آپ کے پسندیدہ اشعار!

[سید شیرازی]

وہ بچپن تھا جب شام ہوا کرتی تھی۔۔۔۔
اب توصبح کےبعدسیدھی رات ہوجاتی ہے!

 

[عندلیب]

وہ بچپن تھا جب شام ہوا کرتی تھی۔۔۔۔
اب توصبح کےبعدسیدھی رات ہوجاتی ہے!

وہ کیسے ؟

 

[آوازِ دوست]

وہ بچپن تھا جب شام ہوا کرتی تھی۔۔۔۔
اب توصبح کےبعدسیدھی رات ہوجاتی ہے!

خوب کہا گو کہ شاعرانہ ردھم پر نثری رنگ غالب ہے مگر بات خوب کی ہے

 

[سید شیرازی]

نہ چاہوتو بھی مِل ہی جاےّ گا
دنیا میں دھوکہ عروج پر ہے۔

 

[ادب دوست]

توڑا کچھ اِس ادا سے تعلق اُس نے غالب
کہ ساری عمرہم اپنا قصورڈھونڈتے رہے۔

سید شیرازی بھائی، یہ اشعار کا دھاگہ ہے۔
آپ سے درخواست ہے کہ یہاں اشعار لکھیں۔
یہ جو کچھ آپ تحریر فرما رہے ہیں اگر آپ اس کے بجائے اشعار تحریر فرمائیں تو اس دھاگے کا وقار بڑھے گا۔
امید ہے آپ میری مخلصانہ درخواست کو بہت مثبت انداز میں شرفِ قبولیت بخشیں گے۔

منافق ہوتاتو ہجوم ہوتامیرے ساتھ
مخلص ہوں اس لیے تو تنہا ہوں۔

وہ بچپن تھا جب شام ہوا کرتی تھی۔۔۔۔
اب توصبح کےبعدسیدھی رات ہوجاتی ہے!

نہ چاہوتو بھی مِل ہی جاےّ گا
دنیا میں دھوکہ عروج پر ہے۔

 

[صائمہ شاہ]

دوستی بھی تھی مظفر ، گندے برتن کی طرح
اس کو استعمال سے پہلے کھنگالا کیوں نہیں

مظفر وارثی

 

[صائمہ شاہ]

ہزار بار خود اپنے مکاں پہ دستک دی
اس احتمال میں جیسے کہ میں ہی اندر تھا

مشفق خواجہ

 

[طارق شاہ]

کیا مدِّ نظر تم کو ہے، یاروں سے تو کہئے
گرمُنْہ سے نہیں کہتے اِشاروں سے تو کہئے

شیخ ابراہیم ذوق

 

[عندلیب]

کوئی بھی شہر میں کھل کر نہ بغل گیر ہوا
میں بھی اکتائے ہوئے لوگو ں سے اکتا کے ملا

 

[عندلیب]

شاذ پھر اس سے ملاقات کی حسرت جاگی
خود بخود ہونٹوں پہ آتی ہے دعا شام کے بعد

 

[طارق شاہ]

عجیب کیف میں رکھا تِرے تصوّر نے !
تمام عُمر نہ آنکھیں کُھلِیں نہ خواب آیا

رزم رودولوی
(جعفر مہدی )

 

[طارق شاہ]

کُچھ جوشِ جنُوں ہے پھر، کیا فصلِ بہار آئی
وحشت کی ہیں سب باتیں، دِیوانے کو کیا کہئے

رشک رامپوری
(نواب حامد علی خاں)

 

[طارق شاہ]

اے رشک! مُصِیبت میں کوئی بھی نہیں اپنا
اپنا نہیں جب اپنا، بیگانے کو کیا کہئے

رشک رامپوری
(نواب حامد علی خاں)

 

[ادب دوست]

کتنی مشکل سے بچائی تھی خودی
وہ بھی نذرِ زندگی ہونے لگی

فیاض علی فیاض

 

[کاشفی]

مجھ سے مت جی کو لگاؤ کہ نہیں رہنے کا
میں مسافر ہوں کوئی دن کو چلا جاؤں گا
(سید محمد میر سوز دہلوی)

 

[کاشفی]

بُلبُل کدھر تو پھرتی ہے غافل خبر لے جلد
گُل نے لگائی آگ ترے آشیانے میں
(سید محمد میر سوز دہلوی)

 

[کاشفی]

اہلِ ایماں سوز کو کہتے ہیں کافر ہوگیا
آہ یارب رازِ دل ان پر بھی ظاہر ہوگیا
(سید محمد میر سوز دہلوی مرحوم و مغفور رحمتہ اللہ علیہ)

 

[نازنین شاہ]

تمام عمر سہاروں کی آس رہتی ہے
تمام عمر سہارے فریب دیتے ہیں

 

[عندلیب]

تو مری یاد سے غافل نہ تری یاد سے میں
ایک در پردہ کشاکش ہے بھلانے کے لیے

 

[محمد تابش صدیقی]

سو میں نے بات بدل دی، گلے لگا کے اسے
درست شخص، غلط بات پر اڑا ہوا تھا

علی زریون