آپ کے پسندیدہ اشعار!

[طارق شاہ]

یہ دیکھیے کہ پُہنچتا ہے کون پہلے اب !
مِری اجل کی طرح میرا یار راہ میں ہے

شفیق خلش

 

[طارق شاہ]

یُوں اُبھر رہے ہیں نقوش سب، لِئے رنگ تیرے خیال کے!
نظرآئیں جس سے کہ دِلکشی، سبھی حُسن، سارے جمال کے

شفیق خلش

 

[ادب دوست]

دیر ہوئی آنے میں تم کو شکر ہے پھر بھی آئے تو
آس نے دل کا ساتھ نا چھوڑا ویسے ہم گھبرائے تو

 

[طارق شاہ]

خواہشیں اِتنی خوبصورت تھیں !
کوئی دِل سے اِدھر اُدھر نہ ہُوئی

عبدالحمید عدم

 

[ادب دوست]

مسجد میں امام آکے ہوا آج وہاں سے
کل تک تو یہی میرِ خرابات نشیں تھا
(میر تقی میر)

 

[ادب دوست]

کہا میں نے کتنا ہے گل کا ثبات
کلی نے یہ سن کر تبسم کیا
میر تقی میر

 

[ادب دوست]

دانائی نے پہنچایا ہے جوشِ جنوں کو پستی میں
چاک گریباں کوئی نہیں ہے دیوانوں کی بستی میں
(خیام قادری)

 

[فاروق احمد بھٹی]

چاک داماں پہ نہ تھک جائیو اے دستِ جنوں
پرزے کرنا ہے ابھی جیب و گریباں ہم کو
(امام احمد رضا خان رحمتہ اللہ علیہ)

 

[ادب دوست]

بوئے گل و نوائے خوش عندلیب میر
آئی چلی گئی یہی کچھ تھی وفائے گل؟
میر تقی میر

 

[فاروق احمد بھٹی]

ترے آستاں سے جدا ہوا تو سکونِ دل نہ مجھے ملا
مری زندگی کے نصیب میں جو رہی تو دربدری رہی
(نصیر الدین نصیر رحمتہ اللہ علیہ)

 

[ادب دوست]

ترے آستاں سے جدا ہوا تو سکونِ دل نہ مجھے ملا
مری زندگی کے نصیب میں جو رہی تو دربدری رہی
(نصیر الدین نصیر رحمتہ اللہ علیہ)

کیا یا د دلا دیا فاروق بھائی بہت اعلیٰ

 

[فاروق احمد بھٹی]

کیا یا د دلا دیا فاروق بھائی بہت اعلیٰ

جو ترے خیال میں گم ہوا تو تمام وسوسے مٹ گئے
نہ جنوں کی جامہ دری رہی ، نہ خرد کی درد سری رہی
(نصیر الدین نصیر رحمتہ اللہ علیہ)

 

[ادب دوست]

خبرِ تحیّرِ عشق سُن ، نہ جنوں رہا نہ پری رہی
نہ تو تُو رہا ، نہ تو میں رہا، جو رہی سو بے خبری رہی

 

[ادب دوست]

شہہِ بے خودی نے عطاءکیا مجھے اب لباسِ برہنگی
نہ خِرد کی بخیہ گری رہی نہ جنُوں کی پردہ دری رہی

 

[فاروق احمد بھٹی]

خبرِ تحیّرِ عشق سُن ، نہ جنوں رہا نہ پری رہی
نہ تو تُو رہا ، نہ تو میں رہا، جو رہی سو بے خبری رہی

وہ ایاغِ دیدہ طرار تھا، مرا حصہ تشنہ لبی رہی
ترا نام آتشِ زیرِ پا، یہاں گام گام کجی رہی
(محمد یعقوب آسی )

 

[فاروق احمد بھٹی]

کبھی آہ بن کے ہوا ہوئی، کبھی نالہ بن کے ادا ہوئی
کسے کیا خبر کہ وہ کیا ہوئی، وہ جو بے کلی تھی دبی رہی
(محمد یعقوب آسی )

 

[ادب دوست]

نظرِ تغافلِ یار کا گِلہ کس زباں سیں کروں بیاں
کہ شرابِ صد قدح آرزو خُمِ دل میں تھی سو بھری رہی

 

[فاروق احمد بھٹی]

ترا قرب تھا کہ فراق تھا وہی تیری جلوہ گری رہی
کہ جو روشنی ترے جسم کی تھی مرے بدن میں بھری رہی
مرے آشنا بھی عجیب تھے نہ رفیق تھے نہ رقیب تھے
مجھے جاں سے درد عزیز تھا انہیں فکرِ چارہ گری رہی
احمد فراز

 

[فاروق احمد بھٹی]

مجھے باغباں سے گلہ یہ ہے کہ چمن سے بے خبری رہی
کہ ہے نخلِ گُل کا تو ذکر کیا کوئی شاخ تک نہ ہری رہی
یہی سوچتا ہوں شبِ الم کہ نہ آئے وہ تو ہوا ہے کیا
وہاں جا سکی نہ مری فغاں کہ فغاں کی بے اثری رہی
قمر جلالوی

 

[ادب دوست]

کِیا خاک آتشِ عشق نے دلِ بے نوائے سراج کوں
نہ خطر رہا، نہ حذر رہا مگر ایک بے خطری رہی