آپ کے پسندیدہ اشعار!

[فرحان محمد خان]

یہ نازِ حسن ہے یا امتحانِ عشقِ اے دوست
کہ تیرے ساتھ رہوں اور تجھ کو پا نہ سکوں
رئیس امروہوی

 

[فہد اشرف]

ماتم کی انجمن ہو کہ بزمِ نشاط ہو
شامل ہیں اک ادائے کنارہ کشی سے ہم
فراق گورکھپوری

 

[عینی مروت]

دکھ اوڑھتےنہیں کبھی جشن طرب میں ہم
ملبوس دل کو تن کا لبادہ نہیں کیا

پروین شاکر

 

[عبد الرحمٰن]

میں نہیں مانتا کاغذ پہ لکھا شجرہ ء نسب
بات کرنے سے قبیلے کا پتا چلتا ہے

 

[La Alma]

اس بار کوزہ گر کی توجہ تھی اور سمت
ورنہ ہماری خاک سے کیا کیا نہیں بنا

 

[فہد اشرف]

کہیں کسی کے بدن سے بدن نہ چھو جائے
اِس احتیاط میں خواہش کا ڈھنگ سا کچھ ہے
عرفان صدیقی

 

[فرحان محمد خان]

فرصت کا وقت ڈھونڈ کے ملنا کبھی اجل
تجھ کو بھی کام ہے ابھی مجھ کو بھی کام ہے
عبد الحمید عدم

 

[عبد الرحمٰن]

نزاکت اس گل رعنا کی دیکھیو انشاؔ
نسیم صبح جو چھو جائے رنگ ہو میلا

 

[محمد وارث]

نطق کا ساتھ نہیں دیتا ذہن
شُکر کرتا ہوُں، گِلہ لگتا ہے
احمد ندیم قاسمی

 

[عبد الرحمٰن]

عجب مٹی سے بنا ہے خمیر میرا
میں کچھ دن آباد رہ کر اجڑ جاتا ہوں

 

[فرحان محمد خان]

مرے قریب نہ آ اے بہشتِ بے خبری !
خود آگہی کی جہنم میں جل رہا ہوں میں
رئیس امروہوی

 

[عینی مروت]

ہم تِرے لُطف سے نادم ہیں کہ اکثر اوقات
دِل کِسی اور کی باتوں سے دُکھا ہوتا ہے

فراز

 

[لاریب مرزا]

پھونکا ہے کس نے گوشِ محبت میں اے خدا
افسونِ انتظار، تمنا کہیں جسے

(مرزا اسد اللہ خان غالب)

 

[محمد وارث]

کسی طرح تو جمے بزم میکدے والو
نہیں جو بادہ و ساغر تو ہاؤ ہُو ہی سہی
فیض

 

[محمد عدنان اکبری نقیبی]

عشق ہوتا نہیں اترتا ہے
غار دل پر کسی وحی کی طرح۔

 

[محمد وارث]

عارفاں پر ہمیشہ روشن ہے
کہ فنِ عاشقی عجب فن ہے
ولی دکنی

 

[لاریب مرزا]

میں جو کہتا ہوں کہ ہم لیں گے قیامت میں تمہیں
کس رعونت سے وہ کہتے ہیں کہ "ہم حور نہیں"

(مرزا غالب)

 

[کاشفی]

وہ چاند ہے تو عکس بھی پانی میں آئے گا
کردار خود ابھر کے کہانی میں آئے گا
(اقبال ساجد)

 

[محمد عدنان اکبری نقیبی]

رونے لگتا ہوں محبت میں تو کہتا ہے کوئی
کیا ترے اشکوں سے یہ جنگل ہرا ہو جائے گا
احمد مشتاق

 

[محمد عدنان اکبری نقیبی]

اب تو اس کے بارے میں تم جو چاہو وہ کہہ ڈالو
وہ انگڑائی میرے کمرے تک تو بڑی روحانی تھی
جون ایلیا