم )

 

[طارق شاہ]

ہوگا کسی دیوار کے سائے میں پڑا میر
کیا کام محبّت سے، اُس آرام طلب کو

میر تقی میر

 

[طارق شاہ]

بڑھا بڑھا کے جفائیں جُھکا ہی دو گے کمر
گھٹا گھٹا کے، قمر کو ہلال کر دو گے

قمر جلالوی

 

[طارق شاہ]

بِیتے دِنوں کی یاد بُھلائے نہیں بنے
یہ آخری چراغ بُجھائے نہ بنے

دُنیا نے جب مِرا نہیں بننے دیا اُنھیں
پتھر تو بن گئے وہ پرائے نہیں بنے

خُماربارہ بنکوی