آپ کے پسندیدہ اشعار!

[لاریب مرزا]

کِیا غم خوار نے رسوا، لگے آگ اس محبّت کو
نہ لاوے تاب جو غم کی، وہ میرا راز داں کیوں ہو

غالب

 

[showbee]

غلط راستے پر چلی جا رہی ہے
ذرہ بڑھ کے دنیا کو آواز دینا

جون ایلیا

 

[محمد عدنان اکبری نقیبی]

دنیا تیرے وجود کو کرتی رہی تلاش
ہم نے تیرے خیال کو دنیا بنا لیا
نامعلوم

 

[سردار محمد نعیم]

درد ہو دل میں تو دوا کیجیے
دل ہی جب درد ہو تو کیا کیجیے
غالب

 

[محمد وارث]

درد ہو دل میں تو دوا کیجے
دل ہی جب درد ہو تو کیا کیجے
غالب

 

[فرقان احمد]

داغِ فراق وحسرتِ وصل آرزوئے شوق!
میں ساتھ زیرِ خاک بھی ، ہنگامہ لے گیا

میر تقی میر

 

[فہد اشرف]

پھر بہار آئی وہی دشت نوردی ہوگی
پھر وہی پاؤں وہی خارِ مغیلاں ہوں گے
مومن

 

[زارا آریان]

اک منزلِ بے نام نہ حسرت نہ تماشا
اک عالمِ حیرت کہ نہ غم ہے نہ خوشی ہے

جگر مرادآبادی ( علی سکندر )
مرادآباد | ۱۸۹۰ – ۱۹۶۱

 

[زارا آریان]

گناہ میرے سمائیں تو سمائیں کیا تعجب ہے
سُنا تو ہے کہ ہے وسعت بہت محشر کے میداں میں

مرزا محمد امیرالملک احقر
دیوانِ احقر ۱۹۱۹

 

[سردار محمد نعیم]

جو نِگاہ کی تھی ظالم، تو پِھر آنکھ کیوں چُرائی
وہی تیر کیوں نہ مارا ، جو جِگر کے پار ہوتا

حضرت ﺍﻣﯿﺮؔ احمد ﻣﯿﻨﺎﺋﯽؒ

 

[فرقان احمد]

دیکھ کر جو ہمیں چپ چاپ گزر جاتا ہے
کبھی اس شخص کو ہم پیار کیا کرتے تھے

ناصر کاظمی

 

[فرقان احمد]

سر گشتگی میں عالمِ ہستی سے یاس ہے
تسکیں کو دے نوید، کہ مرنے کی آس ہے

اسد الله خاں غالب

 

[فرقان احمد]

نہ کوئی قیس گلی میں ، نہ بام پر لیلیٰ
ہجُوم کِس لیے پتّھر اُٹھائے پھرتا ہے

مشتاق عاجز

 

[فہد اشرف]

اس شہر میں اک آہوئے خوش چشم سے ہم کو
کم کم ہی سہی نسبت پیمانہ رہی ہے
مخدوم محی الدین

 

[فہد اشرف]

دل اس کا ہتھیلی پہ ہے میرے لیے لیکن
ہاتھوں میں مرے دستِ حنائی نہیں دیتا
سید امین اشرف

 

[زارا آریان]

نہیں گھٹا عبادت کا ترے ماتھے پہ اے زاہد
نشاں ہے یہ کسی محبوب بے پرواہ کی چوکھٹ کا

نظیر اکبرآبادی ( سید ولی محمد )
دہلی | ۱۷۳۵ – ۱۸۳۰
کُلیاتِ نظیر، سال - ۲۰۰۳ ناشر کتابی دنیا دہلی

 

[زارا آریان]

نظر جب دل پہ کی دیکھا تو مسجودِ خلائق ہے
کوئی کعبہ سمجھتا ہے کوئی سمجھے ہے بُت خانہ

خواجہ میر دردؔ ( خواجہ میر )
دہلی | ۱۷۲۱ – ۱۷۸۵

 

[فرقان احمد]

ایک تم ہی نہ مِل سکے ورنہ
ملنے والے بچھڑ بچھڑ کے ملے!

شاعر: نامعلوم

 

[محمد عدنان اکبری نقیبی]

ہاتھوں کی لکیریں بھی کتنی عجیب ہیں
کمبخت مٹھی میں ہیں مگر قابو میں نہیں
لاعلم

 

[فرقان احمد]

ہاتھوں کی لکیریں بھی کتنی عجیب ہیں
کمبخت مٹھی میں ہیں مگر قابو میں نہیں
لاعلم

لاعلم امکانی طور پر شاعر کا تخلص ہو گا!