آپ کے پسندیدہ اشعار!

[فہد اشرف]

اب یہی طے ہوا کہ ہم تجھ سے قریب تر نہیں
آج ترے تکلفات دل پہ گراں گزر گئے
جون ایلیا

 

[وقار..]

آج بھی انتظار کا ۔۔۔ وقت حنوط ہو گیا
ایسے لگا کہ حشر تک سارے ہی پل ٹھہر گئے

 

[احسن محی الدین]

یہ مسکراتے تما م سائے ہوئے پرائے تو کیا کروگے
ہو ا نے جب بھی مرے بدن کے دیے بجھا ئے تو کیا کروگے

تمھاری خواہش پہ عمر بھر کی جدائیاں بھی قبول کرلوں
مگر بتاو ! بغیر میرے جو رہ نہ پا ئے تو کیا کروگے

 

[احسن محی الدین]

آؤ مل کر کریں وفا روشن
میں سُلگتا ہوں تم ہوائیں دو

 

[سید لبید غزنوی]

اور وہ شخض بھی محروم سماعت نکلا
ہم نے رو رو کر جسے درد سنائے اپنے

 

[احسن محی الدین]

رزق، ملبوس ، مکاں، سانس، مرض، قرض، دوا
منقسم ہو گیا انساں انہی افکار کے بیچ

دیکھے جاتے نہ تھے آنسو مرے جس سے محسن
آج ہنستے ہوئے دیکھا اسے اغیار کے بیچ

محسن نقوی

 

[مخلص انسان]

میں نے کی حد نظر پار ، تو یہ راز کھلا
آسماں تھے ، تو فقط میرے خیالات میں تھے

 

[سید لبید غزنوی]

عشق دے گُنجل پَھسیا پنچھی نا کو ئی لَبھے راہ
جے تڑپے تے ہور وی پَھسدا نا تڑپے تے ڈُبن ساہ

 

[سید لبید غزنوی]

لشک پشک نا دیکھ دیوانے ، دیکھ نا سندر مکھڑے
ہر مکھڑے دے اندر دل ہے ،ہر دل دے اندر دکھڑے

 

[احسن محی الدین]

میں تعلق ہوں... ٹوٹ جاؤں گا
تم حوالہ ہو... یاد آؤ گے..!

 

[مخلص انسان]

ﺑﭽﮭﮍ ﮐﺮ ﺭﺍە ﻋﺸﻖ ﻣﯿﮟ ﺍﺱ ﻗﺪﺭ ﮨﻮﺋﮯ ﺗﻨﮩﺎ ۔ ۔ ۔
ﺗﮭﮑﮯ ﺗﻨﮩﺎ ، ﮔﺮﮮ ﺗﻨﮩﺎ ، ﺍﭨﮭﮯ ﺗﻨﮩﺎ ، ﭼﻠﮯ ﺗﻨﮩﺎ

 

[احسن محی الدین]

بڑھ کر خرید لے۔۔ کوئی ایسا ہے یہاں؟
میرے تمام خواب برائے فروخت ہیں

 

[قاری محمد عثمان صدیقی]

کوئی نئی چوٹ پِھر سے کھاؤ! اداس لوگو
کہا تھا کِس نے، کہ مسکراؤ! اُداس لوگو

گُزر رہی ہیں گلی سے، پھر ماتمی ہوائیں
کِواڑ کھولو ، دئیے بُجھاؤ! اُداس لوگو

جو رات مقتل میں بال کھولے اُتر رہی تھی
وہ رات کیسی رہی ، سناؤ! اُداس لوگو

کہاں تلک، بام و در چراغاں کیے رکھو گے
بِچھڑنے والوں کو، بھول جاؤ! اُداس لوگو

اُجاڑ جنگل ، ڈری فضا، ہانپتی ہوائیں
یہیں کہیں بستیاں بساؤ! اُداس لوگو

یہ کِس نے سہمی ہوئی فضا میں ہمیں پکارا
یہ کِس نے آواز دی، کہ آؤ! اُداس لوگو

یہ جاں گنوانے کی رُت یونہی رائیگاں نہ جائے
سرِ سناں، کوئی سر سجاؤ! اُداس لوگو

اُسی کی باتوں سے ہی طبیعت سنبھل سکے گی
کہیں سے محسن کو ڈھونڈ لاؤ! اُداس لوگو

 

[وقار..]

اب میں تجھے نہیں سوچتا،
اب میں چائے گرم پیتا ہوں۔۔

 

[وقار..]

میں خدائے سخن نہیں لیکن
تو اگر دل سے گنگنائے مجھے

 

[احسن محی الدین]

عشق نے سیکھ ہی لی وقت کی تقسیم کہ، اب
وہ مجھے یاد تو آتا ہے، مگر کام کے بعد

 

[مخلص انسان]

ہم سے کیا پوچھتے ہو ہجر میں کیا کرتے ہیں
تیرے لوٹ آنے کی دن رات دعا کرتے ہیں

 

[وقار..]

کچھ ﻣﯿﺮﺍ ﺫﻭﻕ ﺳﻤﺎﻋﺖ ﺑﮭﯽ ﺑﮩﮏ ﺟﺎﺗﺎ ﮨﮯ
کچھ ﺗﺮﮮ ﭘﺎﺅﮞ ﮐﯽ ﺁﮨﭧ ﺑﮭﯽ ﮨﮯ ﺩﮬﮍﮐﻦ ﮐﯽ ﻃﺮﺡ...

 

[سید لبید غزنوی]

میرے کمرے میں اڑ رہے ہیں بادل
واہ واہ واہ
میں جو بھی لکھ دوں غور سے پڑھتے ہیں پاگل​

 

[مخلص انسان]

مجھے تقسیم سے مطلب نہیں ہے
وہ سب کا تھا فقط میرا نہیں تھا