آپ کے پسندیدہ اشعار!

[زیرک]

میں بولتا ہوں تو الزام ہے بغاوت کا
میں چپ رہوں تو بڑی بے بسی سی ہوتی ہے
بشیر بدر

 

[زیرک]

شعروں میں اب جہاد ہے، روزہ نماز ہے
اردو غزل میں جتنے تھے 'کفار'، مر گئے
اخبار ہو رہی ہے غزل کی زبان اب
اپنے شہید آٹھ، اُدھر چار مر گئے
بشیر بدر

 

[زیرک]

کیا کہوں قُرب کی یہ کون سی منزل ہے جہاں
نہ میں دیتا ہوں تجھے وقت، نہ تُو مانگتا ہے
شاہد ذکی

 

[زیرک]

میں راستہ ہوں مرا روگ یہ کہ دیکھتا ہوں
سفر بدلتے ہوئے، ہمسفر بدلتے ہوئے
شاہد ذکی

 

[زیرک]

قیمتیں گرتی ہیں معیار کے گر جانے سے
مجھ کو حیرت نہیں انسان کی ارزانی پر
شاہد ذکی

 

[محمد عدنان اکبری نقیبی]

انہیں بھی جینے کے کچھ تجربے ہوئے ہوں گے
جو کہہ رہے ہیں کہ مر جانا چاہتے ہیں ہم

والی آسی

 

[محمد عدنان اکبری نقیبی]

یہ کیا طلسم ہے کیوں رات بھر سسکتا ہوں
وہ کون ہے جو دیوں میں جلا رہا ہے مجھے

ساقی فاروقی

 

[محمد عدنان اکبری نقیبی]

تو بھی سادہ ہے کبھی چال بدلتا ہی نہیں
ہم بھی سادہ ہیں اسی چال میں آ جاتے ہیں

افضل خان

 

[زیرک]

غم کی ترتیب سلیقے سے لگا سکتا تھا
یعنی میں روز تِرا ہِجر منا سکتا تھا

 

[زیرک]

اس کے دیکھے سے نشہ، بات جو کرلے تو شفا
اپنے پلّے میں تو دارو نہ دوا کچھ بھی نہیں
عارف امام

 

[زیرک]

گھونسلہ، چھاؤں، ہرا رنگ، ثمر، کچھ بھی نہیں
دیکھ! مجھ جیسے شجر ہوتے ہیں آرے لائق

 

[زیرک]

میں روز پِلاتا ہوں اِسے زہر کا پیالہ
اِک درد جو اندر ہے وہ مرتا ہی نہیں ہے

 

[زیرک]

دست بستہ ہوں، شکستہ ہوں، بہت خستہ ہوں
لاج رکھ لیں کہ حضورﷺآپ سے وابستہ ہوں

 

[زیرک]

افسوس یہ نہیں کہ، وعدے بھلا دئیے اس نے
حیرت یہ ہے کہ وہ اب بھی صفِ معتبر میں ہے

 

[زیرک]

غیروں کو کیا پڑی ہے کہ رسوا کریں مجھے
ان سازشوں میں ہاتھ کسی آشنا کا ہے
اسعد بدایونی​

 

[زیرک]

میرے اکسانے پہ میں نے مجھے برباد کیا
میں نہیں، میرا گنہگار پڑا ہے مجھ میں
انجم سلیمی

 

[زیرک]

دیکھ بیٹھا ہوں پارساؤں کو
ہم کو یونہی خراب رہنے دو
اتباف ابرک

 

[زیرک]

شاعری، باعثِ تسکینِ دل گرفتہ ہے
ورنہ کیا رکھا ہے اس داد و پذیرائی میں

 

[زیرک]

دو اجازت! کہ جا رہا ہوں میں
تم نے باتوں میں زہر گھول دیا

 

[زیرک]

شامل ہوں کهيل ميں ترى تفريح كے لیے
بازى تو کتنى ديرسے ہارا ہوا ہوں ميں