آپ کے پسندیدہ اشعار!

[رباب واسطی]

وضع میں تم ہو نصاریٌ تو تمدن میں ھنود!
یہ مسلماں ہیں جنہیں دیکھ کر شرمائیں یہود

اقبالؒ

 

[زیرک]

رہ گئی رسمِ اذاں، روحِ بلالی نہ رہی
فلسفہ رہ گیا، تلقینِ غزالی نہ رہی
علامہ محمد اقبالؒ

 

[زیرک]

اے مردۂ صد سالہ! تجھے کیا نہیں معلوم
ہر موت کا پوشیدہ تقاضا ہے قیامت
علامہ محمد اقبالؒ

 

[زیرک]

ہو روح پھر اک بار سوار بدن زار
ایسی ہے قیامت تو خریدار نہیں میں
علامہ محمد اقبالؒ

 

[کامران عاشر]

سنسنی خیز اسے اور کوئی شئے نہ ملی
میری تصویر سے وہ شام کا اخبار چلا

اطہر زیدی

 

[زیرک]

اللہ سے کرے دور تو تعلیم بھی فِتنہ
اِملاک بھی اولاد بھی، جاگیر بھی فتنہ
ناحق کے لیے اٹھے تو شمشیر بھی فتنہ
شمشیر ہی کیا، نعرۂ تکبیر بھی فتنہ
علامہ محمد اقبالؒ

 

[زیرک]

مریدِ سادہ تو رو رو کے ہو گیا تائب
خدا کرے کہ ملے شیخ کو بھی یہ توفیق
علامہ محمد اقبالؒ

 

[زیرک]

سودا گری نہیں، یہ عبادت خدا کی ہے
اے بے خبر جزا کی تمنا بھی چھوڑ دے
علامہ محمد اقبالؒ

 

[زیرک]

سجدوں کے عِوض فردوس ملے یہ بات مجھے منظور نہیں
بے لوث عبادت کرتا ہوں، بندہ ہوں ترا، مزدور نہیں
علامہ محمد اقبالؒ

 

[رباب واسطی]

چہروں پہ جم گئی تھیں خیالوں کی الجھنیں
لفظوں کی جستجو میں کوئی بولتا نہ تھا

 

[زیرک]

حالات کی اک ضرب نے صورت ہی بدل دی
مجھ سے مِری تصویر ذرا بھی نہیں ملتی

 

[زیرک]

پردیسیوں کا نوحہ
وطن نصیب کہاں اپنی قسمتیں ہوں گی
جہاں بھی جائیں گے ہم ساتھ ہجرتیں ہوں گی
منظر بھوپالی

 

[زیرک]

بہت اداس لگی ریت خشک ہوتے ہوئے
پھر ایک لہر نے آ کر کنارہ تازہ کیا
خرم آفاق

 

[عثمان شوکت]

کون دے گا سکون آنکهوں کو
کس کو دیکهوں کہ نیند آجائے

جون ایلیاء

 

[رباب واسطی]

تغافل بے نیازی کا گلا کافی نہیں ہے
مرا رستہ ہی روکو اب صدا کافی نہیں ہے

 

[رباب واسطی]

تم نے سچ بولنے کی جرأت کی
یہ بھی توہین ہے عدالت کی

سلیم کوثرؔ

 

[رباب واسطی]

چہرہ کھلی کتاب ہے عنوان جو بھی دو
جس رخ سے بھی پڑھو گے مجھے جان جاؤ گے

 

[رباب واسطی]

ملی نصیب سے , بچھڑی تھی بد نصیبی سے
نصیب اس کا تھا اور بد نصیبی میری تھی

قمر زیدی

 

[زیرک]

وحشت بام و در کہتی ہے ''اور بلائیں آئیں گی''
اب جو بلائیں آئیں تو لوگو رن ہوگا بے حد و حساب

 

[زیرک]

آنسوؤں نے غم کو عریاں کر دیا ہوتا مگر
دل کی غیرت نے تبسم کو لبادہ کر لیا