آپ کے پسندیدہ اشعار!

[کاشفی]

ہے فلک آستاں محمد کا
ہے ملک پاسباں محمد کا

چپ رہو اے مسبحان فلک
ہورہا ہے بیاں محمد کا

لوگ کہتے ہیں لامکاں جس کو
ہے وہیں تو مکاں محمد کا
صلی اللہ علیہ وآلہ وسلم
(میر مہدی مجروح دہلوی مرحوم و مغفور رحمتہ اللہ علیہ)

 

[کاشفی]

دیکھ سکتا ہے ہم کو دوزخ میں
کب دلِ مہرباں محمد کا

تخت شاہی سے کام کیا مجروح
میں ہوں اور آستاں محمد کا
(میر مہدی مجروح)

 

[عبدالقیوم چوہدری]

کِسی کے طرزِ بیاں کا فریب کیوں کھاؤں
کہ بات ایک ہے سائے بڑھیں کہ دُھوپ ڈَھلے

احمد ندیم قاسمی
https://www.facebook.com/4065698094...2441/700982449991174/?type=1&relevant_count=1

 

[عبدالقیوم چوہدری]

بس اِک حرفِ یقین کی آرزو میں
مَیں کتنے لفظ لکھتی جارہی ہُوں

نوشی گیلانی
https://www.facebook.com/4065698094...2441/699968570092562/?type=1&relevant_count=1

 

[کاشفی]

رحمت خدا کی عام، نبی شافع انام
پھر خوف کس لئے ہو حساب و کتاب کا
(میر مہدی مجروح)

 

[کاشفی]

کہا جو اُس کے لب شکریں کو لعل خوش آب
تو کیسا فرطِ غضب سے وہ مجھ پہ لال ہوا

اسی کا نام ہے آنا، تمہیں کرو انصاف
کہ آکے بیٹھتے ہی جانے کا سوال ہوا
(میر مہدی مجروح)

 

[کاشفی]

چھپانا اُن سے دل کو فائدہ کیا
بھلا چھوڑے گی وہ بانکی ادا کیا

بپا ہے محشر میں اک تازہ محشر
رُخ جاناں سے پردہ اُٹھ گیا کیا

کہا جب دل نہ لے جاؤ تو بولے
کہ میرا اور تیرا ہے جُدا کیا

نہ کہہ سکتے ہیں یار اُس کو نہ دشمن
نہیں معلوم ہے یہ ماجرا کیا
(میر مہدی مجروح)

 

[سید فصیح احمد]

یہی آرزو ، یہی مدعا ، کبھی وقت ہو تو سنیں ذرا
مری داستانِ حیاتِ غم جو لکھی گئی ہے قلم سے کم

نصیر الدین نصیر

 

[سید فصیح احمد]

پُوچھتے ہیں کہ، کیا ہُوا دل کو ؟
حُسن والوں کی سادگی نہ گئی

منیر نیازی

 

[سید فصیح احمد]

گھر میں تو اب کیا رکھا ہے، ویسے آؤ تلاش کریں
شاید کوئی خواب پڑا ہو، اِدھر اُدھر کسی کونے میں

رئیس فروغ

 

[سید فصیح احمد]

عجب تھا اس کی دلداری کا انداز
وہ برسوں بعد جب مجھ سے مِلا ہے
بَھلا میں پوچھتا اس سے تو کیسے
متاعِ جاں !! تمہارا نام کیا ہے ؟

جون

 

[سید فصیح احمد]

وہ وقتِ نزع دیکھ کے مجھ کو یہ کہہ گئے
اچھا ہے یہ تو، کیا اسے حاجت دوا کی ہے

داغ

 

[سید فصیح احمد]

مَیں تو دُشمن کے بچھڑنے پہ بھی رویا ہُوں بہُت
تُو تو پھر یار ہے اُور یار بھی جذباتی ہے

سلیم کوثر

 

[سید فصیح احمد]

اُمیدِ یار ، نظر کا مزاج ، درد کا رنگ ،،
تم آج کچھ بھی نہ پُوچھو کہ دل اُداس بہت ہے !!

فیض

 

[طارق شاہ]

رونقیں تھیں جہاں میں کیا کیا کچھ
لوگ تھے رفتگاں میں کیا کیا کچھ

اب کی فصلِ بہار سے پہلے
رنگ تھے گُلستاں کے کیا کیا کچھ

کیا کہوں اب تمہیں خِزاں والو
جل گیا آشیاں میں کیا کیا کچھ

دل تِرے بعد سو گیا ورنہ
شور تھا اِس مکاں میں کیا کیا کچھ

ناصر کاظمی

 

[سید فصیح احمد]

اُس بزم میں دل نے ساتھ چھوڑا
اِک آئے وہاں سے دو گئے ہم

داغ دہلوی

 

[نگار ف]

گھر ہمارا جو نہ روتے بھی تو ویراں ہوتا
بحر گر بحر نہ ہوتا تو بیاباں ہوتا
(غالب)

 

[طارق شاہ]

جنھیں ہم دیکھ کے جیتے تھے ناصر !
وہ لوگ آنکھوں سے اوجھل ہو گئے ہیں

ناصر کاظمی

 

[طارق شاہ]

کہاں تک تاب لائے ناتواں دل
کہ صدمے اب مُسلسَل ہو گئے ہیں

ناصر کاظمی

 

[طارق شاہ]

عجب دُشمن ہے ظالم ساتھ بھی میرا نہ چھوڑے گا
مگر مجھ کو ڈبونے کا کوئی مو قع نہ چھوڑے گا

تجھے کھونے، گنوانے کا وہ اِک بے نام سا لمحہ
مجھے لگتا ہے ساری زندگی پیچھا نہ چھوڑے گا

بہت کچھ دِل میں کہنے کو ہے، لیکن کہہ نہیں سکتا
اگر کہہ دُوں تو پھر کوئی مجھے زندہ نہ چھوڑے گا

پروفیسر وسیم بریلوی