آپ کے پسندیدہ اشعار!

[رباب واسطی]

ہم دنیا سے جب تنگ آیا کرتے ہیں
اپنے ساتھ اک شام منایا کرتے ہیں

 

[محمد عدنان اکبری نقیبی]

ہزار رخ ترے ملنے کے ہیں نہ ملنے میں
کسے فراق کہوں اور کسے وصال کہوں

روش صدیقی

 

[زیرک]

دل میں رہتے جو مِرے اور ہی کچھ ہو جاتے
یہ وہ کعبہ ہے کہ بت جس میں خدا ہوتے ہیں
مادھو رام جوہر​

 

[زیرک]

چھوڑنا ہے تو نہ الزام لگا کر چھوڑو
کہیں مل جاؤ تو پھر لطفِ ملاقات رہے
مادھو رام جوہر​

 

[فاخر رضا]

ايك نو وارد شعر آ پ سبھوں کی خدمت میں پیش ہے ؏
اشک کو ہی نہیں غم کہے گئے ہیں
غم دھویں کی گھٹاؤں کا نام بھی ہے

تم اپنے شعر اس لڑی میں پوسٹ مت کرو

 

[فاخر]

تم اپنے شعر اس لڑی میں پوسٹ مت کرو

کیوں بھائی فاخر رضا ؟؟؟؟ اس لڑی پر آپ کا ہی اجارہ چلتا ہے کیا؟

 

[زیرک]

بات یہ ہے کہ لوگ بدل گئے ہیں
ظلم یہ ہے کہ وہ مانتے نہیں ہیں
جون ایلیا​

 

[رباب واسطی]

زخم پہ زخم سہے پھر بھی دھڑکتا جائے
دلِ درویش ، تُو کس دیس کا باشندہ ہے

 

[محمد عدنان اکبری نقیبی]

یا تو جو نافہم ہیں وہ بولتے ہیں ان دنوں
یا جنہیں خاموش رہنے کی سزا معلوم ہے

شجاع خاور

 

[محمد عدنان اکبری نقیبی]

مسافروں سے محبت کی بات کر لیکن
مسافروں کی محبت کا اعتبار نہ کر

عمر انصاری

 

[محمد عدنان اکبری نقیبی]

یہ مرا احساس ہے یا جبر موسم کا اثر
اب کی رت مہکے نہیں گل پچھلے سالوں کی طرح

خاطر غزنوی

 

[رباب واسطی]

کہنے کو تو گزرے کئی طوفان بھی َسر سے
ہم لوگ مگر شہر میں رونے کو بھی تر سے

 

[رباب واسطی]

میرے پہلو میں نہیں، آپ کی مٹھی میں نہیں
بے ٹھکانہ ہے بہت دن سے، ٹھکانہ دل کا

 

[sani moradabadi]

خشت پشت دست عجز و قالب آغوش وداع
پر ہوا ہے سیل سے پیمانی کس تعمیر کا

 

[رباب واسطی]

افواہ تھی کہ میری طبیعت خراب ہے
لوگوں نے پوچھ پوچھ کر بیمار کر دیا

 

[رباب واسطی]

بس اک ترا نام چھپانے کی غرض سے
کس کس کو پکارا دل بیمار نے میرے

 

[رباب واسطی]

کچھ دیر ٹھہر جا ابھی اے موجِ تلاطم
ٹوٹی ہوئی کشتی کو ُالجھنے دے بھنور سے

 

[فرقان احمد]

بیٹھے بیٹھے پھینک دیا ہے آتش دان میں کیا کیا کچھ
موسم اتنا سرد نہیں تھا _______جتنی آگ جلا لی ہے

ذوالفقار عادل

 

[فرقان احمد]

نا جانے کتنے چراغوں کو مِل گئی شہرت
اِک آفتاب کے بے وقت ڈوب جانے سے ۔۔۔!


اقبال اشعر

 

[رباب واسطی]

کوئی تدبیر کرو وقت کو روکو یارو
صبح دیکھی ہی نہیں، شام ہوئی جاتی ہے