آپ کے پسندیدہ اشعار!

[رحیض طاہر]

جی رحیض بھائی لڑی کوئی بھی ارسال کرسکتا ہے۔آپ اپنے پسندیدہ زمرے میں لڑی ارسال کرسکتے ہیں ۔

فورم کے صفحے پر جائیں اپنے پسندیدہ زمرہ کو کھولیں ایک جانب اوپر سائٹ میں لڑی ارسال کریں لکھا ہوگا اس پر کک کریں گے تو لڑی بنانے کا صفحہ کھول جائے گا ۔

شکر گزار ہوں

 

[زیرک]

یہ بھی ممکن ہے سنبھلتا نہ ہو دستار کا بوجھ
سر جھکانے کو عقیدت نہ سمجھ لیجئے گا​

 

[زیرک]

یہ غم ہے اور ملا ہے کسی کے در سے ہمیں
سو اس شجر کی بہت دیکھ بھال کرنا ہے
پروین شاکر​

 

[زیرک]

پھسلتی جاتی ہے ہاتھوں سے ریت لمحوں کی
کہاں ہے بس میں ہمارے کہ ہم اسے روکیں​

 

[زیرک]

پلکوں نے اتنی ایڑیاں رگڑیں شب فراق
زم زم تمہاری یاد کا جاری ہے آج تک​

 

[زیرک]

کڑی دھوپ کے سفر میں نہیں کچھ نصیرؔ کو غم
تیرےﷺ سایۂ کرم میں یہ غلام چل رہا ہے
سید نصیرالدین نصیر​

 

[زیرک]

ایسی حساس طبیعت کو لگے آگ میاں
آدمی روز کوئی زخم نیا کھاتا پھرے​

 

[محمد کاشف افضل]

یہ بھی ممکن ہے سنبھلتا نہ ہو دستار کا بوجھ
سر جھکانے کو عقیدت نہ سمجھ لیجئے گا​

واہ بہت خوب

 

[محمد کاشف افضل]

واہ بہت خوب

 

[زیرک]

ٹوئٹر ٹیگ؛ ایک ماں کی بھیک مانگتےہوئے تصویر دیکھ کر دل بھر آیا، ماؤں کی قدر کرنا سیکھئے

لٹا کے عمر کی دولت وہ خالی ہاتھ بیٹھی ہے
کسی ظالم کی جنت یوں سرِ بازار بیٹھی ہے​

 

[زیرک]

میاں یہ چادرِ شہرت تم اپنے پاس رکھو
کہ اس سے پاؤں جو ڈھانپیں تو سر نکلتا ہے​

 

[زیرک]

اپنوں کے خون کا بھی نہیں اعتبار کچھ
پھینکا تھا کس نے یوسفِ کنعاں کو چاہ میں​

 

[سحرش سحر]

تمھارے بس میں اگر ہو تو بھول جاؤ ہمیں
تمھیں بھلانے مین شاید ہمیں زمانہ لگے

 

[محمد عدنان اکبری نقیبی]

مرے ہر عمل کو سراہ کر یہ اذیتیں نہ دیا کرو
مری جان تم بھی عجیب ہو تمہیں روٹھنا بھی تو چاہئے

آغا سروش

 

[محمد عدنان اکبری نقیبی]

جب آ جاتی ہے دنیا گھوم پھر کر اپنے مرکز پر
تو واپس لوٹ کر گزرے زمانے کیوں نہیں آتے

عبرت مچھلی شہری

 

[محمد عدنان اکبری نقیبی]

موجوں کی سیاست سے مایوس نہ ہو فانیؔ
گرداب کی ہر تہہ میں ساحل نظر آتا ہے

فانی بدایونی

 

[زیرک]

ہزار چہرے ہیں موجود آدمی غائب
یہ کس خرابے میں دنیا نے لا کے چھوڑ دیا​

 

[زیرک]

طلسمِ خاک کے پھیلے ہوئے غبار میں ہوں
نہ جانے کون ہوں کس کے اختیار میں ہوں​

 

[زیرک]

کاٹا ہے آستین کے سانپوں نے اس قدر
میں سامنے پڑی ہوئی رسی سے ڈر گیا​

 

[زیرک]

شورِ پندِ ناصح نے زخم پر نمک چھڑکا
آپ سے کوئی پوچھے، تم نے کیا مزا پایا
مرزا غالب​