آپ کے پسندیدہ اشعار!

[کاشفی]

اگر تمہاری انا ہی کا ہے سوال تو پھر
چلو میں ہاتھ بڑھاتا ہوں دوستی کے لیے
(احمد فراز)

 

[sani moradabadi]

خشت پشت دست عجز و قالب آغوش وداع
پر ہوا ہے سیل سے پیمانہ کس تعمیر کا
(غالب)

 

[فرحان محمد خان]

گو واں نہیں، پہ واں کے نکالے ہوئے تو ہیں
کعبے سے اِن بتوں کو بھی نسبت ہے دور کی
مرزا غالب

 

[فرقان احمد]

حیرت غرورِ حسن سے ، شوخی سے اضطراب
دل نے بھی تیرے سیکھ لئے ہیں چلن تمام

حسرت موہانی

 

[زارا آریان]

یا ربّ نہ پوچھ عرصہء محشر میں رازِ دل
کرتا ہوں میں حجاب کی باتیں حجاب میں

داغؔ دہلوی ( نواب مرزا خان )
دہلی | ۱۸۳۱ – ۱۹۰۵

 

[زارا آریان]

عبرت دہِ ہے یا عبرت گہِ یا عبرت کدہِ؟

عبرت دہِ ہے یا عبرت گہِ یا عبرت کدہِ؟

عبرت دہِ ..... امداد امام اثر کے دیوان سے ہی لکھا ہے یہ شعر

 

[زارا آریان]

عبرت دہِ ہے یا عبرت گہِ یا عبرت کدہِ؟

عبرت دہِ .....

 

[فہد اشرف]

عبرت دہِ طوفانِ نوح..... امداد امام اثر کے دیوان سے ہی لکھا ہے یہ شعر

محمد وارث بھائی کیا معنی ہوں گے اس کے؟ اگر دہ دادن کا صیغۂ امر ہے تو اس کے ساتھ کسرۂ اضافت صحیح نہیں لگ رہا۔

 

[زارا آریان]

کیا معنی ہوں گے اس کے؟ اگر دہ کا دادن صیغۂ امر ہے ہے تو اس کے ساتھ کسرۂ اضافت صحیح نہیں لگ رہا۔

ایسا دیوان میں ہی لکھا ہے

 

[زارا آریان]

دیوان امداد امام اثر ..... غزل نمبر ۲۱

ایسا دیوان میں ہی لکھا ہے

 

[زارا آریان]

دیوان امداد امام اثر ..... غزل نمبر ۲۱

عبرت دہِ ہے یا عبرت گہِ یا عبرت کدہِ؟

دیوان اثر
ترتیب و تدوین سرور الہدیٰ
غالب انسٹی ٹیوٹ نئی دہلی
غزل نمبر ۲۱
صفحہ نمبر ۱۰۵

اس میں آپ دیکھ سکتے ہیں.

 

[فہد اشرف]

دیوان اثر
ترتیب و تدوین سرور الہدیٰ
غالب انسٹی ٹیوٹ نئی دہلی
غزل نمبر ۲۱
صفحہ نمبر ۱۰۵

اس میں آپ دیکھ سکتے ہیں.

میرے پاس کتاب نہیں ہے کہ میں دیکھوں لیکن مجھے یقین ہے کہ جیسا آپ نے لکھا ہے کتاب میں ویسا ہی ہوگا۔ مجھے بس اس لفظ کا معنی جاننا ہے، میں نے وارث بھائی کو ٹیگ کیا ہے ممکن ہے وہ بتا سکیں۔

 

[حسان خان]

محمد وارث بھائی کیا معنی ہوں گے اس کے؟ اگر دہ دادن کا صیغۂ امر ہے تو اس کے ساتھ کسرۂ اضافت صحیح نہیں لگ رہا۔

موردِ گفتگو بیت میں کسرۂ اضافہ کا استعمال درست ہے۔ عبرت دهِ طوفانِ نوح کا مفہوم ہے: وہ چیز جو طوفانِ نوح کے لیے مایۂ عبرت ہو۔۔۔ یعنی شاعر اِغراق کرتے ہوئے کہہ رہا ہے کہ جب میری تر دامنی طوفانِ نوح کو درسِ عبرت دیتی ہے، تو پھر ایک معمولی دامنِ ساحل میرے دامن کے مساوی کیسے ہو سکتا ہے؟ وہ تو میرے دامن کے مقابلے میں ہیچ ہے۔

 

[فہد اشرف]

موردِ گفتگو بیت میں کسرۂ اضافہ کا استعمال درست ہے۔ عبرت دهِ طوفانِ نوح کا مفہوم ہے: وہ چیز جو طوفانِ نوح کے لیے مایۂ عبرت ہو۔۔۔ یعنی شاعر اِغراق کرتے ہوئے کہہ رہا ہے کہ جب میری تر دامنی طوفانِ نوح کو درسِ عبرت دیتی ہے، تو پھر ایک معمولی دامنِ ساحل میرے دامن کے مساوی کیسے ہو سکتا ہے؟ وہ تو میرے دامن کے مقابلے میں ہیچ ہے۔

بہت شکریہ حسان صاحب۔ اللہ آپ کے علم میں برکت عطا فرمائے

 

[حسان خان]

اگر دہ دادن کا صیغۂ امر ہے

'عبرت دِہ' کی ترکیب میں 'دِہ' دادن کے امر کے طور پر استعمال نہیں ہوا، بلکہ 'دِہندہ' یا 'دینے والا' کے مفہوم میں استعمال ہوا ہے۔ ایسی چند مزید مثالیں دیکھیے:
فرمان دِہ/فرماندِہ = فرمان دینے والا
رنج دِہ = رنج دینے والا
روزی دِہ = روزی دینے والا
یاری دِہ = یاری دینے والا (مدد کرنے والا)

 

[فرحان محمد خان]

میں بندہ بشر کاہے کو ہلکان ہوا جاؤں
پوری تو فرشتوں سے نہ ہوں تیری امیدیں
راحیلؔ فاروق

 

[فہد اشرف]

بڑھ جا تو مجھ کو روند کر منزل نو کی لے خبر
تیرا عروج ہے محال میرے زوال کے بغیر
کمار پاشی

 

[محمد وارث]

محمد وارث بھائی کیا معنی ہوں گے اس کے؟ اگر دہ دادن کا صیغۂ امر ہے تو اس کے ساتھ کسرۂ اضافت صحیح نہیں لگ رہا۔

آپ کی فارسی میں بڑھتی ہوئی استعداد قابلِ داد ہے!

 

[فہد اشرف]

آپ کی فارسی میں بڑھتی ہوئی استعداد قابلِ داد ہے!

یہ آپ اور حسان بھائی کے علمی مراسلوں کے طفیل ہے۔

 

[اک اداس مسافر]

ٹپک اے شمع آنسو بن کے پروانے کی آنکھوں سے
سراپاء درد ھوں حسرت بھری ھے داستاں میری

مرا رونا نہیں رونا ھے یہ سارے گلستاں کا
وہ گل ھوں خزاں ہر گل کی ھے گویا خزاں میری