آپ کے پسندیدہ اشعار!

[زیرک]

یہ رہِ عشق ہے اور عشق میں یونس تحسین
گردنیں توڑتے پھندے نہیں دیکھے جاتے
یونس تحسین​

 

[زیرک]

خبر نہیں ابھی دنیا کو میرے سانحے کی
سو اپنے آپ سے کرتا ہوں تعزیت اپنی
انجم سلیمی​

 

[رباب واسطی]

اس شرط پہ جو لیجئیے ' تو حاضر ہے دل ابھی
"رنجش" نہ ہو ،" فریب" نہ ہو ، " امتحان" نہ ہو

 

[رباب واسطی]

ہر چند نظر نے جھیلے ہیں ہر بار سنہرے گھاؤ بھی
ہم آج بھی دھوکا کھا لیں گے، تم بھیس بدل کر آؤ تو

 

[رباب واسطی]

آتا ہے جسے رسم محبت کا وظیفہ
چلتا نہیں اس پر غم حالات کا جادو

 

[رباب واسطی]

اپنی اذاں تو کوئی مؤذن نہ سن سکا
کانوں پہ ہاتھ رکھے ہوئے بولتا رہا

 

[رباب واسطی]

یوں ہی دشمن نہیں در آیا مرے آنگن میں
دھوپ کو راہ ملی پیڑ کی عریانی سے

سلیم کوثر

 

[زیرک]

وہ مسیحا نہ بنا، ہم نے بھی خواہش نہیں کی
اپنی شرطوں پہ جیے اس سے گزارش نہیں کی​

 

[زیرک]

اس نے اک روز کیا ہم سے اچانک وہ سوال
دھڑکنیں تھم سی گئیں وقت نے جنبش نہیں کی​

 

[زیرک]

آج تو خواہش کہ چھلک جائے یہ پیمانۂ صبر
ہم تو ہاتھوں میں کئی جام لیے بیٹھے ہیں​

 

[زیرک]

اگر وہ پوچھ لیں ہم سے، تمہیں کس بات کا غم ہے؟
تو پھر کس بات کا غم ہے، اگر وہ پوچھ لیں ہم سے​

 

[رباب واسطی]

زندہ رہنے کے بہانے ڈھونڈیں
آؤ کچھ دوست پرانے ڈھونڈیں

 

[زیرک]

کہاں گئے وہ شناسا، وہ اجنبی چہرے
اجاڑ سی نظر آتی ہے ہر گلی اب تو​

 

[زیرک]

تری کمی سے بکھرنے لگا ہے شیرازہ
تُو آئے گا تو تجھے ٹوٹ کر گلے ملیں گے
اسامہ خالد​

 

[محمد عدنان اکبری نقیبی]

ممکن ہے کہ اب بھی ہونٹوں پر کوئی بھولا بسرا شعلہ ہو
میں جلتے جلتے راکھ ہوا لہجہ مدھم کرنے کے لیے

ساقی فاروقی

 

[زیرک]

یادیں

تنہائی کا اک اور مزہ لوٹ رہا ہوں
مہمان مرے گھر میں بہت آئے ہوئے ہیں​

 

[محمد عدنان اکبری نقیبی]

حیرانی میں ہوں آخر کس کی پرچھائیں ہوں
وہ بھی دھیان میں آیا جس کا سایہ کوئی نہ تھا

ساقی فاروقی

 

[زیرک]

بادل تو بہت ہیں، مگر اس شہر میں ہم نے
آنکھوں کے سوا کچھ بھی برستے نہیں دیکھا​

 

[زیرک]

ہر شخص دوڑتا ہے یہاں بِھیڑ کی طرف
پھر یہ بھی چاہتا ہے اسے راستہ ملے
وسیم بریلوی​

 

[رباب واسطی]

‏تم کسی اور تجسُس میں پڑے ہو ورنہ
آئینہ دیکھنے والے تو سُدھر جاتے ہیں