آپ کے پسندیدہ اشعار!

[طارق شاہ]

دُوریاں مُقدّر تھیں اب نہیں خلش کُچھ بھی !
رَچ کے وہ تخیّل میں ساتھ ہیں جدھرجائیں

شفیق خلش

 

[عبدالحسیب]

ہم کو اس شہر میں جینے کا سودا ہے جہاں
لوگ معمار کو چن دیتے ہیں دیوار کے ساتھ

ایک نظر دیکھ لیں ،غالباً ہم نے یہ شعر کچھ یوں پڑھا ہے
ہم کو اس شہر میں تعمیر کا سودا ہے جہاں
لوگ معمار کو چن دیتے ہیں دیوار کے ساتھ

ممکن ہے ہم نے غلط بھی پڑھا ہو!

 

[طارق شاہ]

آرزُو، کرب، اَلم ، شوق، تمنّا، حسرَت
زِیست وہ لفظ ہے، جس کی کئی تفسیریں ہیں

احمر کاشی پوری

 

[طارق شاہ]

میری ساری عُمر میں !
ایک ہی کمی ہے، تُو

ناصر کاظمی

 

[طارق شاہ]

سِتم کے عہْد میں، میں بھی شریک ہُوں جیسے
مِرا سکوت مجھے سخت مُجرمانہ لگا

احمد فراز

 

[خالد محمود چوہدری]

 

[خالد محمود چوہدری]

باپ مرےسِر ننگا ہووے، بھائی مرن کنڈ خالی
ماواں بعد محمد بخشا، کون کرے رکھوالی

 

[خالد محمود چوہدری]

ماں مرے تے سب کجھ مکدا، وِیر مرن گھر ویلا
باپ مرے تے محمد بخشا، مک جاندا جے میلا

 

[طارق شاہ]

سَحر کی تازہ دَمی، چڑھتی دُھوپ کی گرمی
تِری نِگاہ کی ٹھنڈک، تِرے شباب کی آنچ

فِراق گورکھپوری

 

[طارق شاہ]

چُپ ہُوں کہ چُپ کی داد پہ ایمان ہے مِرا
مانگوں دُعا جو میرے خُدا کو خبر نہ ہو

احمد ندیم قاسمی

 

[طارق شاہ]

دِل جو اِک جائے تھی، دُنیا ہوئی آباد اُس میں
پہلے سُنتے ہیں کہ رہتی تھی کوئی یاد اُس میں

جون ایلیا

 

[عبدالحسیب]

میں جرم کا اعتراف کر کے
کچھ اور ہے جو چھپا گیا ہوں

-جون ایلیا

 

[طارق شاہ]

ڈوبنے والے ستارے کو بَھلا کب تک پُکارے
زندگی کی رات کو، سورج کے ہنس دینے کا ڈر ہے

دیکھ لے مجھ کو، ابھی کچھ روشنی باقی ہے مجھ میں
شام تک اِک ریت کا طوُفان آنے کی خبر ہے

ڈاکٹر شمیم حنفی

 

[طارق شاہ]

لااُبالی پہ کتنا نازاں تھا
اِک تِری دِید پر جو ہارا جی

داوار نوید

 

[طارق شاہ]

عِشق سُود و زیاں سے بالا تر
کِس لئے پھر یہ استخارہ جی

داوار نوید

 

[طارق شاہ]

اُلجھنوں سے گھبرائے میکدے میں در آئے
کِس قدر تن آساں ہے ذوقِ رائیگاں اپنا

اسرارالحق مجاز لکھنوی

 

[طارق شاہ]

یہ میری دُنیا، یہ میری ہستی
نغمہ طرازی، صہبا پرستی

اسرارالحق مجاز لکھنوی

 

[نگار ف]

اتفاقاتِ زمانہ بھی عجب ہیں ناصر
آج وہ دیکھ رہے ہیں، جو سُنا کرتے تھے

ناصر کاظمی

 

[طارق شاہ]

کل جِنہیں زندگی تھی راس بہت
آج دیکھا اُنہیں اُداس بہت

ناصر کاظمی

 

[زبیر مرزا]

کچھ نہ کہنے سے بھی چھن جاتاہے اعزازِسخن
ظلم سہنے سے بھی ظالم کی مدد ہوتی ہے

مظفروارثی