آپ کے پسندیدہ اشعار!

[طاہر راجپوت ملتان]

صفائے دل تجھے حاصل ہو اس دم اے غافل
سنان غم سے چھدے جب جگر گہر کی طرح
ارشد علی خاں قلقؔ

✍

 

[طاہر راجپوت ملتان]

کر دیا دل نے ہمیں مورد الزام عبث
وہ ہمارے نہ ہوے ہم ہوے بدنام عبث

ارشد علی خاں قلقؔ
✍

 

[طاہر راجپوت ملتان]

بیگناہی نے پس قتل اثر دکھلایا
ذبح کر کے مجھے رویا مرا جلاد بہت

ارشد علی خاں قلقؔ
✍

 

[طاہر راجپوت ملتان]

کلمہ پڑھے حضور کا دیکھے جو سامری
رکھتے ہیں ایسے سحر کی چشم و نگاہ آپ

ارشد علی خاں قلقؔ

✍

 

[طاہر راجپوت ملتان]

صدمہ جو ہم کو ہجر بتاں کا نصیب
دشمن کو بھی نہ یہ رنج ہو اے خدا نصیب

ارشد علی خاں قلقؔ
✍

 

[طاہر راجپوت ملتان]

چلتے ہیں پی کے شوق سوں عشاق دن رات
ہے دل میں بلبلاں کے شب و روز داغ گل

ولی محمد ولیؔ
دکن ✍

 

[طاہر راجپوت ملتان]

تیرے نین کی تیغ سوں ظاہر ہے رنگ خون
کس کوں کیا ہے قتل اے بانکے پٹھان آج

ولی محمد ولیؔ
دکن
✍

 

[طاہر راجپوت ملتان]

نشہ بخشی میں مے سوں بہتر ہے
تجھ لباں کی مفترح یاقوت

ولی محمد ولیؔ
دکن
✍

 

[طاہر راجپوت ملتان]

عالم کا ہوش کیونکہ رہیگا عجب ہوں میں
چوتا ہے اس کے نین سوں رنگ شراب آج

ولی محمد ولیؔ
دکن
✍

 

[طاہر راجپوت ملتان]

خمار حشر سوں کیا غم ہے مے پرستاں کوں
لکھی جو قبر کے تعویذ پر دعاے قدح

ولی محمد ولیؔ
دکن
✍

 

[محمد وارث]

چلے بہشت سے ہم نکہتِ بہار کے ساتھ
شکست کھائی ہے لیکن بڑے وقار کے ساتھ
احمد ندیم قاسمی

 

[کاشفی]

وہ کسی کو یاد کر کے مسکرایا تھا ادھر
اور میں نادان یہ سمجھا کہ وہ میرا ہوا
(اقبال اشہر)

 

[محمد وارث]

اُن لبوں نے نہ کی مسیحائی
ہم نے سَو سَو طرح سے مر دیکھا
میر درد

 

[کاشفی]

میں تو برباد ہو گیا ہوں مگر
اب کسی کو نہ آسرا دینا
شاعر: مجھے معلوم نہیں

 

[کاشفی]

دشمنی جم کر کرو لیکن یہ گنجائش رہے
جب کبھی ہم دوست ہو جائیں تو شرمندہ نہ ہوں
(بشیر بدر)

 

[پیارے جی]

یاد میری سنبهال کر رکهنا
میرا کیا میں رہا رہا نہ رہا

نشاط شاہدوی

 

[محمد وارث]

ضعف آتا ہے، دل کو تھام تو لو
بولیو مت، مگر سلام تو لو
انشاء اللہ خان انشاء

 

[طاہر راجپوت ملتان]

علاج عشق سے اے چارہ گر تکلیف بڑھتی ہے
مرے حق میں دوائیں بھی قیامت ہیں قیامت ہیں

نوحؔ ناروی

 

[طاہر راجپوت ملتان]

دوست گر کوئی نہیں ہے جو کرے چارہ گری
نہ سہی لیک تمناے دوا ہے تو سہی

مرزا غالبؔ

 

[طاہر راجپوت ملتان]

خضر و مسیح سب کو جیتے ہی موت آئی
اور اس مرض کا کوئی اب چارہ گر کہاں ہے

خدائے سخن
میر تقی میرؔ