آپ کے پسندیدہ اشعار!

[La Alma]

ہر اک صدا جو ہمیں بازگشت لگتی ہے
نجانے ہم ہیں دوبارہ کہ یہ دوبارہ ہے

 

[فرقان احمد]

جانے کب حبس کا ماحول مہک بن جائے
ذہن کے گوشوں کو یادوں سے معطر رکھنا

 

[فرقان احمد]

حیرت غرورِ حسن سے ، شوخی سے اضطراب
دل نے بھی تیرے سیکھ لیے ہیں چلن تمام

 

[فرحان محمد خان]

دیر سے آنکھ پہ اُترا نہیں اشکوں کا عذاب
اپنے ذمّے ہے ترا قرض نہ جانے کب سے
فیض احمد فیض

 

[کاشفی]

ٹوٹے پیمانے، شکستہ جام اور تنہائیاں
اپنے گھر جیسا ہی اب لگتا ہے مے خانہ مجھے
(محمد علی ساحل)

 

[فرقان احمد]

اچھا ہوا کہ تم سے ملاقات ہو گئی
مدت سے آرزو تھی کوئی بے وفا ملے

 

[فرحان محمد خان]

شہر کا شہر مجھے دیکھ رہا ہے منصور
کم تماشا ہے بہت اور زیادہ آنکھیں
منصور آفاق

 

[فرحان محمد خان]

امجد، قبائے شہ تھی کہ چولا فقیر کا
ہر بھیس میں ضمیر کا پردا لباس تھا
مجید امجد

 

[فرقان احمد]

چاند سے آنکھ ملی، جی کا اجالا جاگا !
ہم کو سو بار ہوئی صبح، سحر سے پہلے

 

[فرقان احمد]

میں نہیں مانتا کاغذ پہ لکھا شجرۂ نسب
بات کرنے سے قبیلے کا پتہ چلتا ہے!

 

[فرقان احمد]

محبتوں میں بھی لازم ہے اعتدال کا رنگ
خلوص حد سے بڑھا ہے تو لوگ ڈر بھی گئے

 

[فرقان احمد]

گردآلود دریدہ چہرہ یوں ہے ماہ و سال کے بعد
جیسے فلک بارش سے پہلے جیسے زمیں بھونچال کے بعد

مردہ لوگوں کی بستی میں سنتا ہوں آوازیں سی
جیسے مقتل کا سناٹا بولے عام قتال کے بعد

ہجر تو پہلے بھی آیا تھا لیکن اب وحشت ہے اور
چلتی ہوا سے لڑتے ہیں ہم ایک پری تمثال کے بعد

بھر جائیں گی جس دم شاخیں سبز مہکتے پتوں سے
جوگی آتے جاتے موسم لوٹیں گے پھر سال کے بعد

رات بدن یوں لو دیتے تھے جیسے صندل جلتا ہو
لیکن دل دیوانہ چاہے اور بھی کچھ ہو وصال کے بعد

گر سوچیں تو ہجر زدوں نے یوں بھی پائی عمر بڑی
اٹھے دل میں درد سے پہلے بیٹھے گرد ملال کے بعد

کون سے دکھ کو پلے باندھیں کس غم کو تحریر کریں
یاں تو درد سوا ہوتا ہے اور بھی عرض حال کے بعد

(توصیف تبسم)

 

[La Alma]

ہم ایسے محو نظارہ نہ تھے جو ہوش آتا
مگر تمہارے تغافل نے ہوشیار کیا​

 

[عباد اللہ]

پاسِ ناموسِ عشق تھا ورنہ
کتنے آنسو پلک تک آئے تھے
میر

 

[لاریب مرزا]

غمِ ہستی کا اسدؔ کس سے ہو جُز مرگ علاج
شمع ہر رنگ میں جلتی ہے سحر ہونے تک

(غالب)

 

[لاریب مرزا]

ہونٹوں کے سلگتے ہوئے انکار پہ نہ جا
پلکوں سے پرے بھیگتے اقرار بہت ہیں

(محسن نقوی)

 

[عباد اللہ]

نہ رہنماؤ کی مجلس میں لے چلو مجھ کو
میں بے ادب ہوں ہنسی آ گئی تو کیا ہو گا
احسان دانش

 

[فرقان احمد]

اُس پار جہان رفتگاں ہے
اک درد کی رات درمیاں ہے

آنکھیں ہیں کہ رہ گزار سیلاب
اور دل ہے کہ ڈوبتا مکاں ہے

اچھا ہے کہ صرف عشق کیجے
یہ عمر تو یوں بھی رائیگاں ہے

کس یاد کی چاندنی ہے دل میں
اک لہر سی خون میں رواں ہے

یاد آیا وہاں گرے تھے آنسو
اب سبزہ و گل جہاں جہاں ہے

ہر لحظہ بدل رہی ہے دنیا
اے حسن ثبات تو کہاں ہے

دکھ جھیلو تو جی کڑا ہی رکھنا
دل ہے تو حساب دوستاں ہے

(توصیف تبسم)

 

[عباد اللہ]

گزشتگانِ محبت کے خواب لکھنے کو
ابھی تو میں ہوں مگر بعد ازاں کوئی نہیں ہے
افتخار عارف

 

[عباد اللہ]

ہوسِ لقمۂ تر کھا گئی لہجے کا جلال
اب کسی حرف کو حرمت نہیں ملنے والی
افتخار عارف