آپ کے پسندیدہ اشعار!

[زیرک]

جواں ہمت سبق لیتے ہیں دنیا میں حوادث سے
زبوں ہمت جو ہوتے ہیں وہ پچھتایا ہی کرتے ہیں​

 

[زیرک]

تیرے لہجے میں کیا نہیں تھا مگر
صرف سچ کی ذرا کمی نکلی​

 

[زیرک]

دلِ درویش اک مدینہ ہے
تم مدینے میں شر کرو گے میاں​

 

[محمد عدنان اکبری نقیبی]

اور کوئی پہچان مری بنتی ہی نہیں
جانتے ہیں سب لوگ کہ بس تیرا ہوں میں

محمد ندیم بھابھہ

 

[محمد عدنان اکبری نقیبی]

ہم اہل عشق بڑے وضع دار ہوتے ہیں
ہماری آنکھ میں دیکھو کہیں نمی تو نہیں

محمد ندیم بھابھہ

 

[زیرک]

کب لوٹا ہے بہتا پانی، بچھڑا ساجن، روٹھا دوست
ہم نے اس کو اپنا جانا، جب تک ہاتھ میں داماں تھا
ابن انشا​

 

[زیرک]

انشا جی اب اجنبیوں میں چین سے باقی عمر کٹے
جن کی خاطر بستی چھوڑی نام نہ لو ان پیاروں کا
ابنِ انشا​

 

[زیرک]

زندگی کٹ گئی مناتے ہوئے
اب ارادہ ہے روٹھ جانے کا
فرحت شہزاد​

 

[زیرک]

شکریہ اے مرے قاتل، اے مسیحا میرے
زہر جو تُو نے دیا تھا وہ دوا ہو بیٹھا
فرحت شہزاد​

 

[کاشفی]

روشندان سے دھوپ کا ٹکڑا آ کر میرے پاس گرا
اور پھر سورج نے کوشش کی مجھ سے آنکھ ملانے کی
(حمیرا رحمان)

 

[کاشفی]

لوگو! ہم پردیسی ہو کر جانے کیا کیا کھو بیٹھے
اپنے کوچے بھی لگتے ہیں بیگانے بیگانے سے
(حمیرا رحمان)

 

[ایم اے راجا]

کی محمد سے وفا تونے تو ہم تیرے ہیں
یہ جہاں چیز ہے کیا لوح قلم تیرے ہیں

 

[رباب واسطی]

بڑے وثوق سے دنیا فریب دیتی ہے
بڑے خلوص سے ہم اعتبار کرتے ہیں

 

[رباب واسطی]

اس سے پہلے کہ کسی رسم پہ وارے جائیں
چل کسی خواب کی تکمیل میں مارے جائیں

 

[رباب واسطی]

سو بار اک گلی میں مجھے لے گیا یہ وہم
کھڑکی سے کوئی مصلحتاً ۔۔جھانکتا نہ ہو

 

[رباب واسطی]

سِی کے لَب ایک قیامت سی اُٹھا دی جائے
رہ کے خاموش ذرا ۔۔۔ دھوم مچا دی جائے

 

[رباب واسطی]

تمہاری دید کو ترستی رہ گئیں ۔۔۔میری آنکھیں
شب ہجِراں نہ چین آیا، نہ نیندآئی، نہ تم آئے

 

[رباب واسطی]

وقت کے تیر تو سینے پہ سنبھالے ہم نے
اور جو نیل پڑے ہیں، تری گفتار سے ہیں

 

[رباب واسطی]

ایک فلک زاد جو معمار نظر آتا ہے
ہر گھروندہ یہاں مسمار نظر آتا ہے

 

[رباب واسطی]

ضبط کہتا ہے خموشی سے بسر ہوجائے
درد کی ضد ہے زمانے کو خبر ہوجائے