آپ کے پسندیدہ اشعار!

[طارق شاہ]

اُن کو پانے کی یہی سوچ کے ہمّت ہو خلش !
سعیِ ناکام کے سارے ہی بَدل ہوں گے خلش

شفیق خلش

 

[طارق شاہ]

قانُون ہی جُدا ہے حیات و ممات کا
طوفاں سے موت ہے نہ کناروں سے زندگی

احسان علیم، کراچی

 

[کاشفی]

بات جنت کی اور آپ کی تھی
کہہ دیا ہم نے آپ کو لیں گے
(طاہر فراز)

 

[کاشفی]

چھپایا راز یوں تشنہ لبی کا
سمندر پی گیا پانی ندی کا

ہوا آتی ہے اخلاص و وفا کی
میرے گھر پیڑ ہے پچھلی صدی کا

وہ اپنے گھر میں ہی اب اجنبی ہے
نتیجہ یہ ہوا آوارگی کا
(طاہر فراز - رام پور)

 

[کاشفی]

شاعری کو ملا رتبہ سندِ میر سے ہے
میر کے دل کا تعلق غمِ شبیر سے ہے
(طاہر فراز)

 

[کاشفی]

ذہن کو پہلے یکجا کرنا پڑتا ہے
چلتے ہوئے لمحوں کو ٹھہرنا پڑتا ہے

مدحتِ مولا میں مصرعہ کہنے کے لیئے
فکرِ رسا کو حد سے گزرنا پڑتا ہے
(طاہر فراز)

 

[کاشفی]

اتنا بھی کرم اُن کا کوئی کم تو نہیں ہے
غم دے کہ وہ پوچھے ہیں کوئی غم تو نہیں ہے
(طاہر فراز)

 

[طارق شاہ]

رنْج کُچھ کم تو ہُوا آج تِرے مِلنے سے
یہ الگ بات کہ وہ بات نہ تھی پہلی سی

ناصر کاظمی

 

[طارق شاہ]

فراز ! اپنی جگر کاریوں پہ ناز نہ کر
کہ یہ متاعِ ہُنر بھی سدا کسی کی نہیں

احمد فراز

 

[طارق شاہ]

میں آج زد پہ اگر ہُوں، تو خوش گُمان نہ ہو !
چراغ سب کے بُجھیں گے، ہَوا کسی کی نہیں

احمد فراز

 

[طارق شاہ]

جانتا بھی ہے اُس کو توُ واعظ !
جس کے مست و خراب ہیں ہم لوگ

جگر مُرادآبادی

 

[خالد محمود چوہدری]

دل لگایا تے دل دُکھایا کیوں
بے وفا کوں دکھ سنایا کیوں

 

[کاشفی]

اچھا سلوک ہو تو حمایت کریں گے ہم
ورنہ حضور کھل کے بغاوت کریں گے ہم
(مظہر رضوی - حیدرآباد، دکن)

 

[کاشفی]

اس آگ کو بجھنے دو یوں ہی سست روی سے
پانی سے تو پھیلے گا دھواں اور زیادہ

جس روز میں خود ماں بنی اس روز سے مجھ کو
لگنے لگی اچھی میری ماں اور زیادہ
(نورین طلعت عروبہ)

 

[طارق شاہ]

کر رہا تھا غمِ جہاں کا حِساب
آج تم یاد بے حساب آئے

نہ گئی تیرے غم کی سرداری
دِل میں یُوں روز اِنقلاب آئے

فیض احمد فیض

 

[خالد محمود چوہدری]

اب تو ہم گھر سے نکلتے ہیں تو رکھ دیتے ہیں
طاق پہ عزت سادات بھی دستار کے ساتھ

اک تو تم خواب لیے پھرتے ہو گلیوں گلیوں
اس پہ تکرار بھی کرتے ہو خریدار کے ساتھ

ہم کو اس شہر میں جینے کا سودا ہے جہاں
لوگ معمار کو چن دیتے ہیں دیوار کے ساتھ

خوف اتنا ہے تیرے شہر کی گلیوں میں فراز
چھاپ سنتے ہیں تو لگ جاتے ہیں دیوار کے ساتھ

مجھ کو مطلوب جو بد نامی تری ہوجاتی
تیری تصویر سجا رکھتا میں دیوار کے ساتھ

 

[خالد محمود چوہدری]

اس نے دکانِ خاک سے خوب معاملہ کیا۔۔
جسم کو رہن رکھ دیا جاں چھڑا کے لے گیا۔

 

[خالد محمود چوہدری]

تم تراشے ہوئے بُت ہو کسی محراب کے بیچ
ہم زوائد ہیں جو پتھر سے نکل جاتے ہیں

 

[خالد محمود چوہدری]

ہم نے اک عمر گزاری ہے غمِ یار کے ساتھ
میر دو دن نہ جئے ہجر کے آزار کے ساتھ

 

[طارق شاہ]

اِک کیفیّت سُرور کی ہے قُربِ حُسن سے
اب تک وہ عاشقی کا زمانہ نہیں گیا

کم وَلوَلے ہوں کیسے، کہ ہر دم ابھی اُسے
پیشِ نظر خیال میں پانا نہیں گیا

شفیق خلش