آپ کے پسندیدہ اشعار!

[عندلیب]

مجھے خزاں سے ملی تھی نویدِ موسمِ گل
جو برگِ خشک تھے نامے مرے حبیب کے تھے

 

[صائمہ شاہ]

اُسی کو ۔۔۔۔۔۔۔ یاد کرنا پڑ گیا ہے
اُسے یکسر بھلا دینے سے پہلے

کرامت بخاری

 

[طارق شاہ]

چاہُوں میں کِس طمع پہ زمانے کی دوستی
اوروں سے دوست ہوکے زمانے نے کیا کِیا

محمد رفیع سودا

 

[طارق شاہ]

افسوس تو کم ہوتا، گر ساتھ ذرا چلتے
تا عُمْرکے وعدے پر دوگام نہ تم آئے

شفیق خلش

 

[نازنین شاہ]

اس کو کیا کہیئے کہ وہ راہ بھی دلدل نکلی
میں سوچا تھا جہاں پاؤں جمانے کے لئے

 

[نادر علی]

 

[نازنین شاہ]

یہ زمانہ ہمیں محسوس نہیں کر سکتا
ہم بنے ہی ہیں کسی اور زمانے کے لیے

 

[ادب دوست]

بھیڑ ہو اتنی، چلنا مشکل ہو جائے
سچائی کا رستہ گر دشوار نہ ہو

فیاض علی فیاض

 

[نازنین شاہ]

گوشوں میں دل کے اب کوئی خواہش نہیں رہی
ان ٹہنیوں سے سارے پرندے اتر گئے

 

[نادر علی]

 

[نازنین شاہ]

شعر فہمی کے نئے زاویے لایا ہے یہ دور
لوگ مفہوم بھی اشعار پہ رکھ دیتے ہیں
یوں کراتے ہیں کبھی اپنا تعارف ہم لوگ
معرفت دیدہء بیدار پہ رکھ دیتے ہیں

 

[عندلیب]

دل بے حوصلہ ہے اک ذرا سی ٹھیس کا مہماں
وہ آنسو کیا پیے گا جس کو غم کھانا نہیں آتا

 

[نازنین شاہ]

ہم نہیں جانتے اب کون وہاں رہتا ہے
ہم نے اس در سے توقع ہی اٹھا لی ہوئی ہے

 

[نازنین شاہ]

اب بھی سلگ رہا ہے میری روح میں فگار
اک اشک آج تک جو بہایا نہیں گیا

 

[نازنین شاہ]

آواز دے کے خود کو بلانا پڑا مجھے
اپنی مدد کو آپ ہی آنا پڑا مجھے

 

[کاشفی]

کہتا نہ تھا میں اے دل اس کام سے تو باز آ
دیکھا مزا نہ تونے نادان عاشقی کا
(میر سوز دہلوی)

 

[کاشفی]

مشکل نہیں کہ رونقِ محفل نہ بن سکوں
لیکن میں اپنے رنگِ طبیعت کو کیا کروں

گمنام ہوں، گمنام سہی بزمِ ادب میں
اے رازؔ یہ کیا کم ہے کہ بدنام نہیں ہوں
(راز چاند پوری)

 

[کاشفی]

مرا ذوقِ پرستش ہے جدا سارے زمانہ سے
محبت کرتا جاتا ہوں، عبادت ہوتی جاتی ہے
(راز چاند پوری)

 

[کاشفی]

آج سمے کا پہیہ گھوما پیچھے سب کچھ چھوٹ گیا
ایک ستارہ بھارت ماتا کی آنکھوں کا ٹوٹ گیا
(شاعر: بھارت کے نامعلوم)

 

[کاشفی]

اب بجلیوں کا خوف بھی دل سے نکل گیا
خود میرا آشیاں مری آہوں سے جل گیا
(شاعر: مجھے معلوم نہیں)