آپ کے پسندیدہ اشعار!

[طارق شاہ]

یہ سنّاٹا ، کہ اپنی سانس کی آہٹ نہیں مِلتی
یہ اندھیارا، کہ یادوں کے دِیے بھی بُجھتے جاتے ہیں

نجانے اِن دنوں کیوں صُبح کچھ سنْولائی سی لگتی ہے
نجانے شام ہی سے کیوں سِتارے ڈُوب جاتے ہیں

بشیر بدر

 

[طارق شاہ]

آخر طبیب نے بھی اُنہی سے کیا رُجوع
وہ آئے مُسکرائے شفا دے گئے مجھے

ابوالاثر عبدالحفیظ جالندھری

 

[طارق شاہ]

فرماگئے بزرگ کہ ، عمرت دراز باد !
میری شرارتوں کی سزا دے گئے مجھے

ابوالاثر عبدالحفیظ جالندھری

 

[عبدالقیوم چوہدری]

تمھارے وعدوں کا قد بھی تمھارے جیسا ہے
کبھی جو ناپ کے دیکھو۔۔۔۔۔۔تو کم نکلتا ہے

منظر بھوپالی

 

[صائمہ شاہ]

بچوں کے ساتھ کل اسے دیکها تو دکھ ہوا
ان میں سے کوئی ایک بهی ماں پر نہیں گیا

حسن عباس

 

[عبدالقیوم چوہدری]

ہے جہاں تک خیال کی پرواز
میں وہاں تک قفس لکھے جاؤں

جون ایلیا

 

[طارق شاہ]

چراغِ دل تو ہو روشن، رَسد لہُو ہی سہی
' نہیں وصال میسّر تو آرزُو ہی سہی '

شفیق خلش

 

[طارق شاہ]

کوئی تو کام ہو ایسا، کہ زندگی ہو حَسِیں
نہیں جو پیارمقدّر، تو جستجُو ہی سہی

شفیق خلش

 

[طارق شاہ]

کل چودھویں کی رات تھی، شب بھر رہا چرچا تِرا
کچھ نے کہا یہ چاند ہے، کچھ نے کہا چہرہ تِرا

ہم بھی وہیں موجود تھے، ہم سے بھی سب پُوچھا کِئے
ہم ہنس دئے ، ہم چپ رہے، منظور تھا پردہ تِرا

انشا جی

 

[فلک شیر]

تُو اگر سن نہیں پایا تو مجھے غور سے دیکھ
بات ایسی ہے کہ دہرائی نہیں جائے گی
فیضی

 

[عظیم]

لا پلا دے شراب ہے ساقی
حال میرا خراب ہے ساقی
​

 

[طارق شاہ]

مِٹ جائے گی مخلوُق تو اِنصاف کروگے
مُنصف ہو تو، اب حشر اُٹھا کیوں نہیں دیتے

فیض احمد فیض

 

[طارق شاہ]

مُنصف ہو اگر تم، تو کب انصاف کروگے
مُجرِم ہیں اگر ہم، تو سزا کیوں نہیں دیتے

احمد فراز

 

[طارق شاہ]

بربادئ دِل جبر نہیں فیض کسی کا !
وہ دُشمنِ جاں ہے، تو بُھلا کیوں نہیں دیتے

فیض احمد فیض

 

[طارق شاہ]

کیا بیت گئی اب کے فراز اہلِ چمن پر
یارانِ قفس مجھ کو صدا کیوں نہیں دیتے

احمد فراز

 

[طارق شاہ]

وضع میں تم ہو نصاریٰ تو تمدّن میں ہنود
یہ مُسلماں ہیں جنھیں دیکھ کے شرمائیں یہود

یوں تو سیّد بھی ہو، مِرزا بھی ہو ، افغان بھی ہو
تم سبھی کچھ ہو بتاؤ تو مُسلمان بھی ہو ؟

علامہ اقبال

 

[طارق شاہ]

گو سہارے ہی گُزاری لیکن احساس اب ہُوا !
زندگی بھر دیکھتے رہنا بھی خواب اچھا نہ تھا

شفیق خلش

 

[طارق شاہ]

ﺍِﺭﺍﺩﮦ ﯾُﻮﮞ ﺗﻮ ﮨﮯ ﭘُﺨﺘﮧ نہ اُن سے مِلنے ﮐﺎ
رہے یقین مگر اُن کو انتظار نہیں

شفیق خلش

 

[طارق شاہ]

ﮨﺮﺍﯾﮏ ﭼﯿﺰ ﻣﯿﮟ ﮨﻮﺗﯽ ﮨﮯ ﮐﭽﮫ ﮐﻤﯽ ﺑﯿﺸﯽ
ﺑﺲ ﺍﯾﮏ ﻏﻢ ﻣﯿﮟ ﺗﻤﮭﺎﺭﮮ ﮨﯽ ﺍِﺧﺘﺼﺎﺭ ﻧﮩﯿﮟ

شفیق خلش

 

[حُسنین ریاض]

ﺍﯾﮏ ﻋﺎﻟﻢ ﻣﯿﮟ ﺭﮨﺎ ﻣﯿﺮﺍ ﻭﺟﻮﺩ
ﺳﺎﺕ ﻋﺎﻟﻢ ﻣﯿﮟ ﺭﮨﺎ ﻣﯿﺮﺍ ﺳﻔﺮ..
خوب