آپ کے پسندیدہ اشعار!

[جاسمن]

نظر کو پھیر کر ہم بھی گذر جاتے تو اچھا تھا
محبت کے اوائل میں مُکر جاتے تو اچھا تھا

اب پچھتاوے کیا ہووت۔۔۔

 

[جاسمن]

کرے کلام جو مجھ سے تو میرے لہجے میں
میں چپ رہوں تو میرے تیوروں کا ساتھی ہو

افتخار عارف

نور جہاں کی آواز ذہن میں گونجنے لگتی ہے۔

 

[جاسمن]

جیسے ساحل سے چھڑا لیتی ہیں موجیں دامن
کتنا سادہ ہے تیرا مجھ سے گریزاں ہونا

یہ شعر بہت بہت پہلے پڑھا تھا۔

 

[جاسمن]

اب تک میری یادوں سے ، مٹائے نہیں مٹتا
بھیگی ہوئی اِک شام کا منظر , تیری آنکھیں

محسن نقوی

بہت خوب!

 

[جاسمن]

میرے حجرے میں نہیں، اور کہیں پر رکھ دو
آسماں لائے ہو ؟ لے آؤ، زمیں پر رکھ دو

اب کہاں ڈھونڈنے جاؤ گے ہمارے قاتل
آپ تو قتل کا الزام ہمِیں پر رکھ دو

میں نے اُس طاق میں کُچھ ٹوٹے دئیے رکھے ہیں
چاند سورج کو بھی لے جا کے وہیں پر رکھ دو

راحت اندوری

خوبصورت اشعار

 

[جاسمن]

نجانے کتنے چراغوں کو مل گئی شہرت
اِک آفتاب کے بے وقت ڈُوب جانے سے

ایک تلخ حقیقت۔

 

[جاسمن]

ہمارے لہجے میں یہ توازن بڑی صعُوبت کے بعد آیا
کئی مزاجوں کے دشت دیکھے، کئی رویوں کی خاک چھانی

(عزم بہزاد)

ایسا ہوتا ہے

 

[رباب واسطی]

ایک تلخ حقیقت۔

کمال کیا
ساری لڑی کا تجزیہ کر ڈالا آج تو آپ نے

 

[جاسمن]

کمال کیا
ساری لڑی کا تجزیہ کر ڈالا آج تو آپ نے

ہائے نہیں رباب۔ ساری لڑی تو ماشاءاللہ بہت بڑی ہے۔ میں نے آج دو تین صفحات ہی دیکھے ہیں بس۔

 

[رباب واسطی]

ہائے نہیں رباب۔ ساری لڑی تو ماشاءاللہ بہت بڑی ہے۔ میں نے آج دو تین صفحات ہی دیکھے ہیں بس۔

بہرحال شکریہ
اردو محفل کی مدیر کی جانب سے خصوصی توجہ ہمارے لیئے اعزاز سے کم نہیں

 

[فرقان احمد]

ہائے نہیں رباب۔ ساری لڑی تو ماشاءاللہ بہت بڑی ہے۔ میں نے آج دو تین صفحات ہی دیکھے ہیں بس۔

ہماری خوش بختی ہے کہ آپ یہاں تشریف لائیں۔

سرگوشی

آپ نے دیگر مراسلات پر اس قدر پسندیدگیوں سے نواز دیا ہے کہ شاید شکریہ کے لیے الگ سے لڑی بنانا پڑ جائے گی

 

[جاسمن]

ہماری خوش بختی ہے کہ آپ یہاں تشریف لائیں۔

سرگوشی

آپ نے دیگر مراسلات پر اس قدر پسندیدگیوں سے نواز دیا ہے کہ شاید شکریہ کے لیے الگ سے لڑی بنانا پڑ جائے گی

جس قدر پسندیدگیاں ہیں،اسی قدر شکریے ہونے چاہیئں۔

 

[رباب واسطی]

خود پگھل جاتا ہے تھوڑی سی حرارت پا کر
موم تو دھاگے کو جلنے میں مدد دیتا ہے

قمرزیدی

 

[رباب واسطی]

شکر ہے موم سے تخلیق ہماری نہ ہوئی
ورنہ اپنے ہی تخیل سے پگھل جاتا بشر
رخشندہ بتول

 

[رباب واسطی]

شرمندہ ہو اگر تو کہیں جا کے چھپ رہو
عاجز ہم آ چکے ہیں محبت سے , چپ رہو

 

[محمد عدنان اکبری نقیبی]

مکاں اجاڑ تھا اور لا مکاں کی خواہش تھی
سو اپنے آپ سے باہر قیام کر لیا ہے

امیر حمزہ ثاقب

 

[محمد عدنان اکبری نقیبی]

ہمیں لگا کہ کوئی شعر کہہ لیا ہم نے
ذرا سی دیر کہیں کوئی مل گیا ایسے

نامعلوم

 

[فرقان احمد]

ہمیں لگا کہ کوئی شعر کہہ لیا ہم نے
ذرا سی دیر کہیں کوئی مل گیا ایسے

نامعلوم

قابل صد احترام زہرا نگار صاحبہ (ہمشیرہ محترم انور مقصود حمیدی، مرحومہ فاطمہ ثریا بجیا، مرحومہ زبیدہ طارق المعروف زبیدہ آپا)

 

[محمد عدنان اکبری نقیبی]

قابل صد احترام زہرا نگار صاحبہ (ہمشیرہ محترم انور مقصود حمیدی، مرحومہ فاطمہ ثریا بجیا، مرحومہ زبیدہ طارق المعروف زبیدہ آپا)

محمداحمد بھائی توجہ فرمائیں ۔

 

[محمداحمد]

محمداحمد بھائی توجہ فرمائیں ۔

جی بلاگ پر غزل کے تبصرے میں بھی کسی گمنام شخص نے شاعرہ کا نام زہرا نگار ہی بتایا ہے۔

ممکن ہے وہ اپنے فرقان بھائی ہی ہوں۔ انہیں بھی سات پردوں میں رہنے کا بہت شوق ہے۔