آپ کے پسندیدہ اشعار!

[طارق شاہ]

تِرے حق میں لب پہ خلش کے اب، رہے روز و شب یہ دُعا، خُدا
تجھے استقامتِ خُوب دے، سبھی وَسوَسوں سے نِکال کے

شفیق خلش

 

[طارق شاہ]

کوئی پیغامِ محبّت لبِ اعجاز تو دے !
موت کی آنکھ بھی کُھل جائے گی ، آواز تو دے

فراق گورکھپوری

 

[عندلیب]

اک تبسم کے لیے کوئی مرا جاتا ہے
تھوڑا ہنس دے ترا ہنس دینے میں کیا جاتا ہے

 

[ادب دوست]

نظارے کو بہ جنبش مژگاں بھی بار ہے
نرگس کی آنکھ سے تجھے دیکھا کرے کوئی

 

[ادب دوست]

نظارے کو بہ جنبش مژگاں بھی بار ہے
نرگس کی آنکھ سے تجھے دیکھا کرے کوئی

 

[ادب دوست]

کھل جائیں کیا مزے ہیں تمنائے شوق میں
دو چار دن جو میری تمنا کرے کوئی

 

[عندلیب]

مدت سے کوئی زخم کا تحفہ نہیں ملا
دل پر پڑی ہے کیسی یہ افتاد دیکھیے

 

[ادب دوست]

ہمیں عشق میں میر چپ لگ گئی ہے
نہ شکوہ شکایت، نہ حرفِ حکایت

 

[ادب دوست]

کبھو وہ توجہ اِدھر کر رہے گا
ہمیں عشق ہے تو اثر کر رہے گا

 

[عندلیب]

آج کل محبت کا کاروبار چلتا ہے
نام تھا وفا جس کا بات وہ پرانی ہے

 

[ادب دوست]

جنونِ شوق ہے وہ ہی وہی صحرا کا موسم ہے
ارے کچھ بھی نہیں بدلا زمانہ اب بھی ویسا ہے

 

[عندلیب]

اک عمر چل کے نکہت ترے قریب پہنچی
اب پھر نہ روٹھ جانا پھر دور ہو نہ جانا

 

[طارق شاہ]

یہ تلخ نوائی مِری ضامن ہے بقا کی
جو جانِ کرَم ہے وہ سِتم بانٹ رہا ہُوں

کل جن سے بدلنے کو ہے تقدیر بشر کی
میں آج وہ افکار اہم بانٹ رہا ہُوں

فراق گورکھپوری

 

[ادب دوست]

تم ساتھ دینا میرا اے جانِ زندگانی
ڈھونڈیں گے ایک منزل ہم ہر نئے قدم پر

 

[عندلیب]

موسم پرندے دھوپ کی دیوار شب چراغ
قصہ طویل ہونے لگا ، مختصر کریں

 

[عبدالقیوم چوہدری]

فرصت میں ان شاء اللہ ۔

فرصت، شاید کہیں دور دیس جا بسی ہے ۔۔ ؟ آئی نہیں ابھی تک

 

[عندلیب]

فرصت، شاید کہیں دور دیس جا بسی ہے ۔۔ ؟ آئی نہیں ابھی تک

جی دور دیس میں ہی ہوں اس وقت۔

 

[عبدالقیوم چوہدری]

جی دور دیس میں ہی ہوں اس وقت۔

فرصت کو واپس بلا لیں۔۔۔مہربانی ہو گی

 

[عندلیب]

ان مشکل الفاظ کے معنی لکھ دیجیے۔

چھلے میں کنکر ؟ ہوتا ہے !!!

یہ کون سی چمنی ہے ؟

دھاپا پو آتوں : چھت پر آتا ہوں
بھرکاتوں بنڈے: پتھر پھینکتا ہوں
سندوری : سرخ
سانداں : ایک قسم کا جال ،پھندا
تو آنکھیاں کو نئیں دستی کرکو روتوں : آنکھوں پر رومال رکھ کے روتا ہوں
اپنیچ :خود ہی
چھلے کا کنکر ؟ ہوتا ہے : جی ہوتا ہے ۔ انگھوٹھی کا نگینہ
اندھارے کی چمنی: روشنی کے لیے لگائی جاتی ہے ۔

 

[ادب دوست]

جلا جی بہت قصۂ میرؔ سن
بلا سوز تھا اس کہانی کے ساتھ