آپ کے پسندیدہ اشعار!

[طارق شاہ]

کیا سِتم! حال یُوں ہے جن کے سبب
وہ مَرَض کا مِرے دوا بھی ہُوئے

شفیق خلش

 

[طارق شاہ]

بڑوں پر مُنکشِف تھی سہْل انگاری ہماری
ہمَیں اجداد کہتے تھے، تمھارا کیا بنے گا

اختر عثمان

 

[طارق شاہ]

یہ آب و تاب تو مجھ میں ازل ہی سے تھی، اختر
مِرے تیور بتاتے تھے، سِتارہ کیا بنے گا

اختر عثمان

 

[مخلص انسان]

سبب بس اتنا ہی تھا میرے ڈوبنے کا
میں کنارہ ڈھونڈ رہا تھا وہ کنارہ کر رہا تھا

 

[طارق شاہ]

وہ اُفق پر ہے چاندنی کے ہمَیں
ساتھ چلتی نظر نہیں آتی

شفیق خلش

 

[طارق شاہ]

کیا تمنّا اب اُس سَمَن کی خلِش
رُت بدلتی نظر نہیں آتی

شفیق خلش

 

[طارق شاہ]

رنگِ اُلفت بَرنگِ قِسمت ہی !
کُچھ چَمکتی نظر نہیں آتی

شفیق خلش

 

[طارق شاہ]

خلک پامالِ ادا کیوں نہ ہر اِک گام پہ ہو
پا اُٹھاتا ہے زمِیں سے وہ بصد ناز اپنا

شیخ ابراہیم ذوق

 

[مخلص انسان]

اگر حقیقتِ الفت سے با خبر ہوتے
فرشتے آرزو کرتے کہ ہم بشر ہوتے

 

[عندلیب]

زندگانی کا سوچ کر مفہوم
ہنستے پھولوں پہ رو گیا ہے چاند

 

[کامران عاشر]

یہ نیلی آنکھوں والے لوگ، آتے ہیں جب ساحل پر
تو چیخ کے لہریں کہتی ہیں آج سمندر ڈوب گیا
بشیربدر

 

[مخلص انسان]

اپنی تعمیر اٹھاتے تو کوئی بات بھی تھی
تم نے ایک عمر گنوادی میری مسماری میں

 

[طارق شاہ]

یُوں تو خوش فکر ہیں اِس معرکہ میں جمع مُنیر
عرش رَس دیکھیے اب فکررَسا کِس کی ہے

منیر

 

[طارق شاہ]

کیوں یہ کِس واسطے ہے رنج و محن
جان دیں اپنی، آپ کے دشمن

قلق لکھنوی

 

[طارق شاہ]

اُس کو ہم جیسے کئی مِل گئے مجنوں ورنہ
عِشق، لوگوں کے لیے کارِزیاں تھا پہلے

افضل گوہر راؤ

 

[طارق شاہ]

نہ میں کوہ کن ہُوں نہ قیس ہُوں، مجھے اپنی جان عزِیز ہے
مجھے ترکِ عِشق قبُول ہے، جو تمھیں یقینِ وفا نہ ہو

اقبال عظیم

 

[طارق شاہ]

اب آئے ہیں وہ پُرسِشِ احوال کے لیے
جب اعتبارِ عُمرِ گُریزاں نہیں رہا

حنیف اخگر

 

[طارق شاہ]

ٹھہرو ٹھہرو، مِرے اصنامِ خیالی ٹھہرو !
میرا دِل گوشۂ تنہائی میں گھبرائے گا

شکیب جلالی

 

[طارق شاہ]

لوگ دیتے رہے کیا کیا نہ دِلاسے مجھ کو
زخم گہرا ہی سہی، زخم ہے، بھر جائے گا

شکیب جلالی

 

[طارق شاہ]

آنکھ جھپکے نہ کہیں، راہ اندھیری ہی سہی !
آگے چل کر وہ کسی موڑ پہ مِل جائے گا

شکیب جلالی