آپ کے پسندیدہ اشعار!

[محمد عدنان اکبری نقیبی]

ہم ہیں اس کے خیال کی تصویر
جس کی تصویر ہے خیال اپنا
فانی بدایونی

 

[محمد وارث]

ایک فقط ہے سادگی، تس پہ بلائے جاں ہے تُو
عشوہ کرشمہ کچھ نہیں، آن نہیں ادا نہیں
میر

 

[فہد اشرف]

پِھر وہی قلبِ عِشق میں ذوقِ کلیم جاگ اُٹھا
کوند رہی ہیں بِجلیاں چشمِ نظارہ باز میں
احسان دانش

 

[محمد عدنان اکبری نقیبی]

ہاں مجھ پہ ستم بھی ہیں بہت وقت کے لیکن
کچھ وقت کی ہیں مجھ پہ عنایات وہ تم ہو

ضیاؔ جالندھری

 

[Hammad Ali]

ہوئے ہم جو مر کے رسوا ہوئے کیوں نہ غرقِ دریا
نہ کبھی جنازہ اٹھتا نہ کہیں مزار ہوتا
غالب

 

[فہد اشرف]

ہوئے ہم جو مر کے رسوا ہوئے کیوں نہ غرقِ دریا
نہ کبھی جنازہ اٹھتا نہ کہیں مزار ہوتا
غالب

ہوئے مر کے ہم جو رسوا، ہوئے کیوں نہ غرق دریا؟

 

[فرقان احمد]

پھر دمِ دِید رہے چشم ونظر دِید طلب
پھر شبِ وصل مُلاقات نہ ہونے پائی

فیض احمد فیض

 

[سین خے]

گہر سمجھا تھا لیکن سنگ نکلا
کسی کا ظرف کتنا تنگ نکلا

اقبال کیفی

 

[محمد امجد نذیر الہ آبادی]

پھول کاڑھے پھر انکو پانی دیا
میں نے تکیے پہ باغبانی کی

کس قدر پر سکون ہے۔ ۔ دریا
یار تصویر کھینچ پانی۔۔۔ کی

چند مشکل سے لفظ بولے اور
گاؤں والوں پہ حکمرانی کی

بہت شکریہ انتخاب کرنے کا۔ یہ اشعار میرے ہیں

 

[محمد وارث]

ہم بھی سوچیں گے دعائے بے اثر کے باب میں
اِک نظر تو بھی تضادِ منبر و محراب دیکھ
افتخار عارف

 

[کاشفی]

ایک اک بات میں سچائی ہے اس کی لیکن
اپنے وعدوں سے مکر جانے کو جی چاہتا ہے
(کفیل آزر امروہوی)

 

[فرقان احمد]

خالد ! وہ تھکن تھی کہ تہِ سایۂ مِژگاں
دیوارِ خمِیدہ کی طرح ، بیٹھ گیا میں!

خالد احمد

 

[سید عاطف علی]

زنداں میں بھی شورش نہ گئی اپنے جنوں کی
اب سنگ مداوا ہے اس آشفتہ سری کا۔۔۔
میر تقی میر۔

 

[سید عاطف علی]

بسا لینا کسی کو دل میں ،،، دل ہی کا کلیجہ ہے
پہاڑوں کو تو بس آتا ہے جل کر طور ہو جانا
مولانا تقی عثمانی ۔

 

[محمد وارث]

پُتلیاں گرمیٔ نظّارہ سے جل جاتی ہیں
آنکھ کی خیر میاں رونقِ بازار پہ خاک
عرفان صدیقی

 

[فہد اشرف]

تعزیر جرم عشق ہے بے صرفہ محتسب
بڑھتا ہے اور ذوقِ گنہ یاں سزا کے بعد
حالی

 

[لاریب مرزا]

اب تو جاتے ہیں بت کدے سے میرؔ
پھر ملیں گے اگر خدا لایا

(میر تقی میر)

 

[وقار..]

ہر اک مکاں کو ہے مکین سے شرف اسد
مجنو ں جو مر گیا ہے تو جنگل اداس ہے

 

[محمد وارث]

ہر اک مکاں کو ہے مکین سے شرف اسد
مجنو ں جو مر گیا ہے تو جنگل اداس ہے

ہر اک مکان کو ہے مکیں سے شرف اسد!

 

[سید عاطف علی]

مت عبادت پہ پھولیو زاہد
سب طفیل ِگناہ آدم ہے
درد