آپ کے پسندیدہ اشعار!

[طارق شاہ]

گزر گئی ہے خلش عمر اِک، یہی سُنتے !
وہ جس کا تجھ کو رہا انتظار، راہ میں ہے

شفیق خلش

 

[طارق شاہ]

زیاں مزید نہ ہو وقت کا اے چارہ گرو !
جسے ہے دل پہ مِرے اختیار راہ میں ہے

شفیق خلش

 

[طارق شاہ]

جو یہی رہیں گے تیوَر تو چُھپے گی کیا محبّت !
کبھی ہم خفا خفا سے، کبھی تم خفا خفا سے

جمیل مظہری

 

[طارق شاہ]

ابھی ذہنِ مظہرِی پر ہے طفُولیت کا عالَم !
کہ مِلا نہ جب کھلونا تو مچل گئے خُدا سے

جمیل مظہری

 

[طارق شاہ]

تم سے بھی ہو آگاہ پھر اپنی بھی خبر ہو !
دیوانہ تمھارا کوئی دیوانہ نہیں ہے

شوکت علی خاں فانی بدایونی

 

[طارق شاہ]

اُجڑا ہے تو اب یہ کبھی آباد نہ ہوگا
میرا دلِ برباد ہے، وِیرانہ نہیں ہے

شوکت علی خاں فانی بدایونی

 

[طارق شاہ]

میں قیامت کو سمجھتا تھا بڑا فتنہ ہے
تُو قیامت سے ہے بڑھ کر مجھے معلوُم نہ تھا

جلیل مانکپوری

 

[طارق شاہ]

نازنیں ہو کے وہ بیدرد ہے، قدرت اُس کی
پُھول ہوجائے گا پتّھر مجھے معلوم نہ تھا

جلیل مانکپوری

 

[طارق شاہ]

تلخیوں نے زِیست کی، کیا کیا نہ سمجھایا مگر
عمر بھر صہبا تری آنکھوں کا بہکایا رہا

صہبا اختر

 

[طارق شاہ]

چارہ گر یُوں تو بہت ہیں، مگر اے جانِ فراز
جُز تِرے اور کوئی زخم نہ جانے میرے

احمد فراز

 

[طارق شاہ]

وہی دن ، جو گزُرے کمال کے، ہُوئے وجہ ڈھیروں سوال کے !
کہ بنے ہیں کیسے وہ سب کے سب مِری پستیوں کے زوال کے

شفیق خلش

 

[عندلیب]

میں سوچوں تجھ کو اور سوچا نہ جائے
کوئی دن عمر کا ، ایسا نہ جائے

 

[ادب دوست]

آج تو بے سبب اداس ہے جی
عشق ہوتا تو کوئی بات بھی تھی۔

 

[ادب دوست]

کچھ تو ہوتے ہیں محبت میں جنوں کے آثار
اور کچھ لوگ بھی دیوانہ بنا دیتے ہیں

 

[ادب دوست]

آ عندلیب مل کر کریں آہ و زاریاں
تو ہائے گل پکار، میں چلاؤں ہائے دل

 

[عندلیب]

ان پرندوں سے سبق سیکھا کرو
شام ہوجائے تو گھر لوٹا کرو

 

[عندلیب]

خوشبو،مثالِ برق، چمک جائے گی متین
لہجے کے پھول، شاخِ زباں پر کھلاکے دیکھ

 

[عندلیب]

ہے خواہش میک اپ سے مثالِ حور ہوجانا
مگر ممکن کہاں کشمش کا پھر انگور ہوجانا

 

[ادب دوست]

صِرف اس شوق میں پوچھی ہیں ہزاروں باتیں
میں تیرا حُسن ، تیرے حُسنِ بیاں تک دیکھوں

 

[ادب دوست]

اب تک نہیں آیا ہمیں جینے کا قرینہ
تعويزسےہوتی نہیں اولاد نرینہ