آپ کے پسندیدہ اشعار!

[کاشفی]

دل پاگل ہے روز نئی نادانی کرتا ہے
آگ میں آگ ملاتا ہے پھر پانی کرتا ہے
(افتخار عارف)

 

[کاشفی]

بھلا ہوا کہ کوئی اور مل گیا تم سا
وگرنہ ہم بھی کسی دن تمہیں بھلا دیتے
(خلیل الرحمن اعظمی)

 

[کاشفی]

ایک وہ ہیں کہ جنہیں اپنی خوشی لے ڈوبی
ایک ہم ہیں کہ جنہیں غم نے ابھرنے نہ دیا
(آزاد گلاٹی)

 

[فہد اشرف]

کیوں تابِ دید حضرت موسیٰ نہ لا سکے
کیا پہلوئے عدو کی طرح کوہِ طور تھا
مولانا محمد علی جوہر

 

[فہد اشرف]

ہم دوزخ احساس میں جلتے ہی رہیں گے
یہ فکر کا حاصل ہے بصیرت کی سزا ہے
سید احمد شمیم

 

[ہادیہ]

خواہش دید لے کے آئے تھے
حسرتِ انتظار لے کے چلے

سامنے اس کے ایک بھی نہ چلی
دل میں باتیں ہزار لے کے چلے
(نوشاد علی)

 

[ہادیہ]

اے دوست ہم نے ترک محبت کے باوجود
محسوس کی ہے تیری ضرورت کبھی کبھی
(ناصر کاظمی)

 

[ہادیہ]

بھلائے کب بھولتی ہیں
من کی مٹی میں دفن یادیں!!

 

[ہادیہ]

دید کی جھولی کہیں خالی نہ رہ جائے عدؔیم
ہم نے آنکھوں میں تیرے جانے کا منظر رکھ لیا

 

[ہادیہ]

ایسے تری لکھی ہوئی تحریر کھو گئی
جیسے جبیں کی لوح سے تقدیر کھو گئی

پلکوں پہ آنسوؤں کے دئیے ڈھونڈتے رہے
آنکھوں سے پھر بھی خواب کی تعبیر کھو گئی
(عدیم ہاشمی)

 

[فرقان احمد]

یہ تنہا رات، یہ گہری فضائیں
اُسے ڈھونڈیں، کہ اُس کو بُھول جائیں

خیالوں کی گھنی خاموشیوں میں !
گھُلی جاتی ہیں لفظوں کی صدائیں

یہ رستے رہرووں سے بھاگتے ہیں
یہاں چُھپ چُھپ کے چلتی ہیں ہوائیں

یہ پانی خامشی سے بہہ رہا ہے
اِسے دیکھیں، کہ اِس میں ڈُوب جائیں

جو غم جلتے ہیں شعروں کی چتا میں
اُنہیں، پھر اپنے سینے سے لگائیں

چلو ایسا مکاں آباد کر لیں !
جہاں لوگوں کی آوازیں نہ آئیں

احمد مشتاق

 

[فرحان محمد خان]

جنوں کے خوف سے ہم نے پناہِ عقل ڈھونڈی تھی
مگر پھر عقل ہی نے ہم کو دیوانہ بنا ڈالا!
نجمی

 

[محمد عدنان اکبری نقیبی]

انگلیاں تار گربیاں میں الجھ جاتی ہیں
سخت دشوار ہے ہاتھوں سے دبانا دل کا
داغ دہلوی

 

[فرقان احمد]

اب مجھے کوئی دِلائے نہ محبّت کا یقیں!
جو مجھے بُھول نہ سکتے تھے، وہی بھول گئے!

جون ایلیا

 

[فرقان احمد]

اِس شہرِ بے چراغ میں جائے گی تو کہاں
آ، اے شبِ فراق! تجھے گھر ہی لے چلیں

ناصر کاظمی

 

[فرقان احمد]

گر خامشی سے فائدہ اخفائے حال ہے
خوش ہُوں، کہ میری بات سمجھنی محال ہے
مرزا غالب

 

[فرحان محمد خان]

اے مجھے صبر سکھانے والے
کیا کبھی تو نے محبت کی ہے؟
راحیل فاروق

 

[فرقان احمد]

ہم مسافر یونہی مصروفِ سفر جائیں گے
بے نِشاں ہو گئے جب شہر تو گھر جائیں گے

کس قدر ہو گا یہاں مہر و وفا کا ماتم
ہم تری یاد سے جس روز اُتر جائیں گے

فیض احمد فیض

 

[محمد وارث]

تنہا ترے ماتم میں نہیں شام سیہ پوش
رہتا ہے سدا چاک گریبانِ سحر بھی
سودا

 

[فرقان احمد]

گریہ تو قائمؔ تھما، مژگاں ابھی ہوں گے نہ خشک
دیر تک ٹپکیں گے، باراں کے شجر بھیگے ہوئے!!!

شاعر: قائم چاندپوری