آپ کے پسندیدہ اشعار!

[طارق شاہ]

ہُوں اپنے حال پہ قانع، کہ جو ہُوا سو ہُوا
نہ اُس کو کھونے پہ، اب وہ ملال پہلا سا

شفیق خلش

 

[طارق شاہ]

مجھ گدا کو، دے نہ تکلیفِ حکومت اے ہَوس
چار دِن کی زندگی میں، بادشاہی کیا کرُوں

امِیرمِیںائی

 

[سارہ خان]

اپنے سے کچھ کہو نہ پرائے سے کچھ کہو​

دل سوز و دل گداز سماں دیکھتے چلو​

حبیب جالب​

 

[مخلص انسان]

حالت میری مجھ سے نہ معلوم کیجئے
مدت ہوئی ہے مجھ سے میرا واسطہ نہیں

 

[طارق شاہ]

اُمیدِ وصل نے، دھوکے دِیے ہیں اِس قدر حسرت !
کہ اُس کافر کی ہاں بھی، اب نہیں معلوُم ہوتی ہے

چراغ حَسَن حسرت

 

[قرۃالعین اعوان]

اندرونِ ۔ حصارِ ۔ خاموشی
شور کی طرح مچ رہا ہوں میں

جون ایلیا

 

[طارق شاہ]

یہ دُکھ درد کی برکھا بندے! دَین ہے تیرے داتا کی
شُکرِ نعمت بھی کرتا جا، دامن بھی پھیلاتا جا

حفِیظ جالندھری

 

[کاشفی]

دیکھتے ہی اُسے کل میرے یہ اوسان گئے
اپنے بیگانے وہاں جتنے تھے سب جان گئے
(مرزا رضا قلی آشفتہ)

 

[مخلص انسان]

تیری نگاہِ لُطف اگر ہمسفر نہ ہو
دشواریِ حیات کبھی مختصر نہ ہو
۔

 

[مخلص انسان]

ایک تم پر عیاں نہیں ہوتا
درد ورنہ ، کہاں نہیں ہوتا

 

[عندلیب]

جو ہم خوابوں کی، غم کی، نقد جاں کی بات کرتے ہیں
سجائے اپنے دل میں، کہکشاں کی بات کرتے ہیں

 

[طارق شاہ]

کیا بَلا سے توُ ڈراتی ہے مجھے، اے شَبِ گور
کچھ شبِ ہجر سے بڑھ کر ہے سِیاہی تیری؟

امِیر مِیںائی

 

[طارق شاہ]

نِیم جاں چھوڑ گئی نِیم نِگاہی تیری
زندگی تا صد و سی سال الہیٰ تیری

امِیر مِیںائی

 

[طارق شاہ]

اُس نے سوچا تو ہوگا میری طرح
کیا الگ ہو کے ہم جُدا بھی ہوئے

شفیق خلش

 

[طارق شاہ]

وہ جنھیں ہم نے دی ذرا عِزّت !
پھیلے ایسے کہ گو خُدا بھی ہُوئے

شفیق خلش

 

[طارق شاہ]

میں وہ مجنوُں ہُوں جو نِکلوں کُنجِ زِنداں چھوڑ کر
سیبِ جنّت تک نہ کھاؤں سنگِ طِفلاں چھوڑ کر

شیخ محمد ابراہیم ذوق

 

[طارق شاہ]

ہوگیا طِفلی ہی سے دِل میں ترازُو تِیرِ عِشق
بھاگے ہیں مکتب سے ہم اوراقِ مِیزاں چھوڑ کر

شیخ محمد ابراہیم ذوق

 

[طارق شاہ]

اہلِ جوہر کو وطن میں رہنے دیتا گر فَلک
لعل کیوں اِس رنگ میں آتا بَدخشاں چھوڑ کر

شیخ محمد ابراہیم ذوق

 

[طارق شاہ]

وہ تیرا غم تھا کہ تاثیر میرے لہجے کی ؟
کہ جس کو حال سُناتے اسے رُلا دیتے

وصی شاہ

 

[طارق شاہ]

فِتنہ اُن کے قدم سے اُٹھتا ہے
ہر قدم کِس سِتم سے اُٹھتا ہے

داغ دہلوی