آپ کے پسندیدہ اشعار!

[طارق شاہ]

چاہتیں کتنی بھی آغاز میں پیاری ہوں فراز
پھر وہی تلخیاں انجام میں لے آتی ہیں

احمد فراز

 

[طارق شاہ]

دوست پُرسِش پہ مُصر، اور ہمارا شیوہ !
اپنے احوال کو خود سے بھی چُھپائے رکھنا

احمد فراز

 

[سارہ خان]

میں اسی طور سےگرداں ہوں زمانے میں،
وہی صبح ہے، شام ہے، گہنائی ہوئی راتیں ہیں
اختر الایمان​

 

[مخلص انسان]

تھک گیا ہوں اے زندگی تجھے جیتے جیتے
تو ہی بتا دے تو گزر رہی ہے یا میں گزر جاؤں

 

[طارق شاہ]

اب نہیں دِل میں مِرے، شوقِ وصال
اب، ہراِک شے سے فراغت ہے مجھے

اب نہ وہ جوشِ تمنّا باقی
اب نہ وہ، عِشق کی وحشت ہے مجھے

اب یونہی عُمر گُزر جائے گی !
اب، یہی بات غنِیمت ہے مجھے

میراجی

 

[مخلص انسان]

کسی نے دھول کیا آنکھوں میں جھونکی
میں اب پہلے سے بہتر دیکھتا ہوں !!!

 

[طارق شاہ]

آسودگی کا کیا نہیں سامان تھا لئے
گھر پھر بھی میری قید کا بُہتان تھا لئے

شفیق خلش

 

[سارہ خان]

مرنے کی گھڑی آئے تو میں زیست کا طالب​

جینے کا تقاضا ہو تو مر جاتا ہوں اکثر​

واصف علی واصف​

 

[طارق شاہ]

احباب مِلنے میری اسیری میں آئے جب
داروغہ میری موت کا فرمان تھا لئے

شفیق خلش

 

[مخلص انسان]

مرے پہلو میں ہر دم درد کی کلیاں چٹکتی ہیں
کہ اب تو ہجر کا موسم میرے آنگن میں رہتا ہے

 

[عندلیب]

جو منہ میں یار کے آتا ہے بک دیتا ہے اے آتش
نہ الٹی ہی سمجھتا ہے نہ وہ رشک قمر سیدھی

 

[ادب دوست]

مر جائیں گے ، مر جائیں گے ، کیوں سر پہ کھڑی ہے ؟
عجلت تجھے کیوں گردشِ ایّام پڑی ہے ؟

 

[طارق شاہ]

لفظوں نے، پی لِیا ہے مُظفّر مِرا لہُو
ہنگامۂ صَدا ہُوں، سُخن ور نہیں ہُوں میں

مُظفّر وارثی

 

[مخلص انسان]

احباب کے فریبِ مسلسل کے باوجود
کھنچتا ہے دل خلوص کی آواز پر ابھی

 

[طارق شاہ]

اِک عُمر ہوگئی کہ ہے بارش میں چشم تر
اب تک نہ کوئی نخلِ تمنّا ہَرا ہُوا

شہاب ثاقب
(تجلائے شہاب ثاقب مطبوعہ 1924)

 

[سارہ خان]

جنوں کیسا کہاں کا عشق صاحب​

میں اپنے آپ ہی میں مبتلا ہوں​

رسا چغتائی​

 

[طارق شاہ]

غُنچہ و گُل کیسے اِظہارِ وفاداری کریں
گُلسِتاں والے ہی جب، گُلشن سے غدّاری کریں
دے رہی ہیں اِک پیامِ نَو شَفَق کی سُرخِیاں
آؤ پارانِ سفر چلنے کی تیّاری کریں

منصُور عثمانی، منصُور
مرادآباد، انڈیا

 

[طارق شاہ]

اُجاڑ سکتے ہو تم ساری بستیاں، لیکن
اِک آشیانہ بَسانا تمھارے بس میں نہیں

مِرے لہُو سے اُجالا ہے ہر طرح منصُور
مِرا چراغ بُجھانا تمھارے بس میں نہیں

منصُور عثمانی، منصُور
مرادآباد، انڈیا

 

[طارق شاہ]

اِظہارِ تمنّا پہ وہ کُچھ بولے تھے، لیکن !
سُننے نہ دِیا دِل کے دھڑکنے کی صَدا نے

کلِیم عاجِز

 

[طارق شاہ]

عجب اِک کیفیتِ دِل کا سامنا ہے، خَلِش
وگرنہ اب بھی ہے اُس کا جمال پہلا سا

شفیق خلش