آپ کے پسندیدہ اشعار!

[محمد عدنان اکبری نقیبی]

رات آنکھوں میں کٹی دن کو رہی بے چینی
کیسا ہم درد ہوا درد مٹانے والا

وشال کھلر

 

[زیرک]

ہم چپ رہے تو اور بھی الزام آئے گا
اب کچھ نہ کچھ جواب ضروری سا ہو گیا​

 

[زیرک]

ہمارے بعد کوئی سرپرست مل نہ سکا
یتیم خانے میں رکھا گیا محبت کو
حسیب الحسن​

 

[زیرک]

میں بہت سوچ کے بچھڑا تھا محرّم میں حسیب
میں نے اس شخص کو رونے کی سہولت دی تھی
حسیب الحسن​

 

[زیرک]

ہمارے ذہن میں لاوا تھا پھوٹ بہنے کو
اگر یہ شعر نہ ہوتے تو زلزلہ آتا
حسیب الحسن​

 

[زیرک]

آگے بڑھنے کا شوق تھا مجھ کو
ٹانگ غربت نے کھینچ لی میری
حسیب الحسن​

 

[زیرک]

تنگ آ چکا ہوں زیست کے تنہا سفر سے میں
راہیں اداس ہیں تو کبھی منزل اداس ہے​

 

[زیرک]

بہت دن ہو گئے اداس غزل لکھے ہوئے تم کو
ردیف و قافیے گم ہیں، یا وصلِ یار میں گم ہو​

 

[زیرک]

ہوتی رہے خلاف میرے شہر کی ہوا
میں نے بھی ہر مزاج کا ٹھیکہ نہیں لیا​

 

[زیرک]

غم ہے تو کوئی لطف نہیں بسترِ گُل پر
جی خوش ہے تو کانٹوں پہ بھی آرام بہت ہے​

 

[زیرک]

پکار رہا تھا زبانِ حال سے ٹوٹے بِکھرے مکان کا ملبہ
یہ گھر زلزلے سے نہیں مکِینوں کی رنجِش سے گِرا ہے​

 

[زیرک]

خود فریبی کی انہیں عادت سی شاید پڑ گئی
ہر نئے رہزن کو سینے سے لگا لیتے ہیں لوگ
قتیل شفائی​

 

[رباب واسطی]

‏اترتا ہے سلیقے سے یہ جذبہ بھی امیروں پر
"دسمبر "ایک فیشن ہے سجاوٹ کے جزیروں پر
کسی رشتے کا کیا رشتہ ؟ بدلتے اس کیلنڈر سے
مہینے سب برابر ہیں محبت کے فقیروں پر

 

[زیرک]

بہت سے غم دسمبر میں دسمبر کے نہیں ہوتے
اسے بھی جون کا غم تھا، مگر رویا دسمبر میں​

 

[زیرک]

احساس کے جھونکے ٹھنڈے ہیں، اک برف ہے ان کے سینوں میں
اس شہر کے بسنے والوں میں، ہر شخص دسمبر لگتا ہے​

 

[جان]

ہم تم پہ مر مٹے تو یہ کس کا قصور ہے
آئینہ لے کے ہاتھ میں خود فیصلہ کرو
شاہد کبیر

 

[زیرک]

کسی کو دیکھوں تو ماتھے پہ ماہ و سال ملیں
کہیں بکھرتی ہوئی دھول میں سوال ملیں
ذرا سی دیر دسمبر کی دھوپ میں بیٹھیں
یہ فرصتیں ہمیں شاید نہ اگلے سال ملیں​

 

[زیرک]

سرد سرد موسم میں، زرد زرد ہونٹوں پر
چپ کا جو پہرا ہے، کوئی تو زخم گہرا ہے​

 

[زیرک]

ترا خیال بھی تیری طرح ستمگر ہے
جہاں پہ چاہئے آنا، وہیں نہیں آتا
شہریار​

 

[زیرک]

طبعِ نازک پہ گزرتا ہے گراں تو گزرے
زیب وحشی کو یہی طرزِ فغاں دیتا ہے​