آپ کے پسندیدہ اشعار!

[زیرک]

چیخ سنی، دروازوں کی؟
جیسے 'مت جا' کہتے ہوں

 

[زیرک]

وہ درد بھری چیخ میں بھولا نہیں اب تک
کہتا تھا کوئی بُت، ''مجھے پتھر سے نکالو''

 

[زیرک]

مصروف زندگی میں تری یاد کے سوا
آتا نہیں ہے کوئی، میرا درد بانٹنے

 

[زیرک]

ملنا ہے تو آ جیت لے میدان میں ہم کو
ہم اپنے قبیلے سے بغاوت نہیں کرتے
نسیم نکہت

 

[زیرک]

حد سے بڑھنے لگیں کم ظرف تو چپ کیا رہنا
بزدلی لگنے لگے، ایسی شرافت بھی نہ ہو
نسیم نکہت

 

[زیرک]

بنا ہوا ہوں میں مجرم بغیر جرم کیے
اب اور کیا مرا منصف مجھے سزا دے گا
افتخار نسیم

 

[محمد عدنان اکبری نقیبی]

چبھن یہ پیٹھ میں کیسی ہے مڑ کے دیکھ تو لے
کہیں کوئی تجھے پیچھے سے دیکھتا ہوگا

شین کاف نظام

 

[زیرک]

سمجھا ہے کون وقت کی رفتار کا مزاج
لمحوں میں کٹ گئیں صدیاں شباب کی

 

[زیرک]

کوئی موسم بھی رہائی نہیں دیتا ہم کو
رُت بدلتی ہے تو زنجیر بدل جاتی ہے

 

[زیرک]

جانے کس گلی میں چھوڑ آیا ہوں
جاگتی ہوئی راتیں ہنستے ہوئے دوست

 

[زیرک]

رہیں گمنام تو بس تجھ سے ہی منسوب رہیں
جانے جائیں تو بس ترے نام سے جانے جائیں

 

[زیرک]

اس دنیائے فانی سے جو منہ موڑ گیا ہے
برسوں کے جو رشتے تھے سبھی توڑ گیا ہے
ہے کھوج فرشتوں کو کہ 'کیا ساتھ ہے لایا'
عزیزوں کو یہ کھوج کہ 'کیا چھوڑ گیا ہے'

 

[زیرک]

دشمن بھی سن کے میری عیادت کو آ گئے
جو زخم دوستوں سے ملے تھے، کمال تھے
نعیم ضرار

 

[زیرک]

اس سے اندازه لگا ہجر کی کڑواہٹ کا
آخری خط ترا دیمک سے بھی کھایا نہ گیا

 

[رباب واسطی]

ماں

چلتی پھرتی ہوئی آنکھوں سے اذاں دیکھی ہے
میں نے جنت تو نہیں دیکھی،، ماں دیکھی ہے

 

[زیرک]

ماں
چلتی پھرتی ہوئی آنکھوں سے اذاں دیکھی ہے
میں نے جنت تو نہیں دیکھی،، ماں دیکھی ہے

لاکھ گِرد اپنے حفاظت کی لکیریں کھینچو
ایک بھی ان میں نہیں ماں کی دعاؤں جیسی
بے شک ماں کی دعا ہی اللہ کے بعد سب سے بڑا سہارا ہے

 

[زیرک]

بلندی جن کی خواہش تھی چٹائی پر اتر آئے
لگائی تاج کو ٹھوکر، گدائی پر اتر آئے
جو دیکھا ماں کو تنہائی میں سوکھی روٹیاں کھاتے
تو بچے پھینک کر بستہ کمائی پر اتر آئے

 

[زیرک]

میں جب غمگین ہوتا ہوں مزاروں پر نہیں جاتا
مِرے تو واسطے یارو! مِری ہی ماں قلندر ہے
فراز شیخ

 

[زیرک]

اس نے قد کاٹھ نکالا ہے زمانے میں بہت
وہ مگر سوچ کا بونا ہے، یہی رونا ہے

 

[زیرک]

کرم والوں کی بستی میں صدائیں دیں بہت ہم نے
سبھی نے کھڑکیاں کھولیں، کسی نے در نہیں کھولا