آپ کے پسندیدہ اشعار!

[سحرش سحر]

سمجھ جاتا ہوں چالوں کو مگر کچھ وقت لگتا ہے
وہ بازی جیت جاتے ہیں مرے چالاک ہونے تک

 

[زیرک]

غرقاب ہو نہ جائے کہیں ضبط کا جہاں
پھر آج دردِ دل کا ہے دریا چڑھا ہوا​

 

[زیرک]

دستِ قضا بڑھا ہے مری سمت، الوداع
اے اعتکافِ عشق! عبادت تمام شد​

 

[زیرک]

بے ستوں مکانوں سے پیڑ راؔم اچھے ہیں
گود بھی کشادہ ہے، چھاؤں بھی زیادہ ہے
رام ریاض​

 

[زیرک]

نقاب ان کے چہرے سے سرکا ہے شاید
بڑی دور تک برق لہرا رہی ہے
عبدالحمید عدم​

 

[زیرک]

برباد گلستاں کرنے کو بس ایک ہی الو کافی تھا
ہر شاخ پہ الو بیٹھا ہے، انجامِ گلستاں کیا ہو گا
شوق بہرائچی​

 

[زیرک]

لاکھ بازارِ محبت کے لگائے پھیرے
بیوقوفی کے سوا اور کوئی سودا نہ ملا
شوق بہرائچی​

 

[زیرک]

دیکھتے ہیں جب کبھی ایمان میں نقصان شیخ
اونے پونے بیچ ڈالا کرتے ہیں ایمان شیخ
شوق بہرائچی​

 

[رباب واسطی]

فراق چھیڑ دیا تُو نے کیا فسانۂ درد
سمجھ میں کچھ نہیں آتا مگر سنائے جا
فراق گورکھپوری

 

[زیرک]

یہاں سخن جو فسانہ طراز ہو، وہ کرے
جو بات سچ ہے وہ ناقابلِ بیاں ہے یہاں​

 

[زیرک]

کہاں جاتے ہو الفت کا فسانہ چھیڑ کر، ٹھہرو
پہنچتی ہے کہاں اب یہ کہانی، دیکھتے جاؤ​

 

[زیرک]

کوئی سنتا نہیں یہ پند و نصیحت ناصح
آپ کیوں کہہ کے گنہگار ہوا کرتے ہیں​

 

[رباب واسطی]

ہمارے پاس ذرا چل کے آ ضرورت ہے
قدم " ہمارے قدم سے ,ملا ضرورت ہے

عابد کمالوی

 

[زیرک]

میں قرض کا کشکول بھلا کیوں نہ اٹھاؤں
اک لُوٹا ہوا گھر مجھے وِرثے میں ملا ہے
عابد کمالوی​

 

[رباب واسطی]

اپنی عادت ہی زمانے سے جدا رکھی ہے
دوستی ہم سے کرو ہم میں وفا رکھی ہے

عابد کمالوی

 

[زیرک]

اس نے آنکھوں کے اشاروں سے بھری محفل میں
کچھ نہ کچھ تو ہمیں سمجھانے کی کوشش کی ہے
عابدکمالوی​

 

[محمد عدنان اکبری نقیبی]

دے مال ہم کو مفت ہم اصحابِ کہف ہیں
سکہ ہمارے دور کا چلتا نہیں کہیں

جون ایلیاء

 

[رباب واسطی]

پھر دل کو ہوگئی ہے وہی راہ گذر عزیز
پھر آگئے فریب میں ہم مدتوں کے بعد

 

[رباب واسطی]

دشمنوں کا بھی نہیں اب تو بھروسہ کوئی
بعض اوقات وہ احباب نکل آتے ہیں

عبدالحمید عدم

 

[رباب واسطی]

‏یہاں الفاظ بکتے ہیں تجارت ہے تخیل کی
محبت ایک پیشہ ہے تمہارے شہر میں محسنؔ