آپ کے پسندیدہ اشعار!

[محمد عدنان اکبری نقیبی]

انہیں بھی سات پردوں میں رہنے کا بہت شوق ہے۔

یہ بھی ایک حقیقت ہے کی ان سات پردوں میں لگتا ہے کہ کوئی گوہر نایاب چھپا بیٹھا ہے ۔

 

[فرقان احمد]

جی بلاگ پر غزل کے تبصرے میں بھی کسی گمنام شخص نے شاعرہ کا نام زہرا نگار ہی بتایا ہے۔

ممکن ہے وہ اپنے فرقان بھائی ہی ہوں۔ انہیں بھی سات پردوں میں رہنے کا بہت شوق ہے۔

واللہ یہ ہم نہ ہیں۔۔۔! یہ الگ بات کہ ہمیں یہاں گم نام رہ کر مفت میں سستی شہرت مل رہی ہے؛ اور کیا چاہیے؟

 

[محمداحمد]

واللہ یہ ہم نہ ہیں۔۔۔! یہ الگ بات کہ ہمیں یہاں گم نام رہ کر مفت میں سستی شہرت مل رہی ہے؛ اور کیا چاہیے؟

ہم نہ ہوں گے، کوئی ہم سا ہوگا۔

 

[جان]

تم مخاطب بھی ہو قریب بھی ہو
تم کو دیکھیں کہ تم سے بات کریں

 

[رباب واسطی]

اُٹھتی تھیں دریچوں پہ ہماری بھی نگاہیں
اپنا بھی کبھی شہرِ نِگاراں میں گُذر تھا

احسان دانش

 

[رباب واسطی]

فرق بس اتنا ہے بینِ رہنما و رہزن
اک رہِ ویراں میں لوٹے، اک بھرے دربار میں

پروین شیری

 

[محمد عدنان اکبری نقیبی]

مری کہانی کا گمنام ہے کوئی کردار
وہ ایک شخص جو ملتا ہے بار بار مجھے

زبیر قیصر

 

[رباب واسطی]

اس شہرت عظیم سے گمنام ہی بھلے
سب جانتے ہوں اور کوئی آشنا نہ ہو

 

[جان]

مسافر ہی مسافر ہر طرف ہیں
مگر ہر شخص تنہا جا رہا ہے
احمد ندیم قاسمی

 

[محمد عدنان اکبری نقیبی]

شکن نہ ڈال جبیں پر شراب دیتے ہوئے
یہ مسکراتی ہوئی چیز مسکرا کے پلا

عبدالحمید عدم

 

[محمد عدنان اکبری نقیبی]

کیوں کھل گئے لوگوں پہ مری ذات کے اسرار
اے کاش کہ ہوتی مری گہرائی ذرا اور

انس معین

 

[محمد عدنان اکبری نقیبی]

نروان کیا بس اب تو اماں کی تلاش ہے
تہذیب پھیلنے لگی جنگل سکڑ گئے

انس معین

 

[محمد عدنان اکبری نقیبی]

ہر ایک شہر کا معیار مختلف دیکھا
کہیں پہ سر کہیں پگڑی کا احترام ہوا

انس معین

 

[جان]

جانتا ہوں کہ میری جان ہے تو
اور میں جان سے بیزار یہ کیا
داغ دہلوی

 

[عبداللہ جان]

دو رنگی چھوڑ کر یک رنگ ہوجا

سراسر موم ہو یا سنگ ہوجا

اقبال

 

[عبداللہ جان]

محفلین اس لڑی میں اپنے پسندیدہ اشعار ارسال کر سکتے ہیں۔ شکریہ!

رات دن گردش میں ہیں سات آسماں
ہو رہے گا کچھ نہ کچھ، گھبرائیں کیا!

(غالب)

کیا ایک سے زیادہ شعر ارسال کیے جاسکتے ہیں؟

 

[فرقان احمد]

کیا ایک سے زیادہ شعر ارسال کیے جاسکتے ہیں؟

عبداللہ صاحب! جی ہاں!

 

[عبداللہ جان]

نمی دانم کہ آخر چوں دمِ دیدار می رقصم

مگر نازم بایں ذوقے کہ پیشِِ یار می رقصم

شاعرکا نام معلوم نہیں

 

[عبداللہ جان]

"نہ جانے اوروں کو میں کس طرح کا لگتا ہوں"

"یہ آرزو ہے کہ باہر سے دیکھ لوں خود"
(الف عین)

 

[فرقان احمد]

"نہ جانے اوروں کو میں کس طرح کا لگتا ہوں"

"یہ آرزو ہے کہ باہر سے دیکھ لوں خود"
(الف عین)

عبداللہ صاحب! براہِ مہربانی مراسلے میں تدوین کر کے دوسرے مصرع میں 'خود' کے ساتھ 'کو' کے لفظ کا اضافہ کر دیجیے، شکریہ!