آپ کے پسندیدہ اشعار!

[ایمن چودھری]

ترا ملنا بہت ضروری ہے
بجھتے جاتے ہیں خد و خالِ فراق

حیدر گیلانی

 

[La Alma]

میں وہ آذر ہوں جسے برسوں رہی اپنی تلاش
خود ہی مورت بن کے پوشیدہ ہر اک پتھر میں ہوں

 

[ایمن چودھری]

.
ہمارا سِلسلہ ۔۔۔۔۔۔۔۔۔۔ طائف سے نینوا تک ہے
یہ کربلائے محمد ۔۔۔۔۔۔۔۔۔ وہ کربلائے حُسین
اُنھیں بتانا ۔۔۔۔۔۔ کہ عبّاس ۔۔۔۔۔۔۔ نام ہے میرا
مزید پوچھیں تو کہنا وہی گدائے حُسین !
_________
(عبّاس تابِش)

 

[محمد عدنان اکبری نقیبی]

جسے آپ گنتے تھے آشنا ، جسے آپ کہتے تھے باوفا
میں وہی ہوں مومنِ مبتلا ، تمہیں یاد ہو کہ نہ یاد ہو۔
مومن​

 

[محمد وارث]

گھر ہمارا جو نہ روتے بھی تو ویراں ہوتا
بحر گر بحر نہ ہوتا تو بیاباں ہوتا
غالب

 

[فہد اشرف]

جن کا دیں پیروئ کذب و ریا ہے ان کو
ہمت کفر ملے جرأت تحقیق ملے
جن کے سر منتظر تیغ جفا ہیں ان کو
دست قاتل کو جھٹک دینے کی توفیق ملے
فیض احمد فیض

 

[عائشہ صدیقہ]

پھول کاڑھے پھر انکو پانی دیا
میں نے تکیے پہ باغبانی کی

کس قدر پر سکون ہے۔ ۔ دریا
یار تصویر کھینچ پانی۔۔۔ کی

چند مشکل سے لفظ بولے اور
گاؤں والوں پہ حکمرانی کی

 

[سید عمران]

کیا زمانے نے ستم رکھا روا
جائے بلبل زاغ بیٹھے پھول پھول

 

[لاریب مرزا]

بُتوں سے تجھ کو امیدیں، خدا سے نومیدی
مجھے بتا تو سہی اور کافری کیا ہے!

علامہ محمد اقبال

 

[محمد وارث]

غرَض کفر سے کچھ، نہ دیں سے ہے مطلب
تماشائے دیر و حرم دیکھتے ہیں
سودا

 

[عبد الرحمٰن]

یادوں کی جڑیں پھوٹ ہی پڑتی ہے کہیں سے۔
سائیں دل سوکھ تو جاتا ہے مگر بنجر نہیں ہوتا۔

 

[عبد الرحمٰن]

کبھی چل پڑے تری راہ میں تو حدِ جنوں سے گزر گئے
ترے انتظار میں ہو گئے کبھی نقشِ راہ گزار ہم

 

[عبد الرحمٰن]

کبھی چل پڑے تری راہ میں تو حدِ جنوں سے گزر گئے
ترے انتظار میں ہو گئے کبھی نقشِ راہ گزار ہم

پورا کلام اردو محفل پر
کبھی نغمہُ غمِ آرزو، کبھی زندگی کی پکار ہم

 

[usman.5557]

تو مجھے ڈھونڈ میں تجھے ڈھونڈوں

کوئی ہم میں سے رہ گیا ہے کہیں

 

[فرقان احمد]

اُس آخری نظر میں عجب درد تھا منیر!
جانے کا اُس کے رنج مجھے عمر بھر رہا

 

[عبد الرحمٰن]

دل تا جگر کہ ساحلِ دریائے خوں ہے اب
اس رہگزر میں جلوۂ گُل، آگے گرد تھا
غالب

خوب

ہر رگِ خوں میں پھر چراغاں ہو
سامنے پھر وہ بے نقاب آئے
فیض احمد فیض

لاجواب

رہی نہ طاقتِ گُفتار اور اگر ہو بھی
تو کس اُمید پہ کہیے کہ آرزو کیا ہے
غالب

اعلی انتخاب غالب کا جنون

جب دہر کے غم سے اماں ملی، ہم لوگوں نے عشق ایجاد کیا
کبھی شہرِ بُتاں میں خراب پھرے، کبھی دشتِ جُنوں آباد کیا

ابن انشا

فیورٹ

 

[ایمن چودھری]

آ کہ میں دیکھ لوں کھویا ہوا چہرہ اپنا
مجھ سے چھپ کر مری تصویر بنانے والے
۔
اختر سعید خان

 

[عبد الرحمٰن]

غم شبیر سے سینہ ہو یہاں تک لبریز
کہ رہیں خون جگر سے میری آنکھیں رنگیں
مرزا غالب

 

[محمد وارث]

کچھ اس انداز سے چھیڑا تھا میں نے نغمۂ رنگیں
کہ فرطِ ذوق سے جھومی ہے شاخِ آشیاں برسوں
اصغر گونڈوی

 

[عبد الرحمٰن]

کچھ اس انداز سے چھیڑا تھا میں نے نغمۂ رنگیں
کہ فرطِ ذوق سے جھومی ہے شاخِ آشیاں برسوں
اصغر گونڈوی

صبح صبح ہی ظالم انتخاب اب یہ دن کیسے گزرے گا