آپ کے پسندیدہ اشعار!

[طارق شاہ]

خوف دِل سے نہ گیا صُبْح کے ہونے کا قمر
وصل کی رات گُزاری ہے شبِ غم کی طرح

قمر جلالوی

 

[mohsin ali razvi]

وہ چارہ گر جو میرے درد کا دوا تھا بس
میرا نھی رھا خوابوں میں تھا وہ بس
علیشا رضوی

 

[نازنین شاہ]

ہم بھی خاموش گزر جائیں گے اوروں کی طرح
لے بھی آئی تیرے کوچے میں اگر لغزش دل

 

[طارق شاہ]

شیخ کے مُنہ سے تو نِکلی ہیں مزے کی باتیں
ہم یہ سمجھے تھے بَجُز نامِ خُدا کیا ہوگا

ابوالاثرحفِیظ جالندھری

 

[طارق شاہ]

حاصلِ عِشق ہے رُسوائی بھی، ناکامی بھی
حاصلِ عُمر نہ جانے ابھی کیا کیا ہوگا

ابوالاثرحفِیظ جالندھری

 

[mohsin ali razvi]

گر چہ رسوائی دوران مقدر ہے تو ھو
عشق میں رہ کے کھاں ھوش صنم باقی ہے
م ۔علیشا رضوی

 

[نازنین شاہ]

راہوں میں جز فریب نظر اور کچھ نہ تھا
حد نگاہ تک تھے سرابوں کے سلسلے

 

[نازنین شاہ]

گوشوں میں دل کے اب کوئی خواہش نہیں رہی
ان ٹہنیوں سے سارے پرندے اتر گئے

 

[نازنین شاہ]

ہم شہر جاں میں آخری نغمہ سنا چکے
سمجھو کہ اب ہمارا تماشا تمام شد

 

[نازنین شاہ]

وہ درد رہ وفا وہ محبت تمام شد
لے ! دل میں تیرے قرب کی حسرت تمام شد

 

[نازنین شاہ]

یہ بعد میں کھلے گا کہ کس کس کا خوں ہوا
ہر اک بیاں تمام عدالت تمام شد

 

[نازنین شاہ]

تو اب تو دشمنی کے بھی قابل نہیں رہا
اٹھتی تھی جو کبھی وہ عداوت تمام شد

 

[نازنین شاہ]

وہ روز روز مرنے کا قصہ ہوا تمام
وہ روز دل کو چیرتی وحشت تمام

 

[طارق شاہ]

نہ بچا اُس نگاہِ ناز سے دِل !
ہم نے سو سو طرح چُھپا دیکھا

مولانا حسرت موہانی

 

[طارق شاہ]

ڈھلتی نہ تھی کسی بھی جَتن سے شبِ فراق
اے مرگِ ناگہاں! تِرا آنا بہت ہُوا

احمد فراز

 

[طارق شاہ]

ذرا دیر آشنا چشمِ کرَم ہے
سِتم ہی عِشق میں پیہَم نہ ہوں گے

حفیظ ہوشیارپوری

 

[عندلیب]

جھونکے جو لگ رہے ہیں نسیم بہار کے
جنبش میں ہے قفس بھی اسیر چمن کے ساتھ

 

[نظام الدین]

اے دوست ہم نے ترک محبت کے باوجود

محسوس کی ہے تیری ضرورت کبھی کبھی

(ناصر کاظمی)

 

[عندلیب]

سر پر ہوائے ظلم چلے سو جتن کے ساتھ
اپنی کلاہ کج ہے اسی بانکپن کے ساتھ

 

[طارق شاہ]

ہرمنزلِ غُربت پہ گُماں ہوتا ہے گھر کا
بہلایا ہے ہر گام بہت دربَدری نے

فیض احمد فیض